¶ 1 OUA naa ke meheka ki he kakai agakovi, bea oua naa ke holi ke kau mo kinautolu.

2 He oku fakakaukau a ho nau loto ki he fakaauha, bea lea a ho nau lougutu ki he fakamaveuveu.

3 Koe mea i he boto oku laga ai ha fale; bea oku fokotuu mau ia i he faa fakakaukau:

4 Bea koe mea i he faa ilo e fakabito ai ae gaahi botu fale aki ae gaahi koloa mahuiga mo lelei.

5 Oku malohi ae tagata oku boto, io, oku fakatubu e he tagata faa ilo a hono malohi.

6 He te ke fakahoko hoo tau i he fakakaukau boto: bea i he toko lahi a hono fakakaukau‘i oku ai ae tuumalie.

7 Oku ikai faa tatae ae boto e he vale: oku ikai mafaa hono gutu i he mataba.

8 Ko ia oku filioi ki he fai o ha kovi e ui ia koe tagata bauu.

9 Koe mahalo ae vale koe agahala ia: bea koia oku faa manuki koe fakalielia ia ki he kakai.

10 Kabau te ke bogia i he aho oe mamahi, ta oku jii ho malohi.

11 Kabau te ke taofi ke oua naa ke fakamoui akinautolu kuo takina ki he mate, bea mo kinautolu kuo teu ke tamate‘i;

12 Kabau te ke behe, Vakai, nae ikai te mau ilo ki ai; ikai oku tokaga‘i ia eia oku ne afio‘i ae loto? bea ko ia oku ne tauhi ho laumalie, ikai oku ne ilo ia ki ai? bea ikai e atu eia ki he tagata taki taha ae fakatatau o ene gaahi gaue?

13 E hoku foha, kai ekoe ae honi, koeuhi oku lelei ia; bea moe geeji oe honi aia oku melie ki ho gutu:

14 E behe ae ilo‘i oe boto ki ho laumalie: oka ke ka ma‘u ia, e hoko ai ae totogi, bea e ikai motuhi hoo amanaki.

15 E tagata agakovi, oua naa ke toi‘i mo lamaji ae fale oe maonioni; oua naa ke maumau‘i hono nofoaga:

16 He ka higa ae tagata agatonu ke liuga fitu, oku ne toe tuu hake: ka e to ae agahala ki he kovi.

17 Oua naa ke fiefia oka to hifo ho fili, bea oua naa fiefia ho loto oka tūkia ia:

18 Telia naa afio‘i ia e Jihova, bea kovi ia i hono ao, bea ne fakatafoki hono houhau meiate ia.

19 Oua naa ke kau moe kakai agakovi, bea oua naa ke meheka ki he kakai agahala;

20 Koeuhi e ikai ha totogi lelei ki he agakovi: e tamate‘i ke mate ae māma ae agahala.

21 E hoku foha, ke ke manavahe koe kia Jihova, bea moe tu‘i: bea oua naa ke kau kiate kinautolu oku loto feliliuaki:

22 Koeuhi e tubu fakafokifa e nau tuutamaki; bea kohai oku ne ilo‘i ho na tautea fakatouoji?

23 Koe gaahi mea ni foki oku kau ki he boto. Oku ikai lelei ke filifilimanako ki he kakai i he fai oe fakamāu.

24 Ko ia oku lea o behe ki he agakovi, Koe maonioni koe; e fakamalaia ia e he kakai, e fehia aubito ki ai ae gaahi buleaga:

25 Ka e hoko ae monuia kiate kinautolu oku valoki‘i ia, moe tabuaki oe lelei e hoko kiate kinautolu.

26 E fekita ae kakai ki hono lougutu oia oku faa tali aki ae lea oku totonu.

27 Ke teuteu hoo gaue itua, bea ke teuteu ia ke tāu mo koe ae goue; bea ke toki laga ho fale.

28 Oua naa ke fakamooni mea ki ho kaugaabi tae hano totonu; bea oua naa ke kākā aki ho lougutu.

29 Oua naa ke behe, Teu fai kiate ia o hage ko ene fai kiate au: teu atu ki he tagata o tatau mo ene gaue.

30 Naaku alu atu ki he goue ae fakabikobiko, moe goue vaine ae tagata tae fakakaukau;

31 Bea vakai, kuo vaoa ia i he akau talatala, bea ufiufi ia aki ae talatalaamoa, bea kuo maumau hono a maka oia.

32 Naaku toki mamata, beau fifili lahi ki ai: naaku jio ki ai, bea ne akonaki‘i au.

33 Io, e toe jii be ae mohe, e toe jii moe moumohea, e toe jii moe fehulunaki oe nima ke mohe.

34 Bea behe, e ha‘u ai hoo majiva o hage ha taha oku fonoga mai; mo hoo baea o hage ha tagata oku too mahafu.