2 Naq ink’a’ sa’ junpaat texchiq’e’q sa’ lee k’a’uxl, chi moko texxeb’esiiq xb’aan li hu taqlanb’il, wi ink’a’ qik’in laa’o nekek’ul, chi moko xb’aan musiq’ej, chi moko xb’aan aatin, chanchan ta wi’ naq ak xwulak chaq xkutankil li Kristo.

3 Maajun winq chib’alaq’inq eere chi yalaq chan ru; xb’aan naq taachalq xb’een wa jun q’etok paab’aal, ut taak’utb’esimanq li winq a’an re maak, li alalb’ej re li sachk;

7 Xb’aan naq li muqmuukil na’leb’ re li maa’usilal ak yoo chi k’anjelak, ut a’an ajwi’ li yoo chi k’anjelak anajwan, ut li Kristo naxkanab’ chi k’anjelak, toj reetal naq taatz’aqloq ru li kutan naq taa’isiiq chaq a’an.

8 Toja’ ut naq taak’utb’esimanq li maa’us a’an, li ani tixk’at li Qaawa’ rik’in li musiq’ej sa’ xtz’uumal re, ut tixsach rik’in xlemtz’unkil lix k’ulunik.

9 Relik chi yaal, li Qaawa’, a’ li Jesus, li moko taawanq ta wi’ xk’ulunik toj chirix naq taawanq jun q’etok paab’ank, xb’aan xk’anjelahom laj Satanas rik’in anchal li wankilal, ut eetalil ut b’alaq’il sachb’a-ch’oolej,