“Modɔ dɛ Muhu Temple,” Ma Mbabun Enya Ahoɔdzen Esusɔw Aketseaba 2021.
Memenda Anapa Nhyiamu
Modɔ dɛ Muhu Temple
Woetwa no esinesin
Minyim dɛ Ewuradze ne temple horow no yɛ krɔnkrɔn mbea. Mo botae ndɛ a merekasa fa temple ho no nye dɛ mebɛpegya hom pɛ na medze ama yɛaafata na yɛaayɛ krado ama akwan horow pii a yɛdze benya temple sũahu a ɔrebɛba ama hɛn no. …
Sɛ emi anaa ɔwo yɛkɔ temple a hɛnho nntsew yie a, yennkotum edua Sunsum Krɔnkrɔn no do, ehu sunsum mu nkyerɛkyerɛ a ɔfa Jesus Christ ho a yebotum enya wɔ temple mu no.
Ber a yɛfata dɛ yɛbɛgye nkyerɛkyerɛ a ɔtse dɛm no, enyidado, enyigye, na daakye yieyɛ ho gyedzi bodua hɛn temple sũahu mu enyin wɔ hɛn abrabɔ nyina mu. Dɛm enyidado, enyigye, na daakye yieyɛ ho gyedzi no, nsa kã nko, ber a egye ayɛdze a wɔyɛ no wɔ temple krɔnkrɔn no to mu. Temple mu na yebotum enya taduasi wɔ ebusua nhyehyɛɛ ɔdɔ mu a ɔbɔtoa do owu ekyir na oetsim daapem. …
… Na yenyim dɛ hɛn onnyiewiei enyigye gyina yɛbɔbɔ hɛn mbɔdzen kɛse dze dɛm enyigye a otsim daapem noara ama hɛn ebusuafo dodow a yebotum.
Menya dɛm pɛ noara dɛ mubotum ato nsa afrɛ ebusuafo atseasefo dɛ wobenya pɛ dɛ wɔbɛfata dɛ wɔbɛgye temple nsɔwano ayɛdze no na woedzi no nyi. Ɔno kã nda a odzi ewiei Israel mboano anohoba no a ɔwɔ ntwamutam n’afã ebien nyina ho.