Lan̄lōn̄ eo Em̧ool an Kūrijmōj
Jen Būreejtōn Thomas S. Monson
Ro jeiū im jatu rejito̧nbōro, ej juon lan̄lōn̄ n̄an n̄a n̄an pād ippāmi joten in ilo ad kememe, kōn naan im al, ļotak eo an ad Rilo̧mo̧o̧r im Ripinm̧uur‒‒em̧ool Jisōs Kraist, Irooj eo.
Kūrijm̧ōj ej juon season eo eaiboojoj an juon iiō. Ej barāinwōt juon tōre epoub n̄an elōn̄ iaad. Ej kōjatdikdik eo aō im jar eo aō bwe jemaron̄ jab kanooj lokjak ilo poub ko an season eo me jej likūt ad poub ilo men ko rebōd im jerwane lan̄lōn̄ ko relemwaan an kememe e ļotak eo an Juon eo Ekwojarjar an Bethlehem.
Lo lan̄lōn̄ eo em̧ool an Kūrijmōj ejjab itok ilo ekairir im m̧ōkaj n̄an kōtōprak eļap. Jej lo lan̄lōn̄ eo em̧ool an Kūrijmōj n̄e jej kōm̧m̧an bwe Rilo̧mo̧o̧r eo en ioļapļap an season eo.
Ļotak ilo juon stable, kitimi ilo juon jikin m̧ōn̄ā an menin mour, Eaar itok jān lan̄ n̄an mour ioon laļ in āinwōt armej wabanban im n̄an ejake aelon̄ in kiin̄ eo an Anij. Aiboojoj an ko̧jpeļ eo An eaar ukōt kōļmenļo̧kjeņ an laļ in. Eaar mour n̄an kōj, im Eaar mej kōn kōj. Ta eo jemaron̄, ilo ukōt bōkā eo, n̄an E?
Ij iakwe naan ko kar je jān rijeje poem in English eo Christina Rossetti:
Ta eo imaron̄ leļo̧k n̄an E,
Kōnke ijeram̧ōl?
Eļan̄n̄e iaar juon jabōt
Inaaj kar bōkļo̧k juon ļaam̧.
Eļan̄n̄e iaar juōn Em̧m̧aan Meletlet
Inaaj kar kōm̧m̧ane ijo kuņaō,
Aaet ta eo imaron̄ leļo̧k n̄an E?
Leļo̧k būruwō.1
Ad kememe e Kūrijmōj aikuj in kwaļo̧k iakwe eo im jab ļōmņak kōn kōj make eo kar katakin jān Rilo̧mo̧o̧r eo. Leļo̧k, jab bōk, jetōb in Kūrijmōj in leļo̧k im kea ej ļapļo̧k āinwōt an wut eo ebbōl. Jej en̄jake eļapļo̧k jouj n̄an doon. Jej pukōtļo̧k ilo iakwe n̄an jipan̄ ro ejjab bwe ippāer. Būruwōd rej pidodoļo̧k. Rikejdet ro rej jeorļo̧k aer bōd, ro m̧ottad rej kememej, im Anij ej pokake. Jetōb in Kūrijmōj ej ukōtt wāween eo kom̧ij kalimjōk laļ in, im jej reilo̧k n̄an mour eo an laļ in epoub im ļapļo̧k ad itok limo ilo armej ro eļapļok jān men ko. N̄an akjoketok meļeļe eo em̧ool an jetōb in Kūrijmōj, jej aikuj joļo̧k wōt syllable eo āliktata, im erom Jetōb eo an Kraist.
Būreejtōn David O. McKy eaar ba: “M̧ool eo em̧ool ej itok wōt jān kōm̧m̧ane bwe ro jet ren m̧ōņōņō—jekjek eo kōjerbal an katak eo an Rilo̧mo̧o̧r eo kōn luuji mour eo an juon n̄an bar bōke. Ilo tu kadu in, jetōb in Kūrijmōj ej jetōb in Kraist, me ej kōm̧m̧an bwe būruwōd en en̄jake iakwe eo n̄an ro jet ilo iakwe in jemjān jemjati im jemjerā im im̧we kōj n̄an jerbal in jipan̄ ko rejouj.
“Ej jetōb eo an ko̧jpeļ eo an Jisōs Kraist, pokake n̄an ta eo enaaj bōktok, ‘aenōm̧m̧an ioon laļ,’ kōnke ej meļeļe in—jerbal em̧m̧an n̄an aolep armej.”2
Kōm̧m̧an bwe jān leļo̧k āinwōt an Rilo̧mo̧o̧r eo kar leļo̧k. N̄an leļo̧k n̄an juon make ej juon menin leļo̧k kwojarjar. Jej leļo̧k āinwōt juon kememej kōn aolep men ko Rilo̧mo̧o̧r eo eaar litok. Kōm̧m̧an bwe jān barāinwōt leļo̧k menin leļo̧k ko me ewōr aer aorōk indeeo, ippānļo̧k menin leļo̧k ko ad me āliktata rupe ak meļo̧kļo̧ki. Ewi jon̄an an em̧m̧anļo̧k laļ in eļan̄n̄e jej aolep leļo̧k menin leļo̧k ko an meļeļe im meanwōd, an jerbal in jipan̄ im jemjerā, an jouj im tenkwadik.
Ilo an season in Kūrijmōj eo jepooļ kōj kōn aolep aiboojoj ko an, kōm̧m̧an bwe jān, āinwōt an Rimeletlet ro kar kōm̧m̧ane, pukōt juon iju emeram, n̄an tōl kōj ilo kememe eo ad kōn ļotak eo an Rilo̧mo̧o̧r eo. Kōm̧m̧an bwe jān aolep kōm̧m̧ane iaļ eo n̄an Bethlehem ilo jetōb, bōk ippād juon bōro emanwōd, bōro kea āinwōt menin leļo̧k eo ad n̄an Rilo̧mo̧o̧r eo.
Ro jeiū im jatu, kōm̧m̧an bwe juon im aolep en wōr juon Kūrijmōj eobrak kōn lan̄lōn̄. Kein in ej ao kōjatdikdik im aō jar, ilo etan ekwojarjar ad Rilo̧mo̧o̧r, Jisōs Kraist, amen.