5. Peļaakin Missouri, Illinois, Im Iowa Ilo Amedka

Independence Kar kile ke ej jikin eo ioļapļap in Zaion (lale K&B 57:3). Juon jikin tampeļ kar ajeļo̧k ilo O̧kwōj 3, 1831. Ro Rekwōjarjar kar lukwarkwareļo̧k er jān Jackson Kounty ilo 1833.

Reba Fishing Josep Smith im Kamp eo an Zaion rekar ito-itak jān Kirtland, Ohio n̄an Missouri ilo 1834 n̄an kōjepļaakļo̧k Ro Rekwōjarjar ilo Jackson Kounty n̄an bwidej ko aer. K&B 105 kar kwaļo̧k ioon kappe ko an reba in.

Far West En̄in kar jikin jokwe eo an Mormon ro eļaptata ilo Missouri. Juon jikin n̄an juon tampeļ kar ajeļo̧k ilo jikin in (lale K&B 115). Ilo Juļae 8, 1838, Doulul eo an Jon̄oulruo Rijjilōk rekar bōk kūr eo jān Irooj n̄an kōm̧m̧ani mijen ko aer ilo British Isles (lale K&B 118).

Adam-ondai-Aman Irooj eaar kaalikkar jikin in ilo tulōn̄ in Missouri bwe ej ijo juon kuk eļap enaaj bōk jikin n̄e Jisōs Kraist ej itok n̄an iioone Adam im ro bwijjin rewānōk (lale K&B 78:15; 107:53–57; 116).

Kalbuuj eo ilo Liberty Josep Smith im ro jet kar kalbuuji er ilo ejjeļo̧k jim̧we ijin jān Tijem̧ba 1838 n̄an Eprōļ 1839. Ilubwiljin iien kein eļap ajbokdede n̄an Kabun̄ in, Josep eaar kūr ioon Irooj kōn tōl im eaar bōke K&B 121–123.

Nauvoo Pād ioon Reba Mississippi, jikin in ekar juon jikin ain doon n̄an Ro Rekwōjarjar jān 1839 n̄an 1846. Ijin juon tampeļ ekar ekkal, im kain̄i ko āinwōt peptaij kōn ro remej, mennin letok ekwōjarjar eo, im sili couple ro rekar ijjino. Ijin Relief Society ekar jutak ilo 1842. Revelesōn ko kar bōki ijin rekitbuuj K&B 124–129.

Carthage Ijin Rikanaan Josep Smith im ļeo jein Hyrum rekar mej kōn tōmak ko aer ilo Juun 27, 1844 (lale K&B 135).

Winter Quarters Jukjuk in pād eo eļaptata n̄an jidik iien (1846–1848) im rekar jibadekļo̧k Kom̧laļ in Salt Lake. Kamp eo an Israel kar karōke n̄an em̧m̧akūt eo n̄an rilik (lale K&B 136).

Council Bluffs (Kanesville) Presidency eo Kein Kajuon kar rejetake ijin ilo Tijem̧ba 27, 1847, ippān Brigham Young āinwōt President eo.