¶ 1 E HOKU foha, kabau te ke ma‘u a eku gaahi lea, mo fakafufu iate koe a eku gaahi fekau;

2 Koeuhi ke fakatokaga‘i ho teliga ki he boto, bea ke tokaga ai ho loto ki he faa fakakaukau;

3 Io, kabau te ke tagi ki he ilo, bea ke hiki hake ho le‘o ke ma‘u ae fakakaukau:

4 Kabau te ke kumi ki ai o hage koe siliva, bea hakule ki ai o hage koe koloa kuo fufu;

5 Te ke toki ilo ai ae manavahe kia Jihova, bea ma‘u ae ilo‘i oe Otua.

6 He oku foaki e Jihova ae boto: oku ha‘u mei hono fofoga ae ilo moe fakakaukau.

7 Oku tokonaki eia ae boto aoga ma ae kakai maonioni: koe fakaū ia kiate kinautolu oku aeva i he agatonu.

8 Oku ne tauhi ae hala oe fakamāu; bea oku ne malu‘i ae hala o ene kakai maonioni.

9 Bea te ke toki ilo ai ae maonioni, moe fakamāu, moe fai totonu; io, ae hala lelei kotoabe.

¶ 10 Oka hu ae boto ki ho loto, bea malie ae ilo ki ho laumalie;

11 E fakamoui koe e he faa fakakaukau, bea e tauhi koe e he boto:

12 Ke fakamoui koe mei he hala oe tagata kovi, mei he tagata oku lea aki ae gaahi mea kovi;

13 Aia oku liaki ae hala oe maonioni, kae alu i he gaahi hala oe fakabouli;

14 Aia oku fiefia ke fai kovi, bea oku fiemalie i he talagataa ae agahala;

15 Bea oku bikobiko hono gaahi hala, bea kovi a hono gaahi aluaga:

16 Ke fakamoui koe mei he fefine muli, io, mei he muli oku lea fakaoloolo;

17 Aia kuo ne liaki ae fakahinohino i he ene kei jii, bea kuo ne fakagalogalo‘i ae fuakava a hono Otua.

18 He oku tahifohifo hono fale ki he mate, bea mo hono aluga ki he kakai mate.

19 Oku ikai toe foki mai ha taha oku alu atu kiate ia, bea oku ikai ke buke ekinautolu ki he gaahi hala oe moui.

20 Koeuhi ke ke eveeva koe i he hala oe kakai agalelei, bea ke ma‘u ae gaahi aluaga oe maonioni.

21 Koeuhi e nofo ae agatonu i he fonua, bea e nofo mau i ai ae haohaoa.

22 Ka e motuhi atu ae agahala mei he mamani, bea e taaki fuu hake mei ai ae fai kovi.