“Meac Leum El Oraclah nuh Sesr?,” Nuh ke Kuhiyacn Mwet Fuhsr Mei 2021.
Tuhkweni luhn Pristut
Meac Leum El Oraclah nuh Sesr?
Pohloh kahs
Meac Jisus El oraclah nuh sesr kais sie? El oraclah ma nuhkwewa ma yohk srihpac nuh ke fuhfahsryucsr lasr ke moul suhkawihl nuh ke finsrak ma ahkoeyucklac ke plwacn luhn Pahpah tuhmasr Inkuhsrao. Ngac sramsramkihn atacn mwe luti ahkosr ke plwacn sacn. …
Sifil Moulyak uh use nuh sesr ngwetngwet se ac kuhiyac in muhtwacnglah ma upac ke moul suhkawihl kuht kais sie sun ac elos suc kuht luhngse. Use nuh sesr atac sasuc se in liye ma elyah ke mahno, nuhnak, kuh puhla oasr sesr ke kuht tuh isuslac ah kuh eis ke na moul se kuht oasr kac inge. Use nuh sesr kuh se in muhtwacnglah ahsor, tahfonglac, ac fohsack.
Sifil Moulyak uh use molo na fokoko se in liyacacng masap luhn God ke moul in mahno lasr uh. …
Mwet Lahngo ac Mwet in Molwelah lasr muhtwacnglah kweok upac in kahlwem kac se in tuhkuh oacna sie kihsac nuh ke ma koluk luhn mwet uh suc fah auliyak. Kihsac in iwaclah se inge sang wolacna yohk, lahm nwacsnwacs wacngihn ma koluk la, nuh ke luhpah yohk luhn ma koluk, ma koluk ke facluh se nohfohn. …
… Jisus El luti kuht plwacn in Molwelah. Plwacn se inge oasr kac Oreklac luhn ma nuhkwewa, srihpac luhn moul, ma yohk srihpac luhn ma siena, ac mwe sang luhn sukohsohk in sulaclah. El oacyacpac luti kuht ke masap ac olwelah muhtahl kuht enenuh in ahkos ac akwuck ma kuht moulkihn in us kuht fohlohk nuh yurin ninac ac pahpah inkuhsrao. …
Mwet Lahngo El puhlakihn ac etuh mwe sruhf lasr, mwe tihkuclkucl lasr, ma ahkngalye insiacsr, ac kweok lasr, tuh El kena sun ma inge nuhkwewa pa ipin Iwaclah Lal. … Elos nuhkwewa ma kweok ke kain in ma koluk ke moul se inge fah esam lah Mwet Lahngo lasr El tuh moulkihn kain waek ngal se pacna inge, ac lah ke srihpen Iwaclah Lal, El use nuh sesr kais sie kuh in orekmakihn.