Kam Vishisht Upahaare
2021 First Presidency ke Bada Din Sabha
Sunday, December 5, 2021
Parichay
Jab main choti thi, Bada Din ke mukhye aakarshan hota tha Nani aur Nana Lundgren ka aana. Har saal woh puraani gaadhi meh lamba safar kar ke aate. Hum unse pyaar karte the, aur hame Nani ke Swedish pancake pasand the—jon taaja sour cream se banta raha jon woh apan ilaake ke sthaaneey kisan se kharid kar laati thi. Woh choolha ke saamne ghanto khadhi raheti, tab tak pancakes banaati jab tak hum aur nahi kha sakte. Abh doh aur peedhi ke bacche badhe ho gaye yeh Swedish pancakes khaate huwe. Aur har samay jab hum inhe banaate, hum Nani Lundgren aur unke pyaar bhare upahaar ko yaad karte hai.
Kuch sab se ache upahaar hote hai humaara samay aur gunon ke upahaarein. Mai vishwaas karti hoon ki aisa upahaar pavitra upahaar hota hai.
Upahaar
Yeh naye upahaaron ke ummeed ka mausam hai. Lekin aaj raat, aao hum rukh kar vichaar kare un upahaaron ka jo aapko pahele diya gaya—aur kisne diya tha aur kyun.
Ishwar ne hum sabhi ko upahaar diya hai. Aap pratibhashaalee nahi mehsoos kar rahe honge, par aap sab ko Ishwar se aadhyaatmik uphaar praapt hui hai jiss se aap dusro ko aashish de sakte hai aur Unke karib jaa sakte hai.1
Ishwar ne aapko kya uphaar diye hai?
Sach bataau toh, main ne kabhi khud ko ekh pratibhashaalee insaan ke roop mein nahi dekha. Main toh khaas gaayak, ya naachnewaali, ya khilaadhi, ya kalaakaar, ya ganit me maahir ya, ya, ya, nahi hoon, main sirf bahut sadhaaran hoon.
Kabh kabhi main auron ki mahaan upahaar ko dekhti hoon toh khud ko chota mehsoos karti hoon. Lekin main seekh rahi hoon ki kitni vyarth aur yahan tak ki haanikaarak hoti hai aisi tulnaaen. Adhik mahatvapoorn baat, main Ishwar ki pavitra shakti dekh paayi “kam vishisht upahaaron ko” aur Unke pyaar aur vishwaas ka saboot ka aanand uthaayi.
Elder Marvin J. Ashton ne sikhaaya Ishwar ke aadhyaatmik upahaar woh hai jo “kam vishisht hai,” jis meh shaamil hai “maange la upahaar; sune la upahaar; shaant, dhimi awaaz sune ke upahaar; rone ka uphaar; ladaai na karne ka upahaar; raazi hone ka upahaar; sachchai ke khoje la upahaar; apan raae nahi bataye la upahaar; Parmeshwar ke aguwaai ke agore la upahaar; ek chela hone ka upahaar; sab ke dekhbhaal kare la upahaar; soche la upahaar; praathna kare la upahaar.”2
Kya yeh soochee aapko apne upahaar ko naye tarah se dekhne me madat karti hai? Yeh mujhe madat karti hai.
Yeh shaant upahaar Ishwar ke bachcho ko prerit karne me utna hi madat karti jitne anye uphaar jinhe hum pahachaante hai aur adhik baar prashansa karte hai3—shaant upahaarein hume jeevan mein sabse mahatvapom lakdhyon ko poora karane mein madat karti hai. Lekin, durbhaagaye se, hum kabhi kabhi piche hath jaate hai aur apna apahaar baatne me asafal ho jaate hai, iss dar se ki ve utne polish, paripoorn, ya sundar nahi hai jitna hum chahaate hai.
Jab hum in kam vishisht upahaaron ki saraahaana karne mein asafal hote hai, hum Unke bachchon ko prerit karne ka ek mauka kho dete hai—aur hum Ishwar ke pyaar mehsoos karne ka ek mauka kho dete hai.4
Aapke Upahaaron ka Dhun Bajaao
Mujhe aapko ekh aur upahaar dekhaane do—ekh upahaar mere Nana Lundgren se. Nana ji humesha se violin bajana chahate the. Tathaapi, yeh violin unki shelf par aparyukt aur dhool se baithi rahi, aur phir mere bhi, bahut saalon tak—in taaro(strings) par sangeet shaant thi.
Iss violin ko mere che-saal-ki poti Scarlett ki violin, se tulna kare. Unke paas humaare saath aaj raat baatne ke liye ekh upahaar hai.
[Scarlett violin bajaye hai]
Dhanyevaad, Scarlett. Yeh bahut khoobsoorat tha. Main aapse pyaar karti hu.
Swarg ke Pita dwara diye gaye humaare upahaar baatne ke liye hai. Scarlett ki violin mahenga nahi hai, aur hum upakaran ya takaneek mein khaamiyaan dhoondh sakti hai, lekin kyunki usne uss mein apna dil lagaya aur usne ekh upahaar diya jisse khushyaali mili
Parmeshwar jo upahaar aapko deta hai, yahan tak ki Unke sabse kam vishisht waali bhi, vyarth ya gaer-abhaari mat hone do. Jo upahaar Unhonne aapko diya hai use shelf par se utaaro. Agar aapne use aatma sandeh ki wajah se rehne diya hai toh, dhool jhaado aur koshish karo. Use Parmeshwar aur Unke bachcho ko arpit karo. Humare paas jo bhi upahaar hai humaare Swarg ke Pita se woh istemaal karne aur baatne ke liya hai. Parmeshwar dwara aapki sabhi upahaar, kitna bhi apoorn ho, khushiyaa laati hai aur, jab Unhe arpit kiya jaaye, prashansa ki ekh geet hai.
Apne sunane ki Upahaar ke saath pyaar se ekh dost ko milo jo akela hai. Kya aapke paas ladhaai ko rokne aur razamandi ki upahaar hai? Yeh upahaar iss se pahele itna zaroori nahi thi. Isse apne parivaar, dost aur padhosiyon ko do. Bhatke huwe ko bataae ki aap unse pyaar karte hai, aur unhe apne rasoi ki mez par aamantrit kare. Prerit paath sikhaaye. Pyaar bhare shabd likhiye note pe. Apne upahaaron ka istemaal kariye un tak pahuchane meh aur Zion banaane ki liye aur jo log aas paas hai unhe banaane ke liye. Parmeshwar ko sabhi prakaar ke logon ki zaroorat hai. Unhone sabhi upahaar Apne bachchon ki badhanti ke liye diya hai. Apne andar ki geet ko bina gaaye, bina gale lagaaye, bina maafi pradaan kare mat jaane doh.
Unka Upahaar Praapt Karna
Christmas season ke samay 1832 ke dauraan, Prophet Joseph ne abhi hi naagriko ke beech yudh ki bhavishyevaani kiya tha.5 Ab yeh toh bahut khush karne waali baat nahi hai.
Lekin December 27 ko, Joseph ko ek aur revelation praapt huwa—ek “shaanti ka sandesh” Ishwar se.6 Iss kathin samay me, Prabhu ne Joseph ko yaad dilaaya Unke upahaar ka jo Usne Santo ko diya tha—sabse mahatvapoorn, Udhaarkarta Ishu Masih ka upahaar aur anant jeevan ki ummeed ekh pyaare Pita ke saath Swarg mein.
UssBada Din ke mausam mein khushi manaane ka tarika raha Parmeshwar ke upahaar ko dekhna aur use praapt karna; pahela aur sabse mahatvapoorn hai “anupam upahaar”7ekh Uddhaarkarta ka. Yeh iss Bada Din ke mausam meh bhi sach hai.
Jo revelaishan Joseph ko prapt huwa tha, Prabhu ne yeh saare sawal pooche:
“Tab kya faaeda us aadmi ko agar use ek uphaar mile, aur woh us upahaar ko na haasil karein? Dekho, woh us mein nahin aanandit hota jo use mila hai, na to uphaar dene waale se prasann hota hai.”8
Samaapti
Main aasha karti hoon ki hum sab dekhe aur praapt karein un upahaaron ko jo Parmeshwar ne hume diya hai—lekin khaas karke main ummeed karti hoon ki har koi Parmeshwar meh anandmay ho sake, jo in upahaaron ke daata hai.
Main abhaaree hoon Unke Putr ke atulaneey upahaaron ka—ekh Putr dharti par bachche ki tarah aaya, ek yuva maa dwara paala gaya aur ek charnee meh rakha gaya. Ekh bachcha jo thoda thoda karke seekhega aur anugrah par anugrah badhega tab tak jab tak Unhe mere paapon ke liye Apne jeevan ko tyaagna nahi padaa. Aapke paapon ke liye. Sabhi ke paapon ke liye jo iss dharti par jeeya hai ya kabhi bhi jeeyega.
Hum bahut pasandida gaane ka bol gaate hai:
“Joy to the world, the Lord is come; Let earth receive her King(Duniya ki khushi, Prabhu aa gaye; Dharti ko apne Raaja ko praapt karne do)!”9
Ishu Masih upahaar mein diya gaya, aur kis keemat par! Sawal yeh hai, kya hum Unhe praapt karenge? Kya hum Unhe aane denge aur Unhe jeetne denge? Kaise?
Main gawahi deti hoon ki humaare Raja ko aur Unke upahaar praapt karne se sacchi khushiya aayegi—khushiya duniya ke liye aur khushiya duniya mein.
Unke Putr ke “Akathaneey upahar ke [liye] Parmeshwar ko dhanyevaad”10 Ishu Masih ke pavitr naam se, amen.