Bulanan nga Mensahe sa Liahona, Mayo 2023
Ang mga Pinanudlo ni Jesucristo
Mga Bahin
Sa gintudlo ni propetang Nefi sa aton, dapat nga “magpaayaw [kita] sa mga pulong ni Cristo; kay yari karon, ang mga pulong ni Cristo magasugid sa [aton] sang tanan nga mga butang nga inyo dapat himuon.”1 … Ang mensahe ko karon nagaunod sang pinili nga mga pulong sang aton Manluluwas—kon ano ang Iya ginhambal. …
“[Ang dako nga sugo amo ini:] “Higugmaa ang Ginuo nga imo Dios sa bug-os mong tagipusuon, kag sa bug-os mong kalag, kag sa bug-os mong hunahuna.
“Ini amo ang dako kag nahaunang sugo.
“Kag ang ikaduha kaangay sa sini, Higugmaa ang imo isigkatawo subong sa imo kaugalingon.
“Sa sining duha ka sugo natingob ang bug-os nga kasuguan kag ang mga manalagna.”2 …
“Sa pagkamatuod, sa pagkamatuod, ginasiling ko sa inyo, kinahanglan gid kamo nga mag-aligmat kag magpangamuyo sing dalayon, kay basi sulayon kamo sang yawa, kag maganoy kamo palayo nga bihag niya.”3 …
“Gani, kon ano man ang inyo himuon, inyo ini himuon sa akon ngalan; gani tawagon ninyo ang simbahan sa akon ngalan.”4 …
“Karon ini ang kasuguan: Maghinulsol, tanan kamong yara sa mga ukbong sang duta, kag magkari sa akon kag magpabunyag sa akon ngalan, agud kamo mapakabalaan paagi sa pagbaton sang Balaan nga Espiritu, agud makatindog kamo nga wala’y musing sa akon atubang sa katapusan nga adlaw.”5 …
Nagapati kita kay Cristo. Magatakop ako sa Iya ginhambal kon paano naton dapat hibaluon kag sundon ang Iya mga pinanudlo:
“Apang ang Mananabang, ang Espiritu Santo, nga ipadala sang Amay sa akon ngalan, magatudlo sia sa inyo sang tanan nga butang, kag magapahanumdum sa inyo sang tanan nga akon ginsiling sa inyo.”6
© 2023 by Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Liahona Message, May 2023. Language. 19025 861