Te Katooto raoi man ana Boki Aberaam
Nambwa 3
Kabwarabwarana
Tamnei 1. Aberaam e tekateka i aon ana kaintokanuea Bwarao, man ana mwannano te uea, ma te baunuea i aon atuna, e tei ibukin te Nakoanibonga, bwa bannan te Beretitentii i Karawa ae kakannato; ma te kai ni motiraoi ao ni motikitaeka i nanon baina.
Tamnei 2. Te Uea ae Bwarao, are e kaotaki arana n taian man ni koroboki i etan atuna.
Tamnei 3. E tei ibukin Aberaam i Aikubita n aron are e kaotaki naba n Tamnei 10 n te Katooto Nambwa 1.
Tamnei 4. Ana Nati ni uea te Mwaane Bwarao, Uean Aikubita, n aron are e koreaki i etan baina.
Tamnei 5. Turem, temanna ana mataniwi n touati te uea; n aron are kaotaki n taian man ni koroboki i etan baina.
Tamnei 6. Orimira, ana toro te nati n uea te mwaane.
Aberaam e kabwarabwara raoi aron tuan Rabakau i aon Bwain Karawa, i buakoia ana aomata te uea.