1 Ua fai ifo le tagata valea i lona loto, E leai se tagata ua vaai i le Atua. Aua e le faaali mai o ia lava ia te i tatou, o lea e leai se Atua. Faauta, ua leaga i latou; ua latou faia galuega inosia, ma ua leai se tasi o i latou e faia mea lelei.

2 Aua na silasila ifo le Alii mai le lagi i luga o le fanau a tagata, ma o i lona siufofoga na fetalai atu ai i lana auauna, Ia saili atu ia outou i le fanau a tagata, ia vaai pe mata o i ai ni isi ua malamalama i le Atua. Ma sa ia tatala ai lea o lona gutu i le Alii, ma fai atu, Faauta, ia i latou uma nei ua fai mai o āu i latou.

3 Na tali mai le Alii ma fetalai mai, Ua sesē i latou uma, ua eleelea faatasi i latou uma, e lē mafai ona e vaaia se tasi o i latou ua faia le lelei, leai, e leai lava se tasi.

4 O e uma ua fai ma o latou faiaoga o e faia le agasala, ma e lē o i ai se malamalama ia te i latou. O i latou ia o e ua ʼaina loʼu nuu. Ua latou aai i le areto ma ua lē valaau atu i le Alii.

5 Ua matataʼu tele i latou, aua e mau le Atua i le tupulaga a e amiotonu. O ia o le fautua o e matitiva, aua ua maasiasi i latou i le amioleaga, ma ua sosola atu ai i le Alii, mo lo latou sulufaiga.

6 Ua maasiasi i latou i le fautuaga a e matitiva aua o le Alii o lo latou sulufaʼiga.

7 E maimau pe ana faatuina Siona mai le lagi, le faaolataga o Isaraelu. Le Alii e, o āfea ea e te faatuina ai Siona? Pe a toe faafoi mai e le Alii le tafeaga a lona nuu, e ʼoliʼoli ai Iakopo, e fiafia ai Isaraelu.