Kau Fakamoʻoni Makehe ʻo Kalaisí: ʻEletā Gerrit W. Gong

ʻOku fakafonu ʻe he ʻofa ʻa e ʻOtua e ʻunivēsí ka ʻoku fakataautaha kiate kitautolu. ʻI he lotolotonga ʻo e ngaahi fakatamaki fakanatulá mo e ngaahi fakamaau taʻetotonu ʻa e faʻahinga ʻo e tangatá, ʻe lava ke tau ongoʻi ʻa e nongá, ʻofá, mo e fakamoʻuí ʻo fakafou ʻia Sīsū Kalaisi. ʻOku ne fakaafeʻi kitautolu ke tau haʻu kiate ia pea maʻu ai ʻa e ngaahi fua ʻo ʻene ongoongolelei kuo toe fakafoki maí.