“Vakasaqara Sara Mo Dou Kila”

Elder Kim B. Clark

Ena Vitusagavulu

Bogi kei na dua na Vakaitutu Raraba • 8 ni Feperueri, 2019 • Valecavu e Salt Lake City

Kemuni na taciqu kei na ganequ lomani, sa ka taleitaki dina na veiqaravi vata kei kemuni ena cakacaka cecere oqo. Au cavuta na noqu loloma kei na vakavinavinaka ena vuku ni veicakacaka matalia ko ni dau cakava ena nodra vukei na itabatamata tubucake tiko ni itabagone kei na cauravou goneyalewa me ra vuli vakatitobu ena kosipeli i Jisu Karisito.

Ni titobu na vuli kosipeli, era na tubu na noda gonevuli ena: (1) vuku kei na kila ka, (2) rawa me vuavuai nodra ivalavala dodonu, ka (3) yaco me ra ucuya vakalevu cake na iVakabula kei na Tamada Vakalomalagi.

Sa isema bibi sara ena kilaka vakosipeli kei na ivalavala dodonu e mana na noda kila taumada na kosipeli. Au vinakata meu wasea vei kemuni ena bogi nikua eso na vakasama lalai ena veika eda rawa ni cakava me vukea na tubu ni nodra kilaka na noda gonevuli ena kosipeli i Jisu Karisito.

Au tekivuna ena malanivosa vakasakiti oya ena nona vunauci ira na nona bete na Tui o Noa o Apinatai: “Dou sa sega ni vakasaqara sara kina mo dou kila; o koya dou sa sega kina ni yalomatua.”¹

Sa tu vei ira na bete na ivolanikalou, ka ra kila na lawa kei ira na parofita, ia era sega ga ni vakasaqara sara me ra kila. Na uto na ivakatakarakara ni lomadonu ni lomada, noda gagadre, noda yalayala, noda veika vinaka, na veika eda vakabibitaka, noda nanuma, kei na vakaidinadina ni dina.²

Na kilai ni kosipeli e sivia sara na kila ka walega.³sai koya na veika vakayalo e sotavi ka vakadinadinataka kina na Yalo Tabu na ka dina, vakararamataka noda vakasama, ka veisautaka na yaloda.⁴Me kilai sara na yaloda e sa isolisoli ni Yalo.

Ni gadreva e dua nomu gonevuli me vakasaqara me kila sara e dua na ivakavuvuli ni kosipeli me vaka na vakabauti Jisu Karisito, sa dodonu vua ena nona galala me digitaki Jisu Karisito ka bulataka na ivakavuvuli oya. Na veika e vakila ena ivakavuvuli sai koya na matamata ki yalona. Na veika e cakava ena solia kina na veivakadonui vua na Yalo Tabu me vakadinadinataka, vakararamataka, ka veisautaka na ivakarau e ciqoma kina na Turaga kei na ivakavuvuli oya na yalona.⁵Ni tomana tiko nona bulataka na ivakavuvuli oya, vakananuma voli na veika a vakila, ka vakadinadinataka na veika e kila ni dina, ena tubu nona kila na vakabauta, ka veisau na yalona:

• Sa na yaco me veitaudonui na lomana, nona gagadre, kei na veika e vakaliuca ena nona cakacakataka nona vakabauta na iVakabula kei na Lomana.

• E vakamacalataki vakatitobu cake ena nona veiyalayalati kei na Turaga na nona yalodina me cakacakataka na nona vakabauti Koya.

• Sa yaco me titobu ka kaukauwa cake nona loloma, yalodina, reki, kei na vakabauta na Turaga.

• Ena tubu na nona ivakadinadina baleta na dina ni vakabauti Jisu Karisito kei na kaukauwa kei na loloma ni Turaga.⁶

Na cava e rawa ni daru cakava ni daru qasenivuli me vukei ira nodaru gonevuli ni vakasaqara me ra kila na ivunau i Jisu Karisito? Meu wasea mada vei kemuni e dua na italanoa au vakabauta ni tiko kina na veivakasama bibi vei keda

A kumuni ira vata e dua na ilala kalasi 4 e dua na qasenivuli ena vica na miniti ka tukuna vei ira me baleti Martin Luther, na bete ni Katolika mai Jamani ka vakaitavi vakalevu ena Tauyavu ni protestant e Iurope.⁷Oti qai solia vei ira na gone e dua na kilakila mada lekaleka. Era sauma na taro na gonevuli me vaka ga sa vakavulici oti vei ira na veika baleti Martin Luther King Jr., o koya na iliuliu mai Amerika; a sega ni dua na taro era sauma donu.

Oti a qai sokumuna tale o qasenivuli e dua na ilala kalasi 4. Ia ena gauna qo a tekivu ena nona taroga: “E vica vei kemuni e kilai Martin Luther King Jr.?” A laveti kece na liga. Era kila na gone oya e levu sara na ka baleti Martin Luther King Jr. Oti qai taroga o qasenivuli, “Ni kila beka na vuna erau vakayacani Martin Luther King Jr. kina nona itubutubu ena yaca Martin Luther—King?” Sega ni dua e kila. Qai kaya o koya, “Au sa na tukuna vei kemuni na vuna.” Qai vakavulica vei ira na veika e baleti Martin Luther, ni vakayagataki na itukutuku vata sara ga a vakayagataki vei iratou na imatai ni ilala. Ni solia vei ira na kilakila mada vata ga, eratou a sauma donu kece na taro na ikarua ni ilala.

Eratou a sega sara ga ni bau vulica na imatai ni ilala gonevuli e dua na ka me baleti Martin Luther.⁸Ia ena ikarua ni ilala a tukuna o qasenivuli ni o Martin Luther ga sai Martin Luther King Jr., e dua era kila tu na gonevuli e levu na ka baleti koya ka ra taleitaka.

Nona taro o qasenivuli kei na veivosaki era vakayacora e dolava na nodra vakasama kei na yalodra. Era sega walega ni vulica na veika baleti Martin Luther, ia a vakarabailevutaka talega na veika era kila baleti Martin Luther King Jr.

E tiko ena italanoa eso na iwalewale me tauyavu kina na kila ena vukei ira na noda gonevuli me ra vakasaqara me ra kila na ivakavuvuli ni kosipeli. E rua erau matata vinaka:

1. Dau mana vakalevu ni ra vakasotara vata na ivakavuvuli kei na veika era sa sotava kei na ka era sa kila tu. Na veika era vakila vakatamata yadua sai koya na katuba ni yalodra.

2. Sa ka bibi sara me dau caka na taro—ruarua na taroedataroga kei na taroera taroga nagonevuli. Na taro ena dolava na nodra vakasama kei na yalodra.

Oqo na vakasama mana. Au sureti kemuni mo ni vakayagataka ena vakatasuasua kei na rua tale:

3. Nakita mo vakavulica na kena iwalewale. Na vakasaqaqara me kilai e sa iwalewale vakayalo; na kena kilai e yaloda e sa isolisoli vakayalo. Yalovinaka vakavulici ira na gonevuli ena iwalewale. Vukei ira me ra vakila na nodra itavi me ra vakayagataka nodra galala me ra digitaka na Turaga ka bulataka na ivakavuvuli. Vakavulici ira me ra dau vakasamataka lesu na veika era a sotava, ka wasea na veika era vulica, ka vakadinadinataka na dina. Ena tiko vata kei ira na loloma soliwale i Jisu Karisito ni ra veivakavulici vakataki ira.⁹

4. Vakanamata ki vua na iVakabula. Sai koya na Nona ivunau kei na Nona rarama, loloma kei na kaukauwa era gadreva; sa vakaduavatataki na ka kecega Vua. Ni da vakadinadinataki Koya ka vakasotara na ivakavuvuli Vua, ena vakadinadinataka na Yalo Tabu na dina, veivakavulici, ka veivakararamataki.

Ni o cakava na veika oqo kei na vuqa tale, ena vakadinadinataka na Yalo Tabu na veika dina, vakauasivi ni a Karisito ko Jisu. Ena vakavulici ira yadudua nomu gonevuli. Ena veisautaka o Koya na yalodra, ka ra na tubu ena nodra kila na kosipeli i Jisu Karisito. Au kila ni dina oqo. Au sa laiva vei kemuni na noqu ivakadinadina bibi ena yaca i Jisu Karisito, emeni.

© 2019 mai na Intellectual Reserve, Inc. Dodonu kece e taqomaki. Nai Lavelave: 11/18. iVakadewa ni “Apply Your Hearts to Understanding.” Fijian. PD60007796 858

iDusidusi

1. Mosaia 12:27.

2. Raica na Merriam-Webster.com Dictionary, “Heart,”merriam-webster.com.

3. Me baleta na vakuri ni veivosaki ena veiwekani ni kilai vinaka ni yalo kei na kosipeli, raica na : David A. Bednar,Increase in Learning2011], 66–70.

4. Sa dina sara, e dua na tiki bibi ni iwalewale oqo na noda vakasama. Ia kevaka eda vakayagataka ga na noda vakasama, ka sega ni “vakasaqara sara me da kila” (Vakaibalebale 2:2), eda na sega ni kila deivaki sara na ivakavuvuli. Eda na kila walega na veika e baleta, ia eda na sega ni kila sara me vaka e vinakata na Turaga. Dua tale, ni da tukuna me vakalevutaki noda kila vinaka e yaloda, eda tukuna tiko me veisau na yaloda.

5. O Elder Richard G. Scott (1928–2015) ena Kuoramu ni iApositolo Le Tinikarua e vakavuvulitaka na ivakavuvuli oqo: “Ena sega ni vakasaurarataki iko na Turaga mo vuli. Sa dodonu mo vakayagataka nomu galala mo vakadonuya vua na Yalo me vakavulici iko. Ni o sa vakayacora me itovo ni nomu bula oqo, sa na matau vei iko na yalo e salavata mai kei na veituberi vakayalo” (“Mo Rawata na Veitubei Vakayalo,”Ensign,seLiaona,Nove. 2009, 8; raica talega 6–9).

6. E dua na ivakavuvuli bibi ka mana e cakacaka eke. Me vaka ena veika kecega, sa vakaraitaka vei keda o Jisu na sala. Sa kila vakamatata tu o Jisu na noda malumalumu kei na veilecayaki ni yalo, ia a digitaka o Koya me colata na nodra mosi (raica naAlama 7:11). E cakava o Koya na ka oqo me sirova ka vakila kina na ka kecega ena Yalona, me rawa kina Vua ni vakasinaiti ena loloma veivueti ka rawata na yalomatua kei na kaukauwa vinaka sara me vueti, vakaukauwataki, ka vukei keda. Na vakasamama oqo, ena Nona digitaka me colata na veilecayaki ni yaloda ena Lewena a tubu cake kina o Jisu ena kilaka mai na ka a kila vakai Koya, e sa vakamacalataki vakavinaka mai vei Elder Neal A. Maxwell ena ulutaga, “Willing to Submit” (Ensign,Me 1985, 70–73).

   E muri, e Kecisemani, ena Nona vakararawataki sa tekivu o Jisu me “kidacala sara” (Marika 14:33), se, va Kirisi, “kidroa” ka “kurabui.” Raitayaloyalotaka, me “kurabui!” tu o Jiova, na Dauniveibuli ni vuravura oqo kei na so tale. Sa vakila tu o Jisu na ka me kitaka, ia e sega ni se dei sara. A sega ni se kila o Koya vakaikoya na ibalebale dina ni ivakarau ni veisorovaki eliu. Ia, ni sa vakilai vakataucoko na mosi, e sa levu saraga, levu cake sara mai na kena e rawa ni raitayaloyalotaka o Koya ena Nona kila! Sa rauta me rairai e dua na agilosi me vakaukauwataki Koya (raica naLuke 22:43)!

   Sa vuqa tu na ivolanikalou e vakamatatataka ni da sa vakalougatataki (vaka na isolisoli vakayalo ni kila vakamatata e dua na ivakavuvuli ni kosipeli) ni da sa cakacakataka oti na bulataki ni ivakavuvuli (raica naJoni 7:17Joni 8:31–32Efeso 1:17–21Mosaia 12:27Alama 32:28Ica 12:6Vunau kei na Veiyalayalati 88:4Vunau kei na Veiyalayalati 130:10–11).

7. Na itukutuku oqo e sa vu mai vei James E. Zull,The Art of Changing the Brain: Enriching the Practice of Teaching by Exploring the Biology of Learning(2002), 124–25.

8. O ira na gonevuli enai matai ni lawalawa a tavulona na veika kece era rogoca mai na nodra ituvatuva ni kilaka yavutaki me baleti Martin Luther King Jr. Ni ra rogoca na vosa “Martin Luther,” era a vakasotara na vosa oya ki na “King” ka cakacakataka na nodra ituvatuva yavutaki. Era a sega ni kilai Martin Luther vakaidina.

9. Raica naVunau kei na Veiyalayalati 88:77–78.