6. Asɔr n’Anee Afamu Nkɔree no

Fayette Nkɔnhyɛnyi Joseph Smith fii Fayette kɔr Kirtland, Ohio, Sanda 1831 mu. New York nkorbata ebiasa no (Fayette, Colesville na Manchester) toaa do Ebɔbira na Esusow-Aketseaba 1831 mu wɔ Ewuradze ne mbra a ɔdze mae dɛ wɔmboa hɔn ano (hwɛ N&A 37–38).

Kirtland Asɔr no n’asoɛe ne tsir nna ɔwɔ Kirtland tsitsir ara fi 1831 dze kesi 1838 mu.

Independence Ewuradze kyerɛɛ dɛ Independence (Jackson County, Missouri) nye Zion ne finimfin, Ayɛwoho 1831 mu (hwɛ N&A 57:3). Dɔm no paam Ahotseweefo no fii Jackson County hɔ Ɔberɛfɛw 1833 mu.

Liberty Ahotseweefo no a wofii Jackson Mansin no boaa hɔn ano wɔ Clay Mansin mu fi 1833 dze kesi 1836 mu, ber a wɔsee hɔn bio dɛ womfi hɔ nkɔ no. Wɔdze Nkɔnhyɛnyi Joseph Smith na beenum binom guu efiadze wɔ atsenkyew mu wɔ ha fi Mumu 1838 dze kesi Ebɔwbira 1839 mu.

Far West Wɔkyekyeer sumabew wɔ ha maa Ahotseweefo no 1836–1838 mu. Ɔyɛɛ Asɔr no n’asoɛe ne tsir 1838 mu. 1838–1839 mu no, wɔhyɛɛ Ahotseweefo no ma woguanee kɔr Illinois.

Nauvoo Asɔr no n’asoɛe ne tsir fi 1839–1846. Wokum Nkɔnhyɛnyi no na no nuabanyin Hyrum wɔ hɔn gyedzi ho ekyir no, Ahotseweefo no tui kɔr anee.

Council Bluffs Abɔasefo no bodur ha Obiradzi 1846 mu. Mormon Nsordaafokuw no a wɔhyɛ James Allen ne banodzi ase no fii hɔ kɔree, Ayɛwoho 21, 1846 mu.

Winter Quarters Asoɛe tsitsir a wɔanntsena hɔ annkyɛr, 1846–1848. President Brigham Young hwɛɛ n’edzikamfo kuw no do ma wofii hɔ kɔr Anee Ebɔbira 1847 mu.

Leavenworth Akoban Mormon Nsordaafokuw no faa hɔn nsordaafo akodze no wɔ ha ansaana wɔrobɔ nsera akɔ anee Dzifuu 1846 mu.

Santa Fe Philip Cooke na ɔyɛɛ Mormon Nsordaafokuw no hɔn sahen panyin ber a wɔbɔɔ nsera fii ha Ɔbɛsɛ 19, 1846 mu.

Pueblo Wɔmaa ayarfo ekuw ebiasa bi a woyii hɔn fii Mormon Nsordaafokuw no mu dɛ wɔnkɔ Pueblo nkɛsa hɔnho yarba, hɔ na wɔnye Ahotseweefo no a wofii Mississippi bae no sɔɔw 1846–1847 awɔwber no. Ekuw yinom hɛɛn Salt Lake Bɔnsa no mu Ayɛwoho 1847 mu.

San Diego Mormon Nsordaafokuw no kowiee hɔn kilomita 3,200 nserabɔ no wɔ ha Sanda 29, 1847 mu.

Los Angeles Mormon Nsordaafokuw no, wɔpoon hɔn edwuma wɔ ha Ayɛwoho 16, 1847 mu.

Sacramento Nsordaafokuw no a wɔpoon hɔn no mu binom yɛɛ edwuma wɔ ha na wɔ Sutter ne Ewuyamfir no wɔ boka afamu ekyirekyir hɔ wɔ Esutsen America no do. Nna wɔwɔ hɔ ma wɔkopuee sika do wɔ Sanda 1848 mu.

Salt Lake City Asɔr no n’asoɛe fi 1847 besi ndɛ. Brigham Young dur Salt Lake Bɔnsa no mu Ayɛwoho 24, 1847.