3. Li jun raqal re li E.U.A. wan wi’ Nueva York, Pennsylvania, ut Ohio

South Bainbridge Laj Jose Smith, alalb’ej, ut li xEmma Hale ke’sumla arin sa’ 18 Enero 1827 (chi’ilmanq JS—R 1:57).

Colesville Li xb’een ruq’ li Iglees kik’uub’aman sa’ rochoch laj Joseph Knight, yuwa’b’ej, sa’ xweent li tenamit Colesville, sa’ 1830.

Rochoch laj Jose Smith, alalb’ej, sa’ Harmony Arin ki’uxman naab’al lix jaltesinkil ru lix Hu laj Mormon. Kik’ojob’aman wi’chik li tijonelil nach’ rik’in li na’ajej a’in sa’ 1829 (chi’ilmanq Tz. ut S. 13; 128:20; JS—R 1:71–72).

Fayette Li oxib’ chi aj Yehol Nawom ke’rileb’ li perel ch’iich’ oor ut li anjel Moroni arin (Tz. ut S. 17). Lix Hu laj Mormon kichoyman arin sa’ Junio 1829. Li Iglees kik’uub’aman arin sa’ 6 Abril 1830 (chi’ilmanq Tz. ut S. 20–21).

Mendon Ke’wan rochoch arin junxil laj Brigham Young ut laj Heber C. Kimball.

Kirtland Eb’ laj k’amol aatin li ke’taqlaak rik’ineb’ laj Lamanita ke’xaqli arin sa’ 1830 ut ke’xkub’si xha’ laj Sidney Rigdon ut jalaneb’ chik sa’ li na’ajej Kirtland. Kiwan a’in choq’ xjolomil li Iglees chalen 1831 toj 1838. Li xb’een santil ochoch re li jun k’ojlajik a’in kikab’laman Kirtland, ut ki’osob’tesiman 27 Marzo 1836 (chi’ilmanq Tz. ut S. 109).

Xb’e li ha’ Erie Li oxib’ ruq’ li Iglees sa’ Nueva York (Colesville, Fayette, ut Manchester) ke’q’axon chiru lix b’e li ha’ Erie ut li Palaw Erie toj Kirtland, Ohio, sa’ Abril ut Mayo 1831.

Hiram Laj Jose ut li xEmma ke’wan arin chalen Septiembre 1831 toj Septiembre 1832. Laj Jose ut laj Sidney Rigdon ke’k’anjelak rik’in li Santil Hu Jaltesinb’il ru xb’aan laj Jose Smith (JJS). Eb’ li k’utb’esinb’il na’leb’ li ke’k’ule’ arin: Tz. ut S. 1; 65–71; 73; 76–77; 79–81; 99; 133.

Amherst Laj Jose Smith kik’ulub’aman arin jo’ Awa’b’ej sa’ xb’een li Taqenaqil Tijonelil sa’ 25 Enero 1832 (chi’ilmanq Tz. ut S. 75).

Toronto Kiwan rochoch arin laj John Taylor, rox Awa’b’ej re li Iglees, ut li xMary Fielding Smith, rixaqil laj Hyrum Smith.