Palesiteni Russell M. Nelson – Ngaahi Liliu ki he Naunau Fakalēsoni ʻa e Seminelí mo e ʻInisititiutí
“ʻE kamata ʻi he 2020 ʻa e liliu e ngaahi kalasi ʻa e Seminelí ki ha polokalama ako fakataʻu. ʻE ako ʻe he ngaahi kalasí ʻa e tohi folofola tatau ʻoku fakaʻaongaʻi ki he naunau fakalēsoni ʻa e Haʻu, ʻo Muimui ʻIate Aú. ʻI hono fakahoko ʻa e liliu ko ʻení, ʻe fakalahi ai ʻa e fakatefito ʻi ʻapí, tokoni ʻi hono poupouʻi ʻe he Siasí ʻa e ako ʻo e ongoongoleleí ʻo fakafou ʻi ha ako fakataha ʻi ʻapi, Lautohi Faka-Sāpaté, pea ʻi he seminelí.
“ʻI hoʻo fakakaukau ki he liliu ko ʻení, ʻoku ou fakaafeʻi koe ke ke fakalaulauloto ki ho kahaʻú. Ko e lahi ange ko ia ʻa e meʻa te ke malava ʻi he māmaní ʻi ha toe toʻu tangata kimuʻá, ʻoku fakafalala kakato ia ki he tuʻunga hoʻo mateaki ki he ʻEiki ko Sīsū Kalaisí. ʻOku mou takitaha fatongia ʻaki ke tokoni ki hono akoʻi ʻo ʻEne ongoongoleleí ʻi homou ʻapí kiate kinautolu ʻoku mou nofó. ʻE tokoni atu ʻa e Seminelí mo e ʻInisititiutí ke liliu ho ʻapí ke hoko ko ha hūfangaʻanga malu ʻo e tuí—ko ha feituʻu ʻoku akoʻi, ako, moʻui ʻaki, mo ʻofa ʻi he ongoongolelei ʻo Sīsū Kalaisí.”