Ora Solèm, Amor su Lus Puro
Mi ke konta dos historia ku a pasa ku mi kual a keda den mi mente pa hopi aña i hasta awor ta siña mi lèsnan ku mi tin mester.
E di promé a sosedé tempu mi tabatin 6 aña. Nos dirigente di músika den e Bario 5[sinku] di Hunter tabata Hermana Beverly Whitley. Awor mi ta realisá ku probablemente e no tabatin ni 40[kuarenta] aña, pero e tabatin yunan teenager i tabata mustra masha madurá i sabio na nos den e Primaria chikí. E tabata grasioso i a trata nos manera ku nos tabata mini adultonan, i nos tabata gusta esei. Nos a atmir’é i tabata purba pa komplasé. E tabata bisa ku nos por kanta asina duru ku nos mayornan por a skucha nos den e otro kamber. No grita—pero pa kanta realmente! I nos a kanta ku henter nos kurason. El a siña nos tambe un kantika for di e himnario di adultonan, bisando ku e tabata sa ku nos tabata músikonan sufisiente madurá pa por ta kapas pa memorisá e palabranan difísil. I e ora ei el a splika lilo tur e palabranan ta nifiká pa asina nos por komprondé. El a siña nos ku kada kantika tin un mensahe spesial djis pa nos i, si nos pensa riba e palabranan, nos lo haña ku e mensahe tabata spesial pa nos mes bida.
E Pasku ei, mi a purba na apliká lokual Hermana Whitley a siña nos, i mi a siña tur e versonan pa “Ora Solèm.” Awor, mi ta pidi despensa na e traduktornan pasobra esaki lo ta straño. Komo un mucha di 6[seis] aña, mi a pensa profundo riba e palabranan den e di tres verso, pero mi no a komprondé e puntuashon. Enbes di kanta “Yu di Dios, su amor ta lus puro,” manera den; Jesus tabata e ekspreshon di e lus ku ta flui for di amor puro, mi a komprond’é pa bisa ku e Yu di Dios ta stima lus puro—e ta adorá tur kos ku ta trahá di lus puro. Pensando manera Hermana Whitley, mi a purba na sa kon mi por “stima lus puro” meskos ku Jesus ta hasi.
E di dos historia a sosedé tempu mi tabatin 9[nuebe] aña. Meskos ku hopi mucha, mi tabata haña lès di piano. Mi no tabata partikularmente talentoso, i, kisas pa kurashá mi, mi obispu a puntra mi pa toka un kantika di Pasku den e reunion sakramental riba bispu di Pasku. Mi a disidí pa toka “Ora Solèm.” Mi maestro di piano a yuda mi prepará. Mi mayornan a skucha mi tok’é literalmente 100 biaha riba nos piano vertikal pretu den nos kèlder. Un hende a menshoná ku kisas mi por memorisá e kantika I no usa e músika, pero mi tabata asina nervioso riba e tokamentu dilanti di tur hende den mi barrio ku mi no por a memorisá e músika. Enbes, mi a bini ku un plan. Mi tabata tuma e músika ku mi, pero na lugá di pone riba e piano mi tabata pone riba mi pia. Lo mi poe a wak abou na mi mannan I mira e músika , pero e tabata parse ku mi a memorisá e músika E plan aki a funshoná hopi bon pa 20 sekònde. Mi a pone e músika riba mi saya di tafitan pa Pasku i ora ma kuminsá toka, pero e tela di e saya tabata slep i meimei di e promé esrofa, e músika a slep for di mi saya i a disparsé kompletamente bou di e piano. Mi tabata kompletamente pegá. No tabatin ningun manerapa mi por a hña e músika bek, i mi mente tabata en blanko. Mi a primi mi djente i a purba na hasi e mihó ku mi tabata por. Tabata un desaster kompletu.
Dolorosamente mi a primi teklanan robes, I mi por a mira e hendenan Ma faya den e di dos estrofa Sabiamente mi a omití e di tres verso i a kore sali ku un kara kòrá di purba pa no yora. Mi mayornan a susurá “Kiko a pasa? Bo tabata konosé e kantika asina bon.” Mi no por a warda pa sali for di Iglesia. Mi no ke a mira ni papia ku ningun hende; mi tabata humiá i bergonsá. Ora reunion a kaba, mi maestra ansiano di Skol Dominikal, Hermana Alma Heaton, a aserka mi. Mi a purba di evit’é, pero el a kue mi man. Enbes di bisa mi kon bon e tabata, loke tur jende tabata sa ku tabata un mentira, el a bisa algu ku lo mi keda kordá pa e restu di mi bida. E di, “Sharon, no ta importá kon e resultado ta. Tur hende por a mira kuantu esfuerso bo a hinka aden, nos ta stima bo sea bo por toka piano òf no.”
Esei tabata e berdat sinsero. Pero e no a hasi tantu doló manera mi a spera. E bèrdat tabata ku mi a traha duru, i nan tabata stima mi ounke mi no por a toka piano. Mi a duna e sonrisa chikitu i el a duna mi in brasa di un dama ansiano i diripiente tur kos tabata bon.
Awor, Beverly Whitley i Alma Heaton no a hasi nada ekstraordinario. Nan no a skibi nada den nan diario. Niun hende den nan famia konosé e historianan aki. Nan tabata simplemente siña muchanan chikitu kon pa kanta i kon pa komprondé e evangelio. Kiko por tabata mas mundano? Eksepto ku e no tabata. Si boso puntra mi kon ta parse ora un persona “stima lus puro,” e ta parse manera Beverly Whitley. E ta parse manera Alma Heaton. Kada un di nan por a rekonosé e “lus puro” di un mucha chikitu ku tabata purba mes duru ku e tabata por i pa stim’é pa esaki, ounke e no a logra perfektamente.
Nos Tata Selestial ta eksaktamente meskos. E ta mira nos, Su yunan chikitu, purbando. Nos esfuersonan no ta logra semper, pero E sa kon duru nos ta trahando—tin biaha primiendo nos djentenan i sigui dor di e desaster—i E ta stima nos pa esei. Pa tur nos músika disonante, for di tono, no rekonosibel, El a manda Su bunita Yu Unigénito, ku ta amor su lus puro. Jesucristu lo drecha tur nota robes i redimí tur harmonia falsu si nos bira na Dje i pidi pa su yudansa. Pa motibu di e nasementu, Ekspiashon, i morto di Jesucristu nos tur por drumi den pas selestial.1
Mi ta hopi felis pa e temporada di Pasku aki pa kanta kantikanan ku tin un mensahe spesial di e Salbador di e mundu pa esnan ku kurason doloroso. Mi ta primintí boso mes un kos ku Hermana Whitley a primintí Primaria. Si boso pensa tokante e palabranan ku boso ta kanta e temporada aki, boso lo haña un mensahe dibino diseñá spesialmente pa boso ku lo elevá i konsolá boso. Aki tin un ku mi a haña e temporada di Pasku aki. Mi tabata preokupando pa tur e hendenan ku nos esfuersonan humanitario no por alkansá i kon e nashonnan tin biaha ta hasi difísil pa nos por alkansá rumannan ku ta sufri. I ta te e mainta aki den sosiedat di sokoro ,I a pone ateshon na e kantika ku tabata wordu kantá
Bensishoná tur e muchanan stimá den Bo kuidohttps://ldstms.ldschurch.org/ws-legacy/images/workbench/segment.nostatus.gif suave.
I hasi nos apto pa sheli pa nos por biba ku bo einan2
Mi ta testifiká ku e Yu di Dios ta stima lus puro; E ta amor su lus puro. Den e nòmber di JesuCristu, amèn.