1 Karon mahitungod sa mga butang diin kamo misulat ngari kanako, nag-ingon, Kini maayo alang sa usa ka tawo nga dili mohilabot og usa ka babaye.

2 Bisan pa niana, Ako moingon, sa paglikay sa pagpanghilawas sa dili minyo, tuguti ang matag lalaki nga makabaton og iyang kaugalingon nga asawa, ug tuguti ang matag babaye nga makabaton og iyang kaugalingon nga bana.

5 Ayaw kamo pagpalayo gikan sa usag usa, gawas kini uban sa pag-uyon sulod sa usa ka panahon, nga kamo mahimo nga maghatag sa inyong mga kaugalingon ngadto sa pagpuasa ug pag-ampo; ug mag-ipon pag-usab, aron si Satanas dili motintal kaninyo sa inyong pagkadili mapinugnganon.

26 Busa ako nagdahum nga kini maayo alang niini nga panahon sa kasubo, alang sa usa ka tawo sa pagpabilin aron siya makabuhat og labaw nga maayo.

29 Apan ako namulong nganha kaninyo kinsa gitawag ngadto sa pagpangalagad. Alang niini ako moingon, mga kaigsoonan, ang panahon nga nagpabilin mubo, nga kamo ipadala ngadto sa pagpangalagad. Bisan sila kinsa adunay mga asawa, sama ra sa ingon nga sila wala; kay kamo gitawag ug gipili sa pagbuhat sa buluhaton sa Ginoo.

30 Ug kini ngadto uban kanila kinsa nagbakho, ingon og sila wala magbakho; ug kanila kinsa naglipay, ingon og sila wala maglipay, ug kanila kinsa mopalit, ingon og sila wala makapanag-iya;

31 Ug kanila kinsa nagpahimulos niini nga kalibutan, ingon og wala magpahimulos niini; kay ang uso niini nga kalibutan molabay.

32 Apan ako buot, mga kaigsoonan, nga kamo mopalambo sa inyong balaan nga tawag. Ako buot kaninyo nga walay pagbantay. Kay siya kinsa dili minyo, nag-amuma alang sa mga butang nga iya sa Ginoo, sa unsa nga paagi siya makahimo sa pagpahimuot sa Ginoo; busa siya molampus.

33 Apan siya kinsa minyo, nag-amuma alang sa mga butang nga anaa sa kalibutan, sa unsa nga paagi siya makahimo sa pagpahimuot sa iyang asawa; busa adunay kalainan, kay siya pinugngan.