1 O lenei, e faatatau i mea na outou tusi mai ai ia te aʼu, e faapea, E lelei i se tane ona ʼaua neʼi paʼi atu i se fafine.

2 E ui i lea, ou te fai atu, ina ia aloese mai le faitaaga, ia tuu atu i tane taitoatasi ia iai sana lava avā, ma ia tuu atu foi i fafine taitoatasi ia iai sana lava tane.

5 Aua neʼi tuua e le tasi le isi, vaganā ua oulua malilie i ai i sina taimi, ina ia mafai ai ona oulua tuuina atu oulua lava i le anapogi ma le tatalo; ma ia toe faatasia ai i le mea e tasi, ina ia le faaosooso mai Satani ia te oulua, ona o lo oulua lelavā.

26 O lea ou te manatu ai ua lelei lenei mea ona o tulaga faigatā i le taimi nei, mo se tane ona nofofua pea ina ia mafai ai e ia ona faia mea lelei e sili atu.

29 Ae ou te tautala atu ia te outou o e ua valaauina i le talaiga. Anā o lenei mea ou te faapea atu ai, le au uso e, ua puupuu lava le taimi o totoe, a e aauina atu ai outou i le talaiga. E oo lava ia i latou ua fai avā, o le a pei lava o i latou e leai ni avā; aua ua valaauina ma filifilia outou e faia le galuega a le Alii.

30 Ma o le a faapea foʼi ia te i latou o e e fetagisi, e peiseai latou te lē fetagisi; ma latou o e e ʼoliʼoli, e peiseai latou te lē ʼoliʼoli, ma latou o e faatau, e peiseai latou te lei maua ai.

31 Ma o i latou o e faaaogaina lenei lalolagi, e peiseai e le faaaogaina ai; aua o le a mavae atu tu a lenei lalolagi.

32 Ae ou te loto, le au uso e, ina ia outou faalauteleina ai lo outou valaauga. Ou te loto ina ia lē popole outou. Aua o le tane e lei faaipoipoina, e popole o ia i mea tau i le Alii, i le ala e mafai ai ona ia faafiafiaina le Alii; o lea e manumālō ai o ia.

33 Aʼo le tane ua faaipoipoina, e popole o ia i mea a le lalolagi, i le ala e mafai ai ona ia faafiafia i lana avā; o lea o loo i ai se eseesega, aua ua faalavelavea o ia.