O le a le uiga o le faatuatua ia Iesu Keriso?

Ina ia mafai ona taitai atu lo tatou faatuatua i le faaolataga, e tatau ona faaogatotonuina i le Alii o Iesu Keriso. Ina ia faatuatua ia Iesu Keriso o lona uiga o le faalagolago ia te Ia ma usiusitai i Ana poloaiga. O le faatuatua e sili atu nai lo le na ona talitonu. Tatou te faailoa atu lo tatou faatuatua e ala i faatinoga—e ala i le auala tatou te ola ai.

Saunia oe lava ia faaleagaga

O faapefea ona e faatinoina le faatuatua ia Iesu Keriso? O a ni aafiaga e mafai ona e faasoa atu i alii talavou e mafai ai ona musuia i latou e faatino i le faatuatua?

O faapefea ona faatino e e o umiaina le Perisitua Arona o loo e aoaoina lo latou faatuatua ia Iesu Keriso? O le a se mea o latou faia e faamalosia ai lo latou faatuatua?

A o e suesue i tusitusiga paia ma isi punaoa e aoao ai e uiga i le faatuatua, vaavaai mo mea o le a mafai ona fesoasoani i alii talavou e faamalosia ai lo latou faatuatua ia Iesu Keriso.

Eperu 11:4–9, 17–29; Eteru 12:11–22 (O faataitaiga o tagata na faaalia le faatuatua)

Iakopo 1:5–6; 2:14–20 (O le faatuatua o le talitonuga ma le faatinoga)

Alema 32:21, 26–43 (O le faatuatua o le faamoemoe lea i mea e moni ae le vaaia)

Moronae 7:33–41 (O vavega e tutupu e ala i le faatuatua)

Quentin L. Cook, “O Faavae o le Faatuatua,” Ensign po o le Liahona, Me 2017, 127–31

Bonnie H. Cordon, “Ia Faatuatua i le Alii a e Aua le Faalagolago,” Ensign po o le Liahona, Me 2017, 6–9

Dieter F. Uchtdorf, “Fogafale Fa, Faitotoa Mulimuli,” Ensign po o le Liahona, Nov. 2016, 15–18

Neil L. Andersen, “O Le Faatuatua E Le Tupu Faafuasei, ae e ala i Filifiliga,” Ensign po o le Liahona, Nov. 2015, 65–68

“Faatuatua,” Faamaoni i le Faatuatua, 63–66

Vitio: “Faatuatua Mama ma le Faigofie”

5:30

Tuu atu i alii talavou e taitai

E taitai e se uso o le au peresitene o le korama le fonotaga faalekorama. Na te taitaia alii talavou i le fefautuaai faatasi e uiga i mataupu faalekorama, aoao atu i latou i o latou tiute faaleperisitua (mai tusitusiga paia ma le tusi o le Tiute i le Atua), ma valaaulia se faufautua po o isi uso o le korama e aoao atu se lesona o le talalelei. E mafai ona ia saunia e ala i le faatumuina o se lisi o mataupu talanoaina o le fonotaga a le korama i le taimi o se fonotaga a le au peresitene.

Amata le aafiaga faaleaoaoga

Filifili mai nei manatu pe mafaufau i ni ou lava manatu e iloilo ai le aoaoga faavae mai le lesona o le vaiaso ua tea ma faalauiloa atu le lesona o lenei vaiaso:

Fai atu i alii talavou taitasi e faaalu pe tusa e 30 sekone e tusi ai i lalo le tele o mea e mafai ona ia manatuaina mai le lesona o le vaiaso ua tea. Valaaulia alii talavou e faasoa mai a latou lisi. E mafai faapefea ona e faaaogaina a latou lisi e faalauiloa atu ai le autu o le faatuatua?
Tusi se ata faigofie o se paopao, ma tusi ai le “Faatuatua.” Faaopoopo i ai se foe ua tusi ai le “Talitonuga” ma se isi foe ua tusi ai le “Faatinoga.” Fai atu i le korama po o le a le mea e tupu i lenei vaa pe afai e na o le tasi le foe. O le a le mea o le a tupu i lo tatou faatuatua pe afai tatou te le faatinoina mea ua tatou talitonu i ai? Faaaoga tusitusiga paia po o le Faamaoni i le Faatuatua (itulau 54–56) e fesoasoani ai i uso o le korama e malamalama ai po o le a le faatuatua ma pe faapefea ona fesootai lenei atatusi ma le faatuatua.

Aoao faatasi

O gaoioiga taitasi nei o le a fesoasoani e faamalamalama i sui o le korama po o le a le uiga o le i ai o le faatuatua ia Iesu Keriso. I le mulimuli ai i le uunaiga a le Agaga, filifili se tasi po o le sili atu o le a sili ona aoga mo lau korama:

Valaaulia ia alii talavou e faitau le Alema 32:21 ma le Helamana 5:12. Fai atu i nisi o i latou e aotele mai i ni a latou lava upu mea sa latou aoaoina e uiga i le faatuatua mai nei mau. Valaaulia ia alii talavou e saili ni faataitaiga a ni tagata sa i ai ni faavae malolosi o le faatuatua i le saunoaga a Elder Quentin L. Cook “O Faavae o le Faatuatua” po o le saunoaga a Elder Neil L. Andersen “O Le Faatuatua E Le Tupu Faafuasei, ae e ala i Filifiliga.” Fai i ai e faasoa mai mea ua latou maua. O le a se mea e mafai ona latou faia e fausia ai se faavae malosi o le faatuatua?
Valaaulia ni alii talavou se toalua e o mai i luma o le vasega. Fai atu i se tasi o alii talavou e taumafai e tu i ni auala eseese (e pei o le tu ae faava ona vae po o le faalagolago) ma fai atu i le isi alii talavou e tulei lemu o ia ao i ai o ia i tulaga uma ia e lua. O fea o tulaga ia na fesoasoani i le alii talavou e tumau ai e aunoa ma le maluelue? O fea o tulaga ia na te lei paleni ai? Valaaulia ia alii talavou e faitau i le saunoaga a Sister Bonnie H. Cordon “Ia Faatuatua i le Alii a e Aua le Faalagolago,” ma vaavaai mo ana fautuaga i le auala e atiae atili ai le faalagolago ia Iesu Keriso ma faaogatotonu lo tatou faatuatua ia te Ia. O i ai ni aafiaga a alii talavou e mafai ona latou faasoa mai pe a latou faalagolago i lo latou lava malamalama ma oo ai i taunuuga? po o se taimi sa latou faalagolago atu ai i le Faaola ma maua ia faamanuiaga?
Valaaulia se uso o le korama e faiaoga i se vaega o le lesona lenei. E mafai ona ia faia o se vaega o lana fuafuaga o le Tiute i le Atua ma aoao atu ai e uiga i le faatuatua (tagai “Malamalama i le Aoaoga Faavae,” itulau 18, 42, po o le 66).
Fai i alii talavou taitasi e sue se tala mai tusitusiga paia sa faatino ai e se tasi lona talitonuga ia Iesu Keriso (tagai, mo se faataitaiga, Esoto 14:19–28; Mataio 8:5–13; Eperu 11:4–9, 17–29; Eteru 12:11–22; 1 Nifae 4). Valaaulia alii talavou e tusi foi se aafiaga na latou faaaoga ai pe na faaaoga ai foi e se tasi latou te iloaina le faatuatua ia Iesu Keriso. Fai i alii talavou taitasi e faasoa mai le tala na latou mauaina mai tusitusiga paia ma le aafiaga lea na ia tusia. E mafai ona latou faia lenei mea i ni vaega toalaiti po o se korama.
Tusi fesili nei i le laupapa: “O le a le faatuatua? O le a le uiga o le maua o le faatuatua ia Iesu Keriso? E faapefea ona ou ola e ala i le faatuatua? E faapefea ona ou faateleina lou faatuatua?” Valaaulia sui o le korama e faitau le saunoaga a Peresitene Dieter F. Uchtdorf “Fogafale Fa, Faitotoa Mulimuli,” ma vaavaai mo tali i fesili nei. Tuu atu ia i latou e tusi a latou tali i luga o le laupapa ma faasoa ni mea faaopoopo sa latou aoaoina ma le korama. O se vaega o lenei talanoaga, atonu e te fesili atu, “O le a le uiga o le faaauau ai pea i le faatuatua seia tatou taunuu i le ‘fogafale fa, faitotoa mulimuli’ e pei o faifeautalai i le tala?”
Valaaulia alii talavou e faitau le Mataio 17:20, ma fesili i ai po o le a so latou manatu, o le a le uiga o le tuleia o mauga i lo tatou faatuatua. Faasoa atu le saunoaga lea mai ia Epikopo Richard C. Edgley: “Ou te lei vaaitino lava i le aveesea o se mauga moni. Ae ona o le faatuatua, ua ou vaai ai i se mauga o le masalosalo ma le faasiasia o aveesea ae suia i le faamoemoe ma le talitonu. Ona o le faatuatua ua ou molimauina ai lava e a’u se mauga o le tiga ua suia i le filemu, faamoemoe, ma le lotofaafetai. Ioe, ua ou vaai i mauga o aveesea” (“Faatuatua—o Le Filifiliga e a Oe Lea,” Ensign po o le Liahona, Nov. 2010, 33). Faaali le vitio “Faatuatua Mama ma le Faigofie,” ma fai i alii talavou e vaavaai mo mauga na aveesea e ala i le faatuatua (pe faasoa foi sou lava aafiaga).

5:30

Fai i alii talavou e faasoa mai mea sa latou aoaoina i le aso. Pe ua latou malamalama i le uiga o le faatuatua ia Iesu Keriso? O a ni o latou lagona po o ni uunaiga? Pe i ai nisi a latou fesili? Pe e aoga pe a toe faaalu se isi taimi i lenei aoaoga faavae?

Motugaafa faafaiaoga

“Afai e te aoao mai tusitusiga paia, e masani lava ona fesoasoani tele mo tagata o loo aoao le vaavaai ma faalogo mo se mea patino” ( O Le Aoao Atu, E Leai Se Isi Valaauga e Sili Ai [1999], 57).

Valaaulia e faatino

O le alii talavou o loo taitai e faaiuina le fonotaga. E mafai ona ia:

Faasoa atu ona lagona po o le a le uiga o le faatuatua ia Iesu Keriso ma po o le a sana fuafuaga o loo faia e faatino ai lenei faatuatua.
Talanoa ma le korama pe o faapefea ona faaalia lo latou faatuatua ia latou auaunaga faaleperisitua.