VJS, Jemesa 2:1. Veidutaitaka Jemesa 2:1
E sega ni dodonu vua na lewenilotu me vakalevulevuya cake e dua na tamata mai vua tale e dua.
1 Kemuni na wekaqu e sega ni rawa ni tu vei kemuni na vakabauta na Turaga ko Jisu Karisito, na Turaga ni lagilagi, ka me da qai doka tiko na tamata.
VJS, Jemesa 2:14–21. Veidutaitaka Jemesa 2:14–22
Na vakabauta e sega ni cakacakataki sa mate wale ka na sega ni rawa ni veivakabulai.
14 Na cava na kena yaga, kemudou na wekaqu, vua e dua na tamata me kaya ni tu vua na vakabauta, ka sega ni cakacakataka? E rawa beka ni vakabulai koya na vakabauta?
15 Io, ena kaya beka e dua na tamata, au na vakaraitaka vei iko ni tu vei au na vakabauta ka sega ni cakacakataki; ia au kaya, Vakaraitaka vei au na nomu vakabauta sega ni cakacakataki, kau na vakaraitaka vei iko na noqu vakabauta ena noqu cakacaka.
16 Kevaka e dua na tagane se yalewa sa luvaiwale ka sega na kena, ka dua vei kemudou sa kaya vua, lako ena vakacegu, tatalai ka vakamamautaki; ia sa sega ni solia na veika sa yaga ki na yago; a cava na betena na nomu vakabauta vei koya oqori?
17 Sa vakakina na vakabauta, kevaka e sega ni cakacakataki sa mate wale, ni sa tu duadua ga.
18 O koya o sa na qai kila beka, O iko na tamata walega, na vakabauta e sega ni cakacakataki sa mate wale ka na sega ni rawa ni vakabulai iko?
19 O vakabauta beka ni dua na Kalou; o sa caka vinaka kina; era vakabauta talega na tevoro, ka sautaninini; o sa vakayacora mo vakataki ira, ni ko sa sega ni vakadonui.
20 A sega beka ni vakadonui ko Eparaama na Tamada ena cakacaka, ena nona vakacabori Aisake na luvena ena icabocabo ni soro?
21 O sa raica beka na nodrau salavata na cakacaka kei na nona vakabauta, kei na kena yaco me vinaka sara na vakabauta ena vuku ni cakacaka?