¶ 1 KOE gaahi lea a Akuli koe foha o Jake, aia koe kikite: nae lea ae tagata kia Itieli, io, kia Itieli mo Ukali.

2 Koe mooni oku lahi hake a eku vale i he tagata kotoabe, bea oku ikai teu ma‘u ae boto o ha tagata.

3 Kuo ikai akonekina au ki he boto, bea oku ikai teu ma‘u ae ilo oe maonioni.

4 Kohai kuo alu hake ki he lagi, be alu hifo? kohai oku ne tanaki ae matagi i hono nima? kohai kuo ne fakamaoboobo ae gaahi vai i ha kofu? kohai kuo ne fokotuu mau ae gaahi gataaga o mamani? kohai hono huafa, bea kohai ae huafa o hono Alo, o kabau oku ke faa fakaha?

5 Oku maa ae folofola kotoabe ae Otua: bea koe ugaaga ia kiate kinautolu kotoabe oku falala kiate ia.

6 Oua naa ke fakalahi ki he ene folofola telia naa ne valoki‘i koe, bea e ilo ai koe koe loi.

7 Koe mea e ua kuou kole kiate koe; bea oua naa ke taofi ia iate au o a‘u ki he eku mate.

8 Hiki ke mamao iate au ae vaiga moe loi: bea oua naaku majiva be koloaia: fafaga aki au ae mea kai oku tāu be mo au:

9 Telia naaku makona, beau fakafiji‘i koe, beau behe, Kohai a Jihova? telia foki naaku majiva, beau kaihaa, mo takua noa ae huafa o hoku Otua.

10 Oua naa ke fakakovi‘i ae tamaioeiki ki he ene eiki, telia naa ne kabe‘i koe, bea ilo ko koe oku halaia.

11 Oku ai ae fānau oku kabe ki he e nau tamai, bea oku ikai ke tabuaki‘i e nau fa‘e.

12 Oku ai ae toutagata e taha oku nau maonioni i ho nau mata onautolu, ka oku heeki ke fufulu e nau aga fakalielia.

13 Oku ai ae toutagata e taha, Oi seuke! hono ikai maoluga a ho nau mata! bea kuo nau hiki hake ho nau laumata.

14 Oku ai ae toutagata e taha, oku tatau ho nau nifo moe heleta, mo ho nau gao oku hage koe hele, ke kai o oji ae majiva mei he fuga o mamani, bea oji moe baea mei he kakai.

15 Oku ma‘u e he aluka ae ofefine e toko ua oku tagi, Foaki mai, foaki mai. Oku ai ae mea e tolu oku ikai jii ke fiemalie, io, oku fa ae mea oku ikai ke nau behe, Maua, kuo lahi:

16 Koe faitoka; moe manāva oku baa; koe kelekele oku ikai bito i he vai; bea moe afi oku ikai ke behe, Maua, kuo lahi.

17 Koe mata oku manuki ki he ene tamai, bea ikai tokaga ke fai talagofua ki he ene fa‘e, e kabe‘i ia e he faga leveni oe telea, bea e kai ia e he faga ikale iki.

18 Oku ai ae mea e tolu oku fakaofo lahi kiate au, io, koe mea e fa oku ikai teu ilo‘i:

19 Koe bunaaga oe ikale i he atā; moe hala oe gata i he fuga maka; moe aluaga oe vaka i he loto vaha; moe aga ae tagata ki he tāuboou.

20 Oku behe ae aga ae fefine tonotagata; oku ne kai, o ne holoholo hono gutu, o ne behe, Nae ikai teu fai ha kovi.

21 Koe mea e tolu oku maveuveu ai a mamani, koe mea e fa oku ikai ke ne faa kataki‘i:

22 Koe tamaioeiki kuo fakanofo ke bule; moe tagata vale kuo makona i he mea kai;

23 Moe fefine aga fakalielia kuo mali; moe kaunaga oku hoko ki he koloa a ene eiki fefine.

24 Oku ai ae mea e fa oku iki i he fuga o mamani, ka oku lahi aubito e nau boto:

25 Koe lo, koe faahiga ia oku ikai ke malohi, ka oku nau tokonaki e nau mea kai i he faahitau mafana.

26 Koe faga safana, koe faahiga ia oku vaivai be, ka oku nau gaohi ho nau fale i he gaahi maka;

27 Oku ikai ma‘u ha tu‘i e he faga hee, ka oku nau buna fakataha atu;

28 Oku buke aki e he hina a hono nima, o ne nofo i he gaahi fale oe gaahi tu‘i.

29 Oku ai ae mea e tolu oku lelei e nau alu, io, oku fa ae mea oku matalelei e nau alu:

30 Koe laione aia oku malohi i he faga manu, bea e ikai te ne tafoki atu i ha taha;

31 Koe hose; moe koji tagata foki; bea moe tu‘i, oku ikai faa fai ki ai ha agatuu.

32 Kabau kuo ke fai vale i hoo hiki hake koe ekoe, bea kabau kuo ke mahalo kovi, ke ke ai ho nima ki ho gutu.

33 Koe mooni oku tubu ae bota i he tuki ae hua huhu oe manu, bea tubu ae toto i he mioi oe ihu: oku behe, oku tubu ae fekeikei i he ita fakamalohi.