Diyingo Naʼnitin dóó Bee Ahadaʼdeestʼáanii

1 Daʼíísínółtsʼą́ą́ʼ, O shisodizinjí daʼnohtahígíí, yáʼąąshdi kééhatʼíinii bizhí ání, dóó nihokááʼ dineʼé tʼáá ałtso yikʼidéézʼį́į́ʼ, aooʼ, tʼáá aaníí ánihidishní: Diné nízaadi kééhohtʼíinii daʼíísinółtsʼą́ą́ʼ; dóó nihí tónteel bikááʼ kééhohtʼíinii, łáʼí nóhłį́įgo daʼíísínółtsʼą́ą́ʼ.

2 Háálá tʼáá aaníigo Diyin Bóhólníihii bizhí nihokááʼ dineʼé tʼáá ałtso yee yichʼįʼ yáłtiʼ, áádóó anááʼ tʼáá ałtso daʼiidoołtsééł, dóó ajaaʼ tʼáá ałtso daʼdiʼdootsʼį́į́ł, dóó ajéí ndi tʼáá ałtso yididoołnááł.

3 Áádóó akʼijįʼ danilínígíí éí tsʼídá yínííł yee tiʼdahwiidoonih; háálá bąąhági ádaatʼínígíí kin bikááʼdóó baa dahaneʼ doo, dóó ndanitʼingo ádáátʼįįdyę́ę béédahodoozįįł.

4 Áádóó hóyééʼgo ádahodooníłígíí dineʼé tʼáá áłtsogóó bee bił dahodoonih, éí díí nihoogháahjįʼ yoołkáałgo, shikééʼ naazíiníi náháláʼígíí bizaad bikʼehgo.

5 Áádóó dahdidookah dóó doo háida bichʼą́ą́h ndoojah da, háálá shí Diyin Bóhólníihii díí yaa dahodoolnihgo ahiséłʼaʼ.

6 Áko shooh, díí éí bee shóhólnííhii átʼé, dóó shá ndaalʼaʼí bibee óhólníihii átʼé, dóó shizaad éí shibee hazʼáanii binaaltsoosígíí bilą́ąjįʼ dashijaaʼígíí átʼé, éí baa níʼą́ áko naaltsoos shibee hazʼáanii siʼą́ągo nihichʼįʼ kódeidoolííł, O nahasdzáán bikááʼ kéédahóhtʼíinii.

7 Ákohgo, ńdaałdzid dóó nihitah dahoditsxiz, O nihokááʼ dineʼé nohłíinii, háálá shí Diyin Bóhóníihii bee bichʼįʼ haasdzíʼígíí éí bohodoolnííł.

8 Áádóó tʼáá aaníigo shí ánihidishní, áko tʼáá háida náás dahdiikaigo, éí díí haneʼ yáʼátʼéehii nihokááʼ yikááʼ kéédahatʼíinii deiyíístsʼą́ą́ʼ dooleeł, bí éí tʼáá áłah nahasdzaan bikáagi dóó yáʼąąshdi adziilii bee ahídahaastłʼóonii ádeiłʼį́į dooleeł, doo daʼoodlánii dóó akʼijįʼ danilíinii bitahgóó;

9 Aooʼ, tʼáá aaníí, doo yáʼáshóonii yaa naakai Diyin God biʼatíʼálʼį́ doo niʼkólnééhgóó bikʼijįʼ kódoolnííłgo baa hodoolzhish—

10 Áájįʼ ayííłką́ągo Diyin Bóhólníihii doogáałgo nihokááʼ dineʼé bindaanish ádeiyilaayę́ę bikʼehgo yichʼįʼ nʼdoolééł, dóó tʼáá ałtso nihokááʼ dineʼé ádáátʼįįdígíí tʼáá éí bikʼehgo nááná łaʼ diné bichʼįʼ ninádoolyééł.

11 Ákohgo Diyin Bóhólníihii bizhí éí nahasdzáán ndaneesʼą́ąjįʼ bee hodidootsʼį́į́ł, tʼáá ałtso deididootsʼį́łígíí éí daʼdidootsʼį́į́ł:

12 Hashtʼeʼádaʼdoołnééh, hashtʼeʼádaʼdoołnééh ádahodooníłígíí bíká, háálá Diyin Bóhólníihii kʼadę́ę yíghááh;

13 Áádóó Diyin Bóhólníihii tʼáá íiyisíí báhóóchįįd, dóó yáʼąąshdi bibéésh hał tánásgiz; áko nihokááʼ yikááʼ kéédahatʼínígíí bikʼindookǫs.

14 Áádóó Diyin Bóhólníihii bibee adziilii ííshjání ádoolnííł; áádóó áajįʼ ayííłką́ągo Diyin Bóhólníihii bizhí doo deiyóóstsʼą́ʼígíí, doodago bá ndaalʼaʼí bizhí doo deiyóóstsʼą́ʼígíí, doodaiiʼ Diyin yá yádaaltiʼí dóó bikééʼ naazíinii bizaad doo yikʼidahółʼínígíí, éí dineʼé bitsʼą́ąjįʼ nahjįʼ kódabiʼdidoolnííł.

15 Háálá shibee óʼoolʼįįłii yitsʼáheeskai, dóó hoolʼáágóó diyingo shibee ahaʼdeetʼáanii kʼídeiztįʼ;

16 Diyin Bóhólníihii biyáʼátʼéehii hadeididoolííłgo doo yíká ádaatʼį́į da, ákondi diné tʼáá łaʼí nízínígo tʼáá bí ádeinízingo deiyíkááh, dóó éí tʼáá bí bidiyin ádeiyiilaaígíí bikʼehgo, éí nahasdzáán bidiyin ádeiłʼínígíí ndahalin, éí tʼóó bedaʼalyaago deiyoodlánígíí, éí dadidoobah dóó Babylondi yooʼádadoolnííł, azhą́ Babylon ayóó átʼée ndi, éí éíí ndoołdas.

17 Ákohgo, Shí Diyin Bóhólníihii nishłíinii, nihokááʼ yikááʼ kéédahatʼíinii nitsohodinídéél bichʼįʼ kódoolnííłgo shił bééhózin, shá naalʼaʼí Joseph Smith, Jun., aałdííniid, dóó yáʼąąshdééʼ bichʼįʼ haasdzííʼ, dóó bee hazʼáanii bee nabinítą́ą́ʼ.

18 Áádóó nááná łaʼ ałdóʼ bee hazʼáanii bee nanítą́ą́ʼ, áko adahwiisʼáágóó yee ndaʼnitin doo biniyé; dóó díí tʼáá átʼé bidahodoolʼnííł, éí Diyin yá yádaałtiʼí nídeiyízoh—

19 Adahwiisʼáago doo dabidziilígíí nihidookah dóó tsʼídá ayóó ádaatʼée dóó dabitsxeʼyę́ę nideidoołtsił, áko nihokááʼ dineʼé tʼááłáʼí nízínígo nááná łaʼ diné doo yá nahaʼáa da dooleeł, áádóó ałdóʼ nihokááʼ dineʼé doo yaa daʼólíi da dooleeł—

20 Ákondi nihokááʼ dineʼé tʼááłáʼí nízínígo Bóhólníihii Diyin God bízhiʼ yinahjįʼ tʼáá aaníinii yee yádaałtiʼ doo, nahasdzáán biYisdáʼiiníiłii ałdóʼ;

21 Áko nahasdzáán bikááʼgóó oodląʼ ałdóʼ tʼáá ałtsogóó dínóosééł;

22 Áko hoolʼáágóó diyingo shibee ahaʼditʼaah da ndoolyééł;

23 Áko doo dabidziilígíí dóó doo daʼííłtaʼígíí da shinaʼnitin bee yisdáʼiildéehii tʼáá átʼé nahasdzáán ndaneesʼą́ą́góó yaa dahodoolnih, aláahdi naatʼáanii dóó alą́ąjįʼ naazíinii yidááhdóó ałdóʼ.

24 Áko shooh, shí éí Diyin God nishłį́ dóó díí bee haasdzííʼ, díí bee hazʼáanii éí shitsʼą́ą́dóó átʼé, dóó shá ndaalʼaʼí doo dabidziilyę́ędą́ą́ʼ baa dahaasyá, dabizaadígíí bikʼehgo, áko da yaa ákodadínóozįįł.

25 Áádóó ndaʼiisíʼę́ę da béédahodoozįįł;

26 Áádóó íłʼééhózin yíká ádaatʼį́įgo éí da bee ndabidiʼdínóotʼįįł;

27 Áádóó bąąhági ádáátʼįįdgo bichʼahdahodidooshkeeł hashtʼeʼ da ninádadoodlóós, áko da ádaa ńdaʼdookąął;

28 Áádóó hojoobaʼí ádabiʼdiilyaago éí da bitsʼą́ą́dóó dabidziilgo ádabidoolnííł, dóó yáʼąąshdééʼ bikʼidahojidoodliił, dóó ééhózin tʼáá hoolzhishgi baa ńdaalyééh doo.

29 Áádóó Nephi bidineʼé baa dahaneʼ beiyítʼą́ągo; aooʼ, azhą́ shá naalʼaʼí Joseph Smith, Jun. ndi, éí Diyin God bee ajoobaʼ dóó Diyin God bibeʼadziilii yee ataʼ halne doogo beiyílyá, éí binahjįʼ Naaltsoos Mormon Wolyéhígíí áyiilaa.

30 Áádóó díí bee hazʼáanii baa dahaasyáhígíí ałdóʼ, éí da ééhózin bee dahólǫ́ǫgo díí sodizin bitłʼááhdi naazléí yee hadeiswod, áádóó doo éédahózindééʼ dóó chahałheełdééʼ yitʼį́įgo ádeiyiilaa, tʼáá éí tʼéiyá tʼáá aníí dóó sodizin hiináanii nahasdzáán tʼáá siʼáán ńtʼéé bikááʼgóó hólǫ́ silį́į́ʼ, éí bił Shí, Diyin Bóhólníihii, tʼáá íiyisíí baa shił hóózhǫǫd, sodizin tʼáá átʼéé ńtʼę́ę́ʼ dóó doo éí tʼáá łaʼígo bichʼįʼ haasdzííʼ da.

31 Háálá Shí Diyin Bóhólníihii éí bąąhági atʼéii tʼóó tʼįįhdí ndi doo bee hoséłʼą́ą da

32 Ákótʼée ndi, tʼáá háíshį́į́ ádaa náʼooskango dóó Diyin Bóhólníihii bibee hazʼáanii yikʼeh hółʼį́įgo éí bąąnídiʼdootʼááł.

33 Áádóó tʼáá háíshį́į́ tʼáadoo ádaa náʼooskanígíí, bí éí tʼáá aaníinii bił bééhózinée ndi bigháadoolyééł, háálá shiʼIiʼsizʼį́ Diyinii doo tʼáá áłahjįʼ nihokááʼ dineʼé yił naalnish da doo.

34 Áádóó ałdóʼ, tʼáá aaníigo shí ánihidishní, O nahasdzáán bikááʼ kéédahóhtʼíinii: Shí Diyin Bóhóníihii nishłíinii díí tʼáá ałtso bitsʼíís dahólóonii bił ííshją́ą́ ádeishłííł;

35 Háálá diné tʼáá átʼé tʼáá aheełtʼéego baa nitséskees, dóó dineʼé tʼáá ałtso bił béédahózin doo éí tsxį́į́łgo áájįʼ yoołkááł; tʼáhdoo ájį́ʼ eʼelkeed da, ákondi kʼadę́ę́ baa hoolzhíísh, éí kʼéhígíí nahasdzáán bikááʼdóó ndidoolyééł, dóó níłchʼi biʼiiníziinii yikʼi bóhólníhígíí yikʼi bidziil doo.

36 Áádóó Diyin Bóhónííhii bikééʼnaazíinii yikʼi bóhólnííh doo, dóó yitahgi nahaʼáa doo, áádóó Idumea yánahodooʼááłgo doogááł, doodaiiʼ nihokááʼ dineʼé.

37 Díí Diyin bibee hazʼáanii ndaałkaah, háálá tʼáá aaníinii dóó bee daʼoodláanii ádaatʼé, dóó biyiʼ náás ádahodoonííł dóó bee ndahwiistʼą́ągo hadaʼiisdziʼígíí tʼáá átʼé bidahodoolnííł.

38 Diyin Bóhólníihii nishłínii bee haasdziʼígíí, éí bee haasdzííʼ, dóó doo tʼą́ą́ kónídeeshdlííł da; yádiłhił dóó nahasdzáán bił yóóʼahodoozhish, ndi shizaad éí doo bił yóóʼahodoolzhish da, ákondi tʼáá átʼé bohodoolnííł, tʼáá shí shizhí da bee doodaiiʼ shá ndaalʼaʼí dabizhí da bee, éí tʼáá aheełtʼé.

39 Háálá áko shooh, níníłʼį́, Diyin Bóhólníihii éí Diyin God nilį́, dóó Iiʼsizį́ Diyinii haneʼ nahaasdzooígíí éí yaa halneʼ, dóó éí tʼáá aaníí átʼé, dóó tʼáá aaníinii éí hoolʼáágóó dóó ahoolʼáágóó hólǫ́. Amen.