FIS, Salamo 24:7–10 (faatusatusa i le Salamo 24)
(O le salamo lenei o loo faamanatu ai le afio faalua mai o Keriso.)
7 Inā faaea ia i luga o outou ulu, E, outou tupulaga a Iakopo e; ma ia faaea i luga outou; ma o le Alii malosi ma le mamana; o le Alii mamana i le taua, o ia o le tupu o le mamalu, e faatuina oe e faavavau.
8 Ma na te ia fuliesea le lagi; ma afio mai i lalo e togiola lona nuu; ma faia oe e avea ma suafa e tumau-faavavau; e faatuina oe i luga o lona papa tumau-faavavau.
9 Inā faaea ia i luga o outou ulu, E, outou tupulaga a Iakopo e; ia faaea i luga o outou ulu, outou tupulaga tumau-faavavau, ma o le Alii o ʼau, o le tupu o tupu;
10 O le tupu lava o le mamalu e afio mai ia te outou; ma na te ia togiolaina lona nuu, ma na te faatuina i latou i le amiotonu. Sela.