Ae Faapefea Pe A Ou Misia?
O lou fefe i le toilalo ua taofia ai au mai le atinaeina o taleni ma saili avanoa e tuputupu ae ai.
Ata na tusia e David Stoker
Ina ua ono ou tausaga, na ave ai e lou tama au ma lou uso e taaalo pasiketipolo. O se taimi muamua lea ua ou taalo ai i se faletaaalo moni. Sa lagona le mamafa o le polo pasiketi i ou lima laiti ma le mama—e oo lava i le tuutuu ifo i le tulaga e sili ona maulalo—e foliga mai ua matua maualuga lava.
“Aua e te popole, pau lava le mea o le togi” o le tala lea a lou tama.
Na ou liliu atu i lou tama. Ae a la pe a ou misi? Sa ou fesili atu ai.
I le sili ma le luasefulu tausaga mulimuli ane, sa ou le manatua pe na ulu lau togi pe leai. Ae ou te manatua le fefe sa ou lagona: “E a pe a ou misi?. Ae faapefea pe afai e le manuia au taumafaiga sili ona lelei? O lea lau mea e fai pe a ou toilalo?”
O le fefe ina nei Toilalo
O lena lava fefe i le toilalo na ponaia ai au i lou olaga atoa. Mo se taimi umi lava, sa lava au taleni faalenatura i le tele o gaoioiga e ufiufi ai lena fefe. Ae sa faaalia pea lava o lea i ni auala laiti. Sa ou le i taumafai i se taaloga seia ou mautinoa ou te lelei ai i lena taaloga. Na ou faafitia mataupu o le aoga sa le fesootai ma mea ou te malosi ai. Pe a ou taumafai gaoioiga fou sa tuai ona ou lelei ai, o lau faaiuga o le vave ona faamavae ma agai atu i se mea sa ou talenia ai lava.
Ona ou alu lea i lau misiona. Mo se taimi muamua, sa faamalosia ai au i se siosiomaga sa faaalia tele ai ou vaivaiga ma e sa faigata ona ou sola ese mai ai. Sa faigata ona ou amataina se talanoaga. Sa ou le mautonu ona aoao atu i se gagana fou. Sa teena au i le tele o taimi o le aso. Sa ou toilalo soo—togi ma misi—ma e sa iai ni aso sa ou manatu ai e mulimuli i lau mamanu masani o le toilalo; tuu loa lava ae alu i le fale.
Faafitauli o le Faaliliuina
I le taimi lea, sa ou maua ai se musumusuga ma faasaoga moomia lava mai le tala ia Oliva Kaotui ua taumafai e faaliliu ia papatusi. Ina ua mavae ni nai vaiaso o tusitala mo Iosefa Samita, sa amata ona fesili Oliva pe na te faaliliuina foi papatusi.
Sa ole atu Iosefa i le Alii ma maua mai ai le tali e faatagaina Oliva e faaliliu. Ae ui i lea, sa tuuina atu foi e le Alii ni nai apoapoaiga ia Oliva, e lua o nei e faapea “e onosai” ma “aua le fefe” (MF&F 6:19, 34).
O le faaliliuga e le faigofie e pei ona manatu iai Oliva, Ina ua faigata ona maua ni upu, sa ita o ia ma e le i umi ae faamaamulu.
Le Silasila i Avanoa
A o ou suesue i le tala, sa ou iloa ai o le faafitauli o Oliva sa faapei lava foi o au. Na ia faamoemoe e vave ona ia taulimaina i le atoatoa le faaliliuga, ma ina ua manino mai e le mafai ona ia manuia i se taimi vave—ma o le a toilalo o ia i le tele o taimi ao ia galue e atinaeina le meaalofa—sa toe foi atu o ia e tusitala, o se mea sa ia fiafia ai. Sa tonu apoapoaiga a le Alii: sa le onosai Oliva ia te ia lava po o le Atua, ma e sa fefe o ia. O lea sa aveese e le Atua le avanoa mai ia te ia (tagai MF&F 9:3).
Sa ou iloa i le tele o lou fefe i le toilalo sa taofia ai au. Sa ou fefe lava i le “misi o le togi” ua le ou faia ai lava o lena, po ua musu ina ua tuanai ni nai taumafaiga. I le taumafai ai e aloese mai le toilalo, sa ou misia ai avanoa e manuia ai i le lumanai. Sa ou le onosai ia te au lava po o le Atua, ma e sa ou fefe.
O le tala a Oliva Kaotui na aumaia ai foi ia te au le faamoemoe. E ui ina sa fetalai atu le Alii ia Oliva e faapea e le mafai ona ia faaliliuina i lena taimi, sa Ia folafola atu foi, “Ua iai ia te au ni isi tala faamaumau, o le a Ou tuuina ia te oe le mana e mafai ai ona e fesoasoani e faaliliu” (MF&F 9:2). E le faapea sa leiloa le avanoa o Oliva e faaliliu ai ae sa faatuai. E faapei foi, o avanoa sa ou misia e le i leiloa. O le a tuuina mai e le Alii isi avanoa, pe afai sa ou naunau ina ia onosai ma teena le fefe i le toilalo ua taofia ai au mai le taumafai.
Leai se Mea e Fefe ai
Sa ou faia le faaiuga ou te galue ai i lou fefe e toilalo. E ui ina ou te lagona pea le popole e talanoa i tagata ou te le masani ai pe aoao atu i se isi gagana, sa ou feololo i mea nei e lua. O nei tomai sa fesoasoani ia te au i lou olaga, e oo lava ina ua maea lau misiona.
O lo o iai pea taimi ou te musu ai e taumafai se mea fou po o le fai o se mea ou te le lelei tonu ai. Ae sa ou aoao ina onosai atili. Sa ou aoao e togi pea le polo i le mama ma aua le fefe e misi.