¶ 1 KO eni foki ae gaahi lea fakatātā a Solomone, aia nae hiki e he kau tagata a Hesekaia koe tu‘i o Juta.

2 Koe nāunāu ia oe Otua ke fakafufu ha mea: ka koe mea e ogoogolelei ai ae gaahi tu‘i ke kumi ke ilo ae gaahi mea.

3 Koe lagi i hono maoluga, moe mamani i hono taumamao, moe loto oe gaahi tu‘i, oku tae faa ilo‘i.

4 Ke too atu ae uli mei he siliva, bea e gaohi mei ai ha ibu eia oku ne fakamaa siliva.

5 Ke ave ae agahala mei he ao oe tu‘i, bea e fokotuu mau ai hono nofoa fakaeieiki i he maonioni.

6 Oua naa ke hiki hake koe i he ao oe tu‘i, bea oua naa ke tuu i he botu oe kakai maoluga.

7 He oku lelei hake ke lea o behe kiate koe, Alu hake koe ki heni; i he tuku koe o fakamāulalo i he ao oe tu‘i kuo ke mamata ki ai.

8 Oua naa ke alu fakavave atu ke fakakikihi, telia naa e ikai te ke ilo ae mea ke fai oka oji ia, oka fakama‘i koe e ho kaugaabi.

9 Ke mo fai tokoua be hoo mo fakakikihi mo ho kaugaabi; bea oua naa fakaha ha tala fakalilolilo ki ha taha kehe:

10 Telia naa fakama‘i koe eia oku fanogo ki ai, bea ikai toe foki meiate koe ho ogoogokovi.

11 Koe lea oku gali mo totonu hono lea aki oku hage ia koe abeli koula i ha ibu siliva.

12 O hage koe hau koula moe teuga oe koula lelei, oku behe ia aia oku valoki fakabotoboto kiate ia oku teliga ogo.

13 O hage koe momoko oe uha hinehina i he lolotoga ae ututa‘u, oku behe ae talafekau totonu kiate kinautolu oku nau fekau‘i ia: he oku ne fakafiemalie eia ki he loto o ene houeiki.

14 Koia ia oku bolebole i ha foaki loi oku hage ia koe gaahi ao moe matagi tae hano uha.

15 Oku fakaloto‘i ae tu‘i i he fai fakakukafi, bea oku feji‘i ae hui e he elelo molu.

16 Kuo ke ilo ha honi? kai ai koe ke makona lelei be, telia naa ke fatufaia ai, bea lua aki.

17 Ke taofi ho va‘e mei he fale o he kaugaabi; telia naa fiu ia kiate koe, bea fehia ai kiate koe.

18 Koe tagata oku fakamooni loi ki hono kaugaabi, oku hage ia koe akai fakabo, moe heleta, bea moe gahau majila.

19 Koe falala i he tuutamaki ki ha tagata tae agatonu, oku hage ia koe nifo bobo, be koe va‘e kuo tabeva.

20 Oku hage koe tagata oku too o ave ha kofu i he faahita‘u momoko, bea hage koe fefiofi ae vaimahi moe naita, oku behe aia oku hiva aki ae gaahi faji ki he loto māfajia.

21 Kabau oku fiekaia ho fili, foaki ki ai ae ma ke ne kai; bea kabau oku fieinua, foaki kiate ia ae vai ke inu:

22 He te ke hilifaki ai ae malala‘i afi ki hono ulu, bea e totogi lelei e Jihova kiate koe.

23 Oku tubu ae uha mei he matagi tokelau; oku behe foki oku tubu ae matalili mei he elelo oe fakakovi.

24 Oku lelei hake ae nofo i he tuliki i he tua fale, i he nofo mo ha fefine faa ke i ha fale oku fuu atā.

25 Oku hage koe vai momoko kiate ia oku fieinua, oku behe ae ogoogolelei mei he fonua mamao.

26 Koe higa ae tagata maonioni i he ao oe kau agahala, oku hage ia koe matavai kuo fakagau‘eu‘e, moe vaitafe kuo fakauli‘i.

27 Oku ikai lelei ke kai lahi i he honi: bea behe, koe kumi e he kakai ho nau ogoogolelei onautolu be oku ikai koe ogoogolelei ia.

28 Koia ia oku ikai faa bule‘i hono laumalie oona oku tatau ia moe kolo kuo holoki hifo, bea oku ikai hano a.