¶ 1 OKU lelei hake ae fili ki he higoa oku ogolelei i he fili ki he koloa lahi, bea lelei hake ke ofeina i he ma‘u ae siliva moe koula.

2 Oku nofo fakataha ae koloaia moe majiva: ko Jihova, naa ne gaohi akinautolu kotoabe.

3 Oku jio mamao atu ae tagata fakabotoboto ki he kovi, o ne fufu ia mei ai: ka oku mole atu be ae vale, bea tautea ia.

4 Koe totogi oe agavaivai moe manavahe kia Jihova koe koloa, moe ogoogolelei, moe moui.

5 Oku i he hala oe talagataa ae akau talatala moe gaahi tauhele: koia oku fai ke tauhi hono laumalie te ne hiki mamao mei ai.

6 Akonaki‘i ae tamajii i he hala oku totonu ke ne alu ai: bea ka hoko ia o motua, e ikai te ne foki mei ai.

7 Oku bule ae koloaia ki he majiva, bea ko ia oku nono oku tamaioeiki kiate ia oku foaki mai.

8 Ko ia oku tūtū‘i ae kovi e utu eia ae mamahi: bea e auha ia i he mea ta i he ene ita.

9 E monuia ia oku mata ofa; he oku foaki eia a ene ma ki he majiva.

10 Ke li kitua aia oku manuki, bea e alu kitua ae fakakikihi foki: io, e gata ae feiteitani moe lauikovi.

11 Ko ia oku ofa ki he loto maa, e kaiga aki ia e he tu‘i koeuhi koe maonioni o hono lougutu.

12 Oku tauhi ae boto e he fofoga o Jihova, bea oku ne fulihi ae gaue ae agahala.

13 Oku behe e he tagata fakabikobiko, Oku ai ae laione itua, bea teu mate i he gaahi hala.

14 Koe gutu oe kau fefine kovi koe luo taumamao: bea e to ki ai aia oku fehia ki ai a Jihova.

15 Oku nonoo ae vale i he loto oe tamajii; ka koe vaa akau oe taute‘i e kabuji mamao ai ia iate ia.

16 Ko ia oku fakamalohi‘i ae majiva ke tubu ai ene koloa, bea mo ia oku foaki ki he koloaia, e hoko mooni kiate ia ae majiva.

17 Fakaogo ho teliga, bea fanogo ki he lea ae boto, bea fakatokaga‘i ho loto ki he eku ilo.

18 He koe mea lelei o kabau te ke tauhi ia iate koe; bea e tāu ke lea aki ia e ho lougutu.

19 Koeuhi ke ia Jihova hoo falala, aia kuou fakaha kiate koe i he aho ni, io, kiate koe be.

20 Ikai kuou tohi kiate koe ae gaahi mea lelei i he eginaki, bea moe boto,

21 Koeuhi keu fakaha ai kiate koe ae mooni oe gaahi lea mooni: koeuhi ke ke tali aki ae gaahi lea oe mooni akinautolu oku fekau mai kiate koe?

22 Oua naa kaihaa mei he majiva koeuhi koe majiva ia: bea oua naa fakamalohi‘i aia oku mamahi i he mataba:

23 Koeuhi e lagomaki‘i akinautolu e Jihova, bea te ne maumau‘i ae laumalie onautolu oku maumau‘i akinautolu.

24 Oua naa ke fakakaiga moe tagata faa ita; bea oua aubito naa ke alu mo ha tagata loto lili:

25 Telia naa ke ako ki hono gaahi hala, bea tauhele‘i ai ho laumalie.

26 Ke oua naa ke kau koe mo kinautolu oku febukeaki nima, be ko kinautolu oku fakababau ki he fai o ha totogi.

27 Kabau oku ikai hao mea ke totogi aki, koeha oku ave ai ho mohega mei lalo iate koe?

28 Oua naa hiki ae kau a motua, aia nae fokotuu e hoo kau mātua.

29 Oku ke mamata ki ha tagata oku faa fai ki he ene gaue? e tuu ia i he ao oe gaahi tu‘i; e ikai nofo ia i he ao oe kakai meavale.