Bulanan nga Mensahe sa Liahona, Mayo 2023
Mga Ginharian sang Himaya
Mga Bahin
Madagascar
Ang ginpahayag nga doktrina sang ginpanumbalik nga Simbahan ni Jesucristo sang mga Santos sa Ulihing mga Adlaw nagatudlo nga ang tanan nga anak sang Dios—luwas sa pila lang gid—sa ulihi magapanubli sang ginharian sang himaya nga ang pinakanubo “labaw [gihapon] sa tanan nga paghangop.”[Doktrina kag mga Kasugtanan 76:89]. …
Isa pa ka pinasahi nga doktrina kag gawi sang ginpanumbalik nga Simbahan amo ang ginpahayag nga mga kasugoan kag kasugtanan nga nagatanyag sa tanan nga mga anak sang Dios sang pribelihiyo nga malab-ot ang pinakamataas nga himaya sa selestiyal nga ginharian. Ang pinakamataas nga destinasyon—ang pangkahitaasan sa selestiyal nga ginharian—amo ang ginatutokan sang Simbahan ni Jesucristo sang mga Santos sa Ulihing mga Adlaw. …
… sa “selestiyal” nga himaya may tatlo ka lebel, ang pinakamataas amo ang pagkahitaas sa selestiyal nga ginharian. …
Ang plano sang Dios, nga nabase sa wala katapusan nga kamatuoran, nagapangayo nga ang pangkahitaasan malab-ot lamang paagi sa katampad sa mga kasugtanan sang wala katapusan nga pag-asawahay sang lalaki kag babayi sa templo, nga sa ulihi matigayon sang tanan nga tampad. …
Ang Katapusan nga Paghukom indi lamang isa ka pagtakos sang kabug-osan sang maayo kag malain nga mga binuhatan—kon ano ang aton ginhimo. Nabase ini sa katapusan nga resulta sang aton binuhatan kag panghunahuna—kon nangin ano kita. Mangin kwalipikado kita sa kabuhi nga wala katapusan paagi sa proseso sang pagbag-o. …
Tungod kay Jesucristo kag sa Iya Pagbayad-Sala, kon makasala kita sa sining kabuhi, makahinulsol kita kag makabalik sa dalan sang kasugtanan pabalik sa ginahandum sang aton Amay nga Langitnon para sa aton.
© 2023 by Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Liahona Message, November 2023. Language. 19050 861