Ngaahi ʻEkitivitī ke Fakaafeʻi e Toʻu Tupú ke Ngāué
ʻE lava e ngaahi ʻekitivitī ko ʻení ʻo tokoni ki he toʻu tupú ke nau sio ki he founga hono fakaʻaongaʻi e ongoongoleleí ʻi heʻenau moʻuí. Ko hono fakalūkufuá, ʻoku totonu ke poupouʻi e toʻu tupú ke faʻu haʻanau palani ke nau ngāueʻi e meʻa ʻoku nau akó. ʻE lava ke tokoni e ngaahi ʻekitivitī ko ʻení ke nau maʻu ha ngaahi fakakaukau.
ʻE lava ke kau fakafoʻituitui, ʻi ha kulupu īki, pe fakakalasi e toʻu tupú ʻi he ngaahi ʻekitivitī ko ʻení. Manatuʻi te ke maʻu e fakakaukau lelei tahá ʻi hoʻo fakakaukauʻi e fie maʻu ʻa e toʻu tupu ʻokú ke akoʻí.
Faʻu ha palani ki hono moʻui ʻaki ʻo e tokāteliné
Fakalaulauloto ki he meʻa ʻe faí
Fakaafeʻi e toʻu tupú ke nau fakalaulauloto ki ha meʻa te nau fai ke fakaʻaongaʻi ai e tokāteliné.
Hiki e meʻa ke faí
Fakaafeʻi e toʻu tupú ke nau hiki e meʻa te nau fai ke fakaʻaongaʻi ai e tokāteliné.
Fealēleaʻaki mo e kalasí
Fakaafeʻi e toʻu tupú ke nau fealēleaʻaki mo e kau mēmipa kehe ʻo e kalasí ki he anga hono fakaʻaongaʻi ʻo e tokāteliné.
Vahevahe e ongó mo e fakamoʻoní
Fakaafeʻi e toʻu tupú ke vahevahe ʻenau ongo mo e fakamoʻoni ki he tokāteliné pea fakamatalaʻi e ʻuhinga ʻoku mahuʻinga ai kiate kinautolú.
Faʻu ha fokotuʻutuʻu ki he akó
Fakaafeʻi e toʻu tupú ke nau faʻu ha fokotuʻutuʻu ki hono akoʻi e tokāteliné ki he niʻihi kehé.
Aleaʻi e mahuʻinga ʻo e tokāteliné
Fakaafeʻi e toʻutupú ke nau aleaʻi e mahuʻinga ʻo e tokāteliné ʻi heʻenau moʻuí.
Lekooti e fakamoʻoní
Kole ki he toʻu tupú ke lekooti ʻenau fakamoʻoni ki he tokāteliné.
Fakaʻekeʻeke ha niʻihi kehe
Fakaafeʻi e toʻu tupú ke nau fakaʻekeʻeke ha niʻihi kehe ke ʻilo ki heʻenau aʻusia mo e fakakaukau ki he tokāteliné.
ʻAi ha lisi
Fakaafeʻi e toʻu tupú ke nau ʻai ha lisi ʻo e ngaahi tāpuaki ne nau maʻu ʻi hono fakaʻaongʻai ʻo e tokāteliné.
Ikunaʻi ha faingataʻa pe palopalema
Fakaafeʻi e toʻu tupú ke nau vahevahe haʻanau fehuʻi pe faingataʻa pea vahevahe e anga hono tokoniʻi kinautolu ʻe he tokāteliné pe folofolá.
Fakatataú
Kole ki he toʻu tupú ke nau fakaʻaogaʻi ʻi heʻenau moʻuí ha meʻa mei he folofolá pe ngaahi lea ʻa e kau palōfita moʻuí.
Fai e ngaahi ʻekitivitī ʻi he Fatongia ki he ʻOtuá pe Fakalakalaka Fakatāutahá
Fakaafeʻi e toʻu tupúke nau fai ha ʻekitivitī mei he tohi Fatongia ki he ʻOtuá pe Fakalakalaka Fakatāutahá.