1 Sa kaya e yalona na lialia, e sega ni dua na tamata sa bau raica na Kalou. Baleta ni sega ni dau vakaraitaki koya vei keda, o koya sa sega kina ni dua na Kalou. Raica, era sa ca; era sa cakava na cakacaka vakasisila, ka sega ni dua vei ira me caka vinaka.

2 Ni sa rai sobu mai lomalagi na Turaga vei ira na luve ni tamata, ia ena domona sa kaya kina vei ira na nona tamata, dou vakasaqara mada ena kedra maliwa na luve ni tamata kevaka e dua e kila na Kalou. Ka sa dolava na gusuna vua na Turaga, ka kaya, Raica, ko ira kece oqo era kaya ni ra sa nomu.

3 Sa sauma na Turaga, ka vaka, Era sa lako sese kecega, era sa duavata ka yaco me dukadukali, ko na sega ni raica rawa e dua me cakava tiko na ka vinaka, e sega, e sega sara ni dua.

4 Na veika kece e tu me nodra qasenivuli sa ka kecega e basika kina na ca, ka sa sega na kila ka vei ira. Sai ira era sa kani ira na noqu tamata. Era sa kana madrai ka sega ni vakararavi vua na Turaga.

5 Era sa rere vakalevu, ni sa tiko na Kalou ena nodra veitabatamata na yalododonu. Sai Koya na nodra dauvakasala na dravudravua, baleta ni ra sa dau maduataka na ca ka dro vua na Turaga, na nodra idrodro.

6 Era sa madualaka na nodra dauvakasala na dravudravua baleta ni sa nona idrodro na Turaga.

7 Isa ni a tauyavutaki ko Saioni mai lomalagi, na vakabulai nei Isireli. Isa Turaga, na gauna cava ko ni na tauyavutaki Saioni kina? Na gauna ena sereki ira kina na nona tamata na turaga mai na veivakabobulataki, ena reki ko Jekope, ka marau ko Isireli.