VJS, Aisea 42:19–23. Veidutaitaka Aisea 42:19–22
Sa talai ira yani na Nona tamata na Turaga me vakatavulici ira era sa digitaka me ra kakua ni raica se rogoca na dina; o ira era rogoca ka muria era na vakavinakataki sara.
19 Niu na talai ira yani na noqu tamata vei kemuni ko ni sa mataboko; io, e dua na italai me dolava na matadra o ira era mataboko, ka dreta laivi na ibono ni daligadra na didivara;
20 Ia era na vakavinakataki sara e dina ga ni ra mataboko tu, kevaka era na vakarorogo vua na italai, na dauveiqaravi ni Turaga.
21 Oi kemudou e dua na matatamata, dou raica tu e levu na ka, ia dou sa sega ga ni vakadikeva; dou dolava tu na daligamudou mo dou rogoca, ia dou sa sega ga ni rogoca.
22 Sa sega ni taleitaki ira na tamata vakaoqori na Turaga, ia ena vuku ni nona buladodonu ena tokona na lawa ka vakayacora me vakarokorokotaki.
23 Oi kemudou na matatamata butakoci ka vakacacani; ko ira na nomudou meca, ko ira kece sara, era coriti kemudou ena qara, ka vunitaki kemudou e valeniveivesu; era kauti kemudou me itoki, ka sega e veisereki; me icocovi, ka sega ni dua e kaya, Vakasuka.