Wóltaʼii 40
Díí diyingo ííshją́ą́ ályaa Diyin Yá Yáłtiʼí Joseph Smith dóó Sidney Rigdon yee yił hodoolnih biniyé, Fayette, New Yorkdi, Yas Niłtʼees 6, yoołkááłgo 1830yę́ędą́ą́ʼ. Díí diyingo ííshją́ą́ eʼélyaa tʼah bitséédi, Diyin Yá Yáłtiʼí binákééʼ náháneʼ ání, ʼʼJames [Covel] Diyin Bóhólníihii nahjįʼ kóyiilaa, dóó áłtséédą́ą́ʼ bidineʼé yaa nádzá dóó tʼaá´ bí bitłʼááh naazléí yoodlánée ninéidiidlá, Diyin Bóhólníihii díí diyingo ííshją́ą́ ályaa shí dóó Sidney Rigdon nihił chʼííníʼą́ʼʼ (wóltaʼii 39gi yídííłtah).
1–3, Akʼijįʼ ídlį́ dóó nihokááʼ dineʼé doo dajoobaʼgo báhádzid hwiinidzinígíí biniinaa Jesus Christ binaʼnitin bee yisdáʼiildéehii doo deiniizįįh da.
1 Áko shooh, tʼáá aaníígo Shí ánhidishní, shá naalʼaʼí James Covel bijéí shidááhdóó tʼáá ákógi átʼéé ńtʼę́ę́ʼ, háálá nizaad bikʼeh hónishʼį́į doo níigo diyingo yee shíł ahaʼdeetʼą́.
2 Áádóó shizaad yaa bił hózhǫ́ǫgo beiyílyá, ákondi tʼáá hooshchʼįʼ Satan doo yáʼátʼééhii yee nabineeztą́ą́ʼ; áádóó diné akʼijįʼ daʼnilínígíí yinásdzííd dóó nihokááʼ dineʼé bee bichʼįʼ ndahwiiʼnánígíí biniinaa saadígíí nahjįʼ kóyiilaa.
3 Ákohgo diyingo bee bił ahaʼdinishtʼánée kʼíínítiʼ, dóó shí shąąh silá násdlį́į́ʼ haalá yitʼáo yáʼátʼééhii bá ádoolnííł. Amen.