Butoleka Vakayalo
Na Kaukauwa i Jisu Karisito kei na iVunau Dina vakatakei Elder Neil L. Andersen
Sigatabu, 11 ni June, 2023
Na iDola na iTukutuku
Taciqu kei na ganequ, ni bula vinaka. Vei kemuni na daunivuli vakalotu o ni soqoni e veiyasai vuravura, au via vakaraitaka na noqu vakavinavinaka levu ena ivakarau ni nomuni veituberi kei na veiqaravi vei ira na noda gonevuli. E dina sara, ni tiko ena loma ni nomuni veiqaravi na iliuliu mai murini lotu. Niu gole vakacakacaka ena veikalasi ni seminari, inisitute kei na univesiti ena veiyasai vuravura, au vakauqeti ena nodra qaravi na gonevuli kei na nodra vakatudeitaki vei Jisu Karisito. Na nona imatai ni vosa o Meri Makitalena vua na iVakabula sa tucaketale, digia o koya me vakayagataka na “Rabboni.”1 Eda qai wilika ni kena ibalebale na “Vakavuvuli,” ia na kena vakadewataki vaka Kiriki na “Qasenivuli.” E veikacivi bibi eda cuqena vata vaka daunivuli mera dusimaki kina na gonevuli vua na Daunivakavuvuli Levu, o Jisu Karisito.
Ni oti na noqu vosa, eda na vakasalataki mai vua na iApositolo ni Turaga o Jisu Karisito ena ivalavala ni veivakavulici dina ena gauna oqo ni tubu cake tiko na draki ni veilecayaki kei na veivakaisini. Au a lako curuma waletiko ga oqo edua na ka e vakalevutaka na noqu kilaka ni ibolebole oqo. Au a lesi kei Peresitedi Henry B. Eyring e BYU-Hawaii, a qai taroga kina e dua na gonevuli me baleta na nona vosa o Peresitedi Nelson: “Ia ena veisiga ka lako mai, ena sega ni rawa na bula tiko vakayalo ke sega na cakacaka veituberi, veidusimaki, ka veivakacegui ni Yalo Tabu.”2 Taroga na gonevuli na kena irevurevu vei ira na itabagone qasecake. Au vakamacalataka na iwalewale ni Yalo me vukea nodra idigidigi—digidigi bibi ni bula me baleta na veika mera vulica, ocei mera vakamautaka, kei na vanua mera bula ka cakacaka kina.
A qai sauma o Peresitedi Eyring ena dua na veivakadeitaki ni nona vosa o Peresitedi Nelson ena nona vakamacalataka na iwalewale ni “bula tiko vakayalo.” E dusia o koya ni na bula tiko vakayalo e lako sivita na digidigi ni bula au wasea taumada. E vakamacalataka o koya ni noda itabagone kei na itabagone qasecake era bula tiko ena dua na gauna e vunitaka vakavuku na dina na vunica ni kevaka e yali na Yalo Tabu—na dredre vakalevu sara—na nomu veidutaitaka na vinaka mai na ca, na dina mai na lasu. Na bula tiko vakayalo sa yaco me noda siqema tiko na dina.
Bogi nikua, au niutaka ni da na railesuva na iwalewale ni nodra vulica na gonevuli mera siqema na dina. Au niutaka talega ni da na raica vata na madigi ni vakavulici na dina me makare ka matata. Au nanamaki ena vuli mai vei Elder Anderson, kau vakadinadinataka vei kemuni ni gauna eda vaka ikelekele kina ena ivakavuvuli i Jisu Karisito ka vakanamata ena ivunau dina, eda na tauyavutaka e dua na ivakaraitaki vei ira na gonevuli me ra raica ka siqema na dina, sega walega ena loma ni kalasi, ia ena nodra bula taucoko. Au cavuta na veika oqo ena yaca i Jisu Karisito, emeni.
iVakamacala taumada me baleti Elder Neil L. Andersen
Sa noqu madigi oqo meu vakamacalataki Elder Neil L. Andersen. E vuqa sara na veika au rawa ni wasea baleti Elder Anderson— na veika e rawata vaka vuli kei na cakacaka vakabisinisi, na nona vuvale totoka kei na veiqaravi vakasakiti ena Lotu, oka kina na nona ’ kacivi vaka liuliu ni buturara ni kaulotu e France Bordeaux. E rawa ni vosataka o Elder Anderson na vosa vaka Varanise, Potukali kei na Sipeni ka bula voli e veiyasai vuravura. Eda kalougata na tiko na bogi edai, ni vosa talega vaka valagi o koya. E bula mai e veiyasai vuravura ka kila na Lotu ena veivanua cava ga e veivakavulici ka veilaveti kina vei ira noda gonevuli.
Ia, niu vakasamataki Elder Anderson, e rua na nona ivakarau au niutaka ni o ni na dau nanuma. iMatai,o Elder Anderson e dau sarava, muria ka taqomaka na parofita ni Kalou. Au dau raica ni oti na koniferedi raraba e dau tabaka ka vulica vakagumatua na vosa ni parofita ka dau itiki ni veika e vakavulica. Au sa vakadinadinataka na nona dau vakarabailevu taka o Elder Anderson na nona ivakavuvuli o Peresitedi Nelson meda dautataro; bula kilikili, itubutubu dauvakavakarau; kei na taraicake ni noda yavu vei Jisu Karisito. iKarua, o Elder Anderson e ivakadinadina talei i Jisu Karisito. E dua na itututabu tabu vaka liuliu e sa kacivi kina. Ena dua na itavi keitou gole kina Elder kei Sister Anderson ki na Air Force Academy e Colorado, au sarava na nona vakavulica ka vakadinadinataki Jisu Karisito vei ira na mataivalu gone era mai rogoci koya. Na noqu saravi koya tiko na bogi oya, au vakila e dua na veivakadeitaki titobu ni au tiko kei dua e ivakadinadina talei i Jisu Karisito.
Au niutaka ni o na taura na madigi oqo mo vakarorogo vua na iApositolo ni Turaga e dua e muria na parofita me ivakadinadina ni iVakabula, o Jisu Karisito. Elder Nelson, keimami sa nanamaki tiko ena nomuni ivakasala.