Pagbabalik-tanaw sa Pangkalahatang Kumperensya ng Oktubre 2020

Jesus Christ greeting young man

Paglalarawan ni Jen Tolman

Lahat ng numero ng pahina ay mula sa Nobyembre 2020 na isyu ng Liahona.

“Mamuhay araw-araw upang maging mas handa kayo na humarap sa inyong Tagapaglikha.”

Pangulong Russell M. Nelson, Pangulo ng Ang Simbahan ni Jesucristo ng mga Banal sa mga Huling Araw, “Isang Bagong Normal,” 118.

“Habang nababawasan ang pagbanggit ng mundo kay Jesucristo, lalo pa natin Siyang banggitin.”

Elder Neil L. Andersen ng Korum ng Labindalawang Apostol, “Nangungusap Tayo tungkol kay Cristo,” 90.

Pinagpala sa Panahon ng Paghihirap

Ang mga Banal sa mga Huling Araw ay “labis na pinagpala ng Panginoon sa mga panahon ng pagsubok na naranasan natin nitong nakalipas na ilang buwan,” sabi ni Elder Gary E. Stevenson ng Korum ng Labindalawang Apostol. Nagbigay siya ng tatlong halimbawa ng mga pagpapalang “nagbigay-kakayahan sa atin na matiis ang dumating na mga hamon”:

• Pag-aaral ng ebanghelyo na nakasentro sa tahanan

• Ministering sa mas dakila at mas banal na paraan.

• Labis na kagalakan sa pagbabalik ng mga ordenansa sa templo.

Tingnan sa “Labis na Pinagpala ng Panginoon,” 103–5; tingnan din sa Dieter F. Uchtdorf, “Ang Diyos ay Gagawa ng Isang Bagay na Hindi Mailalarawan sa Isip,” 51–54.

6 na Bagong Templo ang Ibinalita

Tulad ng ibinalita ni Pangulong Russell M. Nelson sa kumperensya noong Oktubre 2020, ang mga templo ay ipinaplano para sa mga sumusunod na lokasyon:

• Tarawa, Kiribati

• Port Vila, Vanuatu

• Lindon, Utah, USA

• Greater Guatemala City, Guatemala

• São Paulo East, Brazil

• Santa Cruz, Bolivia

Paglalarawan ni Jen Tolman

Detalye mula sa Nagpakita si Cristo sa Labindalawang Apostol Matapos ang Pagkabuhay na Mag-uli, ni Scott Snow