Ang Kahayag ug ang Kinabuhi sa Kalibutan
Ang labing pamilyar ug minahal nga istorya sa pagkatawo sa Manluluwas makita sa ikaduha nga kapitulo sa Lucas sa Bag-ong Tugon. Mapasalamaton kaayo ko sa matag higayon nga mobasa ko mahitungod ni Jose ug Maria nga nagbiyahe ngadto sa Betlehem, sa ubos nga pasungan, sa mapaubsanong pagkatawo ni Ginoong Jesukristo, sa mga magbalantay sa karnero, ug mga anghel nga nagpahayag sa “maayong balita sa dakong kalipay … sa tanang mga tawo” (Lucas 2:10).
Ang Pagpahiuli sa ebanghelyo sa ulahing mga adlaw naghatag og importante nga dugang istorya sa pagkatawo sa Manluluwas diha sa Basahon ni Mormon. Ang akong mensahe magtutok niining dugang nga paghulagway sa unang Pasko. Samtang magdungan kita sa pagkonsiderar niini nga istorya, dapiton ko kamo sa paghanduraw sa inyong kaugalingon nga anaa niini nga mga panghitabo ug wala lang maminaw sa mga pulong.
Nag-ampo ko nga ang Espiritu Santo motabang kaninyo sa pagpahisama niini nga mga kasulatan nganha kaninyo ug sa inyong pamilya (tan-awa sa1 Nephi 19:23) ug mopuno sa inyong mga kasingkasing uban sa tinuod nga diwa sa Pasko.
Samuel ang Lamanite
Ang atong istorya nagsugod diha sa yuta sa Zarahemla pipila ka tuig sa wala pa ang pagkatawo sa Manluluwas. Si Samuel nga Lamanite miadto taliwala sa mga katawhan aron sa pagsangyaw sa paghinulsol ug nanagna kabahin ni Kristo. Karon palihug sulayi sa paghanduraw nga kamo nag-edad og 10 anyos ug apil sa kadaghanan nga naminaw sa propeta sa Dios nga nanagna sa umaabut nga mga panghitabo.
Si Samuel mipahayag: “Tan-awa, ako mohatag nganha kaninyo og usa ka timailhan; kay lima pa ka tuig ang moabut, ug tan-awa, unya moabut ang Anak sa Dios sa pagtubos sa tanan nga motuo sa iyang ngalan.
““Ug tan-awa, ako mohatag kaninyo niini nga timailhan sa iyang pag-anhi; kay tan-awa, adunay daghan kaayo nga mga kahayag sa langit, nga diha sa gabii nga siya dili pa moabut walay kangitngit, nga sa ingon mopakita ngadto sa tawo ingon og kini adlaw.
“Busa, adunay usa ka adlaw ug usa ka gabii ug usa ka adlaw, nga sama lamang sa usa ka adlaw ug walay gabii; ug kini alang nganha kaninyo alang sa usa ka timailhan. …
““Ug tan-awa, adunay bag-o nga bitoon nga mosubang … ; nga sa sukad wala pa ninyo masud-ong” (Helaman 14:2–5).
Ang Pagkatawo sa Manluluwas
Paglabay sa panahon, “ang mga panagna sa mga propeta misugod na sa pagkatuman sa hingpit; kay dihay nagsugod sa pagpakita og mga mahinungdanon nga timailhan ug mga mahinungdanon nga milagro nga gibuhat taliwala sa mga katawhan” (3 Nephi 1:4).
Hunahunaa nga lima na ka tuig ang milabay ug kamo nag-edad na karon og mga 15 anyos. Klaro pa ninyong mahinumduman ang mga panagna ni Samuel samtang gikonsiderar ninyo ang kasamtangang mga kahimtang diin kamo nagpuyo.
“Apan dihay uban nga misugod sa pag-ingon nga ang panahon milabay na nga ang mga pulong matuman, nga gipamulong ni Samuel, ang Lamanite.
“Ug sila misugod sa pagmaya diha sa ilang mga kaigsoonan, nag-ingon: Tan-awa ang panahon milabay na, ug ang mga pulong ni Samuel wala matuman; busa, ang inyong hingpit nga kalipay ug hugot nga pagtuo mahitungod niini nga butang nakawang lamang”.
“Ug nahinabo nga sila naghimo og dako nga kasamok sa tibuok yuta; ug ang mga katawhan nga mituo misugod sa hilabihan ka masulub-on, kay basin pa unya sa bisan unsa nga paagi kadto nga mga butang nga gipamulong na dili mahinabo.
“Apan tan-awa, sila sa “makanunayon nagbantay sa mao nga adlaw ug niana nga gabii ug niana nga adlaw nga ingon og usa lamang ka adlaw ingon og walay gabii, nga sila unta masayud nga ang ilang hugot nga pagtuo wala makawang.
“Karon nahinabo nga dihay usa ka adlaw nga gikatakda sa mga dili matuohon, nga kadtong tanan kinsa nagtuo niadto nga mga tradisyon kinahanglan nga pahamtangan sa kamatayon gawas kon ang timailhan mahinabo, nga gikahatag ni Samuel nga propeta” (3 Nephi 1:5–9).
Makasugod ba kaha kita sa pagsabut kon sama sa unsa nga nagpaabut sa mga timailhan sa Iyang pag-anhi ug nga nag-atubang usab sa kakuyaw nga posibleng ipapatay? Magpabilin kaha kita nga lig-on ug makanunayon sa hugot nga pagtuo, o magduha-duha ba kaha kita ug mobiya?
Sa katapusan, ang timailhan sa pagkatawo ni Kristo nga gipanagna ni Samuel gihatag gayud. Sa usa ka palibut sa relihiyosong pagpanggukod ug sa linghod nga 15 anyos nga edad, kamo natingala usa ka gabii sa dihang misalop ang adlaw apan walay kangitngit.
“Ug ang mga katawhan mosugod sa pagkatingala tungod kay walay kangitngit sa diha nga ang gabii miabut. …
“Ug ang mga katawhan mosugod sa pagkatingala tungod kay walay kangitngit sa diha nga ang gabii miabut. …
““Ug nahinabo nga walay kangitngit sa tibuok niana nga gabii, apan kini mahayag ingon sa udtong tutok. Ug nahinabo nga ang adlaw misilang pag-usab, pagkabuntag, … ug sila nasayud nga kini mao ang adlaw nga ang Ginoo matawo, tungod sa timailhan diin gikahatag.
“Ug nahinabo, oo, tanan nga mga butang, matag tipik, sumala sa mga pulong sa mga propeta.
“Ug ang mga katawhan mosugod sa pagkatingala tungod kay walay kangitngit sa diha nga ang gabii miabut” (3 Nephi 1:15, 17, 19–21).
Ang adlaw nga natawo si Jesus maoy adlaw sa kaluwasan alang sa mga tumutuo sa Bag-ong Kalibutan. Ang kahayag isip timailhan sa pagkatawo sa Manluluwas literal nga miluwas sa ilang kinabuhi.
Ang Kamatayon ug Pagkabanhaw sa Manluluwas
Karon handurawa nga kapin na sa 30 ka tuig ang milabay ug hapit na 50 anyos ang inyong edad. Klaro pa gihapon ninyong mahinumduman ang mga pagtulun-an ni Samuel ug ang inyong mga kasinatian isip tin-edyer sa dihang ang timailhan sa pagkatawo sa Ginoo nahitabo.
Usa sa mga timailhan sa kamatayon ni Kristo nga gipanagna ni Samuel mao ang tulo ka adlaw nga grabeng kangitngit (tan-awa sa Helaman 14:27; 3 Nephi 8:3).
“Ug nahinabo nga dihay bagâ nga kangitngit diha sa ibabaw sa tibuok yuta, hilabihan kini nga ang mga lumulupyo nga wala matumba nakabati sa inalisngaw sa kangitngit;
“And there could be no light, because of the darkness, neither candles, neither torches; neither could there be fire kindled“Ug walay nakita nga kahayag, tungod sa kangitngit, ni mga kandila, ni mga sulo; ni bisan kalayo nga ikahaling , nga sa ingon, walay bisan diyutay nga kahayag sa tanan;
“Ug walay bisan diyutay nga kahayag nga makita, ni kalayo, ni dan-ag, bisan ang adlaw, ni ang buwan, ni ang mga bitoon, kay hilabihan ka dako ang mga gabon sa kangitngit nga mitabon sa ibabaw sa yuta.
“Ug nahinabo nga kini milungtad sulod sa tulo ka adlaw nga walay kahayag nga nakita” (3 Nephi 8:20–23).
Sama sa unsa kaha nga makasinati niadtong tulo ka adlaw sa dili mahulagway nga kangitngit ug dayon, human lang sa mubong panahon, makig-uban sa pundok sa 2,500 ka mga tawo didto sa templo sa yuta sa Bountiful? Makahanduraw ba kamo sa kahalangdon sa higayon sa dihang ang Manluluwas mikunsad gikan sa langit ug namahayag, “Tan-awa, Ako mao si Jesukristo. … Ako ang kahayag ug ang kinabuhi sa kalibutan”? (3 Nephi 11:10–11; mga italic gidugang).
Ngadto niining espesyal nga pagkapundok sa templo, ang duha sa unang mga pulong nga gigamit sa Manluluwas sa paghulagway sa iyang Kaugalingon mao ang “ang kahayag.” Si Samuel mitagna og usa ka timailhan sa kahayag. Ang timailhan sa kahayag gihatag sa pagkatawo sa Manluluwas. Alang sa mga tawo sa dakong pundok, ang grabeng kangitngit ug kahadlok giwagtang pinaagi sa tinuod nga kahayag, gani si Jesukristo.
Basahon ni Mormon nagtabang kanato nga makat-on ug mas hingpit nga makasabut nga si Jesukristo mao ang “kahayag nga nagdan-ag sa kangitngit” (tan-awa saD&P 10:57–61). Sa matag panahon sa atong mga kinabuhi, sa tanang sirkumstansya nga atong masugatan, ug sa matag hagit nga atong atubangon, si Jesukristo mao ang kahayag nga nagwagtang sa kahadlok, naghatag og kasiguroan ug direksyon, ug nagmugna og malungtarong kalinaw ug kalipay.
Daghan sa atong halandumon ug malungtarong mga tradisyon sa Pasko naglakip sa lain-laing matang sa mga kahayag—mga suga sa kahoy, mga suga sulod ug gawas sa atong mga balay, mga kandila sa atong lamesa. Hinaut ang matahum nga mga suga sa matag panahon sa pasko magpahinumdom kanato Kaniya nga maoy tinubdan sa tanang kahayag.
Kadalanan naghayag
Sugang mahangturon.
Paglaum sa katuigan
Gituman Mo karon.
(“O Little Town of Bethlehem,” Hymns, no. 208).
Ako mosaksi nga si Jesus natawo sa Betlehem, madaugon nga mituman sa Iyang mortal nga misyon ug pagpangalagad, ug isip ang atong nabanhaw nga Ginoo, Siya buhi karon. Ako mopamatuod sa sagradong pangalan ni Ginoong Jesukristo, amen.