Paksimile Manipud iti Libro ni Abraham
Bilang 3
Panangilawlawag
Ladawan 1. Ni Abraham nga agtugtugaw iti trono ni Faraon, babaen iti panagraem ti ari, a nakoronaan, a mangibagi iti Kinasaserdote, a kas simbulo ti kangrunaan a Panguluen iti Langit; a nagiggem iti setro ti linteg ken panangukom.
Ladawan 2. Ni Ari Faraon, a naikitikit ti naganna iti ngatuen ti ulona.
Ladawan 3. Mangipaawat ken ni Abraham idiay Egipto a kas naited met iti Ladawan 10 iti Paksimile Bilang 1.
Ladawan 4. Prinsipe ti Faraon, nga Ari ti Egipto, a kas naisurat iti ngatuen ti ulo.
Ladawan 5. Ni Shulem, maysa kadagiti kangrunaan a serbidor ti ari, kas ibagian dagiti kitikit iti ngatuen ti ulona.
Ladawan 6. Ni Olimla, ti tagabo ti prinsipe.
Agikalkalintegan ni Abraham iti pagannurotan ti Astronomia, iti korte ti ari.