Dhanye Hai Shaanti-karane-waale
2021 First Presidency ke Bada Din Sabha
Sunday, December 5, 2021
Ek baar phir, hamare priye First Presidency ne hamein Bada Din ka utsav shuru karne ke liye ek saath aane ke liye aamantrit kiya hai. Jabki sabhi raashtron mein hamari paramparaen aur reeti-rivaaj alag-alag hain, hum sabhi ekjut hone ke liye aabhaari aur dhany hain—ek saath hamare Uddhaarkarta Ishu Masih ki bhakti karte huwe aur do hazaar saal pahale huwe Unke janm ka jashn manaate huwe.
Bassett ghar mein ek pasandeeda parampara hai, aap sab ke gharon me bhi hoga, ki hum nativity(Ishu ke janm) ki kahani ko phir se kar ke dekhaae. Hamare liye, Isaiah, Luke, Matthew, Nephi, aur Mormon ne jo likhaa ko padhna, Bada Din ke bhajanon ko gaana aur Mary, Joseph aur nanhe Ishu jaisa ban kar laiv naatak pesh karna, prerna se bhara dhaarmik raha hai—lekin hamesha nahi.
Uddaharan ke liye, ek Bada din kee Poorv sandhya par, hamare bachchon ki bhedon ka jhund rote hue bachchon ka ek chorus ban gaye. Unka zor zor se rona jald hi charavaahon aur swargduton aur yaha tak ki khud lipte hue nanhe shishu tak bhi phail gai. Agale saal, hamare paas koi bhed nahin tha. Kisi ne bhed ki bhumika nibhaane ki himmat nahin ki, is dar se ki, kisi tarah, bhedein hi us daraaone aur bhayanak rone ka kaaran the. Ek aur saal, charwaahe ke laathiyaan ladaai ke talwaar ki tarah istemaal hone lage, aur ek aur saal koi bhi Wise Man ya farishta nahi banna chahata tha, par zidh thi Halloween ki dinosaur aur dolphin ke libaas pehne. Lekin shaayad hamara sabse yaadgaar punarmilan tha jab bahut hi navjaat bachcha apne bahut unche aur bahut asthir charani se gir gaya, patthar ke choolhe ki or gir gaya, kewal pharsh se inch upar pakda gaya. Main us daiving pakad ka shrey loonga, haalaanki giraavat puri tarah se meri bhee galti thee.
Silent Night(Khaamosh raat)? All is calm(Sab shaant hai)? Hamare nativities ko behatar dhang se “Manger mein Bhaari Gadbadhi” kaha ja sakta hai. Mujhe yah swikaar karna chaahiye ki jaise-jaise Bada din aata hai, mai aksar sochta hoon ki shaayad hamein ek aise Bada din ki parampara ko aazmaana chahiye jo vaastav mein shaanti ko aamantrit karta hai?
Shaanti—vah madhur aur aashaapurn avastha jiski hum sabhi kaamna karte hain, na keval Bada din par balki hamesha. Haalaanki, aaj puri duniya mein, aisa lagta hai ki shaanti paana adhik kathin hota ja raha hai. Is varsh Doctrine and Covenants ka adhyayan karte samay, hamme ek revelation yaad aais jon hum log ke abhi ke din ke baare me raha:
“Aur us din … puraduniya mein halchal machega, aur manushyon ka mann unka saath chodh dega.”1
Aaj ki saansaarik halchal kee sthiti mein, itni badi shaanti kaha mil sakti hai jo puri duniya chahati hai?
President Russell M.Nelson ne kaha:
“Ishu Masih ka susmachaar hi woh zaroorat hai is pareshaan, jhagdaalu, aur thake huwe duniya ka.
“Parmeshwar ka har ek bachcha ke maoka mile ke chaahi Ishu Masih ke mukti la sandesh sune ke aur uske changaai ke apnaawe ke. Koi aur sandesh isse zyaada bahumulye nahi hai hum log ke khushiyaali ke liye—abhi aur hamesha.”2
Punahsthaapna ka sandesh Bada din ka hi sandesh hai. Taare ka prakaash jo charavaahon ko charnee mein bachche ki or nirdeshit karta tha, prakaash ke gol ke rakam hota hai jo dheere-dheere utarta hai Joseph par —donon Masih ka duniya me aane se pahale ka aelaan hai jo mahaan anand ki khushkhabri hai.
Isaiah ka sandesh hamare mushkil me pade duniya ke liye yahi hai, “Kyunki hamare liye ek shishu janma hai, hamare liye ek beta diya gaya hai: aur shaasan uske kaandhe par hoga: aur uska naam kehlaaega, Mahaan, Salaahkaar, Sarvashaktimaan Parmeshwar, anant Pita, Shaanti ka Raajkumaar.”3
Elder Quentin L. Cook ne sikhaya, “Hamare Prabhu aur Uddhaarkarta, Ishu Masih ke sabse pratishthit khitaabon mein se ek Shaanti ka Raajkumaar hai’ [Isaiah 9:6]. … Uska raajye shaanti aur prem sahit sthaapit hoga.”4
Jaisa ki hum is varsh Luke mein paae gaye shabdon ko padhte hain, mujhe aasha hai ki aap “Parmeshwar ki stuti karne waali swargiye sena ki bheed” ke shabdon par vichaar karenge, jab unhonne kaha, “Swarg mein Parmeshwar ki jay, aur yahan dharti pe uh admi log jisse uh khushi hei, uh sab ke shaanti mile.”5 Mainne in shabdon par vichaar kiya hai aur socha hai ki hamare liye yah ek ghoshna ke roop mein vichaar karna uchit ho sakta hai ki “prithvi par ab Shaanti hai.” “Shaanti aa gai hai!” unhonne shaayad chillaaya hoga. Kyunki, sachmuch, us shaam us vinamr charni mein, “Shaanti ka Raajkumaar” pithvee par aaya tha.
Us pahale Bada Din woh swargdoot hi the jisne yah ghoshna kiya tha ki shaanti aa gayi hai. Unse pahle Jacob ne ghoshna kiya tha, “Hum Masih ko jaante hai, aur uske aane ke kayi sao saal pehli hi uske mahima ki aasha rakhte hai; aur sirf hum hi nahi uske gaurav ki aasha nahi rakhte ha balki humse pehle jitna pawitr bhavishyevakta huwe hai woh sab bhi uske mahima ki aasha karte the.”6
Phir se, Isaiah ne hamare samay ke baare mein bhavishyevaani ki, jaisa ki usne likha, “Pahaadon par uske [ya unke] paanv kya hi suhaavane hain, jo shubh samaachaar deta hai, jo shaanti ka prachaar karta hai.”7
To, shaanti prakaashit karne vaale ye khoobsurat log kaun hain? Uddhaarkarta ne Galilee aur Bountiful donon mein apne shishyon ko ghoshit kiya ki “dhanye hain shaanti-karane-waale: kyunki weh Parmeshwar ke bachche kahalaenge.”8
Iske alaava, Raaja Benjamin ne sikhaya, “Aur ab, jo vachan tum ne baandhi hai, uske kaaran tum Masih ki santaan, aur uske bete, aur betiyaan kehlaaoge; kyunki dekho, us ne aaj ke din tum ko aatmik roop se utpanna kiya hai; kyunki tum kahate ho ki uske naam par vishwaas karne se tumhara mann badal gaya hai; is kaaran tum usse utpann hue aur uske bete-betiyaan hue.”9
Tum aur main, Ishu Masih ki vachan-badh bachche hain, aur pratiek Uske bachche hai. Yaad rakhein, unhonne ghoshna ki hai ki shaanti-karane-waalon ko Parmeshwar ke bachche kaha jaana chaahiye. Isliye, hum—Parmeshwar ki bachchon—ko shaanti-karane waala banna hai. Yah hamara vaachan ka kartavye hai. Aap aur main aaj ki ashaant duniya mein phark karte hain kyunki hum shaanti-karane-waala banane ka prayaas karte hai—hamare gharon mein, hamari mandaliyon mein, hamare samudaayon mein, yaha tak ki duniya bhar mein, hamari dayaluta se, hamare achche kaamon se, aur hamare shabdon se—aamne-saamne tatha virtually. Aaiye hum vishwaaspurvak “shaanti ko prakaashit karein” jaisa ki hum Uski gawahi dete hain, vachan aur karm mein.
Phir se Luke me hum padhte hain:
“Aur aisa hua ki jab swargdut uske paas se swarg mein chale gaye, tab charavaahon ne aapas mein kaha, aao ab hum Bethlehem ko chalen, aur yah baat jo honevaali hai, jise Prabhu ne pragat kiya hai use dekhen hum.
“Aur weh phurtee se aaye, aur Mary aur Joseph, aur shishu ko charni mein pada paaya.
“Uh long sabhi dur deshon tak batais uh baat jonchi bola ge raha ih bachcha ke baare me.”10
Isi tarah, “aao ab hum chalein” aur “videsh mein prachaar karein” shaanti ka sandesh “is bachche ke sambandh mein.” Yahi sandesh hamare missionary hamare priyejanon aur mitron ko sikhaate hain; yah vwah jiwit sandesh hai jise sewa mishanaree usi tarah saajha karte hain jaise weh Uddhaarkarta ke roop mein sewa karte hain. Yah vah sandesh hai jise hum ghoshit karte hain jab hum Ishu Masih ki khushakhabari mein mili aasha aur shaanti mein bhaag lene ke liye apne aas-paas ke logon ko pyaar karte hain, (saajha)share karte hain aur aamantrit karte hain.
Toh Bassett ki naitivity ke naatakein kee baat karein jo hum har Bada Din par avyavasthit tareeke se koshish karte hai—hum is parampara ko rakhne par jor kyun dete hain, apne bachchon aur pote-potiyon ko hamare liye sabhi raaton ki us khoobsurat raat ko phir se banaane ke liye protsaahit karte hain, jab swargadut bahut khushi ki khushkhabari lekar aaye the?
Uttar saral aur anandmay hai: “Hum Masih ke charcha karte, hum Masih me anandith hote, hum logon ke Masih ke vishay me updesh dete, hum Masih ke vishay me bhavishyevaani karte hai, aur hum apan bhavishyevaani ke anusaar likhte hai ki hum log ke santaan ih jaane sake ki veh apan paapo ke chama ke liye kahan dekhe.”11
Haa, hum dekhte hain ki saaree prithvi par halchal machee huwi hai aur manushye ke hriday unhein thes pahunchaate hain. Haalaanki, chunautiyon ke bauvjood, virodh ka saamana karte hue, aur hangaame ke beech, aaiye hum is mausam mein aur hamesha shaanti prakaashit karne mein lage rahein, kyunki hum apne aap ko aur apne chaaron or Shaanti ke Raajkumaar ki mahaan vaapasee liye taeyaar karte hain, yaha tak ki Prabhu bhi, Uddhaarkarta, aur Muktidaata, Ishu Masih. President Nelson ke shabdon ko dohraate huwe, “Parmeshwar ka har ek bachcha ke maoka mile ke chaahi Ishu Masih ke mukti la sandesh sune ke aur uske changaai ke apnaawe ke.”
Hum shaanti ke prakaashak banen kyunki hum is Bada Din ke mausam mein apane Uddhaarkarta ke janm, jiwan aur mishan ka jashn manaate hain aur hamesha Ishu Masih ke naam par meri prarthana hai, amen.