“Nga Luhngse Liye Tempuhl,” Nuh ke Kuh luhn Mwet Fuhsr, Mei 2021
Tuhkweni ke Lututacng in Sactte
Nga Luhngse Liye Tempuhl
Pohloh sramsram
Nga etuh tuh tempuhl luhn Leum pa acn muhtahl. Srihpuck mihsenge in sramsram ke tempuhl pa in ahkyohkye kena lowos ac kena luhk in fahsr fal ac ahkolah nuh ke orekma luhn tempuhl yohk ma ac tuhkuh nuh sesr. …
Fin kowos kuh nga som nuh lohm tempuhl tiac nwacsnwacs, kuht ac tiac kuh in liye, ke kuh luhn Nguhn Muhtahl, mwe luti ke ma luhn nguhn luhn Mwet Lahngo ma kuht eis ke lohm tempuhl.
Ke kuht nwacsnwacs in eis kain lutlut inge, ac yohkwelihk nuh ke orekma luhn tempuhl lasr finsrak, engan, ac mihslac nuh ke moul lasr nohfohn. Finsrak, engan, ac mihslac inge oasr nuh ke akwuck luhn tempuhl muhtahl muhkwena. Lun tempuhl kuht kuh in eis ahkkweyeyuck muh kuhpahsr luhn sucu luhngse lasr ac som tukun kuht misac ac nwe tohk ma pahtpaht. …
… Ac kuht etuh tuh engan ma pahtpaht lasr wiwina oaru lasr in sang kuh in engan inge nuh sin mwet kuht luhngse nuhkwewa.
Nga puhla luhngse sepacna ingacn in suli mwet ke sucu luhk in ahksuwosye sifacna in eis ac karihngihn akwuck luhn sil luhn tempuhl uh. Pa inge ip ke fahsrweni luhn Israel uliyuck ke lwen sahflah inge nuh sin mwet moul ac misac.