UMyalezo weNyanga weLiyahona, uCanzibe 2024

Vuya kwiSipho seZitshixo zoBubingeleli

NguMongameli Russell M. Nelson

UMongameli weBandla likaYesu Krestu labaNgcwele beMihla yokuGqibela

URussell M. Nelson

Izitshixo zobubingeleli zilawula indlela ububingeleli bukaThixo obunokuthi busetyenziswe ngayo ukuzisa iinjongo zeNkosi kwaye kusikelele bonke abamkela ivangeli ebuyisiweyo.

Bazalwane noodade bam abathandekayo, namhlanje lusuku lwembali kuMongameli uDallin H. Oaks nam. Kwakuyiminyaka engama-40 eyadlulayo, ngoTshazimpunzi 7, 1984, xa sasixhaswa kwiQumrhu labaPostile Abalishumi Elinesibini. Siye savuya kwikomfa yajikelele nganye ukusukela ngoko, kuquka nale. Siye kwakhona sasikelelwa ngokuthululwa okungcwalisekileyo koMoya. Ndiyathemba ukuba uya kufunda ngokuphindaphindiweyo imiyalezo yale nkomfa kwiinyanga ezizayo.

Part of a worldwide series of photographs taken in connection with General Conference. April 6 - 7, 2024. Pictures were taken in England.

E-United Kingdom

Xa mna ndandizalwa, kwakukho iitempile ezintandathu ezisebenzayo eCaweni—nganye ise eSt. eGeorge, eLogan, eManti, naseSalt Lake City, eUtah; kwanaseCardston, eAlberta, eKhanada; kunye noLaie, eHawaii. Iitempile ezimbini zangaphambili zasebenza kancinci eKirtland, eOhio, naseNauvoo, eIllinois. Njengokuba umzimba weBandla wawusiya ngasentshona, abaNgcwele banyanzeleka ukuba bazishiye ezo tempile zimbini ngasemva.

ITempile yaseNauvoo yatshatyalaliswa ngumlilo womtshisi. Yakhiwa ngokutsha yaze emva koko yanikezelwa nguMongameli Gordon B. Hinckley. ITempile yaseKirtland yangcoliswa ziintshaba zeBandla Ethubeni iTempile yaseKirtland yafunyanwa nguMbutho kaKrestu, ebingumniniyo iminyaka emininzi.

Kwinyanga ephelileyo sazise ukuba iBandla likaYesu Krestu labaNgcwele beMihla yokuGqibela lithengile iTempile yaseKirtland, kunye neziza zembali ezibalulekileyo eNauvoo. Siyazibulela kakhulu iingxoxo zobubele macala neziluncedo esibe nazo neenkokeli ezivela kuMbutho kaKrestu ezikhokelele kwesi sivumelwano.

ITempile yaseKirtland

ITempile yaseKirtland

ITempile yaseKirtland inokubaluleka okungaqhelekanga kuBuyiselo lwevangeli kaYesu Krestu. Iziganeko ezininzi ezenzeka apho zaziprofetwe kangangamawaka eminyaka kwaye zazibalulekile kwiBandla leNkosi elibuyisiweyo ukuba lizalisekise umsebenzi walo wemihla yokugqibela.

Ezona ziganeko zibalulekileyo zenzeka ngeCawa yePasika, ngoTshazimpuzi 3, 1836. Ngaloo mini, uJoseph Smith kunye no-Oliver Cowdery bafumana uthotho lotyelelo oluphawulekayo. Okokuqala, iNkosi uYesu Krestu yabonakala. UMprofeti wabhala ukuba awoMsindisi “amehlo ayo ayenjengedangatye lomlilo; iinwele zentloko yayo zazinjengekhephu elisulungekileyo; imbonakalo yayo iqaqambe ngaphezu kokuqaqamba kwelanga; nelizwi layo lalinjengesandi samanzi amaninzi, nkqu ilizwi likaYehova, lisithi.”

Ngethuba lolu tyelelo, iNkosi yaqinisekisa ubuni baYo. Uthe Yena “Ndisisiqalo nesiphelo; ndinguye lowo uphilayo, ndinguye lowo wabulawayo; ndingumthetheleli wenu kunye noBawo.”

Wandula ke uYesu Krestu wavakalisa ukuba uyamkele itempile njengendlu yaKhe waza wenza esi sithembiso simangalisayo: “Ndiya kuzibonakalalisa ebantwini bam ngenceba kule ndlu.”

Esi sithembiso sibalulekileyo sisebenza kuyo yonke itempile enikezelweyo namhlanje. Ndiyakumema ukuba ucinge ukuba isithembiso seNkosi sithetha ntoni kuwe buqu.

Emva kotyelelo loMsindisi, uMoses wabonakala. UMoses wanika uJoseph Smith izitshixo zokuhlanganiswa kukaSirayeli nokubuya kwezizwe ezilishumi.

Xa lo mbono uvaliweyo, “uEliya wabonakala, waza wanikela ixesha leendaba ezilungileyo zika-Abraham” kuJoseph.

Emvava koko umprofeti uEliya wabonakala. Ukubonakala kwaKhe kwazaliseka isithembiso sikaMalaki sokuba phambi kokuBuya kweSibini, iNkosi yayiza kuthumela u-Eliya ukuba “abuyisele iintliziyo zooyise kubantwana, neentliziyo zabantwana kooyise.” U-Eliya wanika uJoseph Smith izitshixo zamandla okutywina

Part of a worldwide series of photographs taken in connection with General Conference. April 6 - 7, 2024. Pictures were taken on Temple Square.

TempleSquare

Ukubaluleka kwezi zitshixo zibuyiselwe emhlabeni zizithunywa ezintathu zasezulwini phantsi kolwalathiso lweNkosi akunakubaxwa. Izitshixo zoBubingeleli zenza igunya namandla obongameli. Izitshixo zobubingeleli zilawula indlela ububingeleli bukaThixo obunokuthi busetyenziswe ngayo ukuzisa iinjongo zeNkosi kwaye kusikelele bonke abamkela ivangeli ebuyisiweyo.

Kubalulekile ukuqaphela ukuba phambi kokulungelelaniswa kweBandla, izithunywa zasezulwini zazinikele uBubingeleli buka-Aron nobukaMelkitsedeke phezu koMprofeti uJoseph kwaye zazimnike izitshixo zabo zombubini ububingeleli. Ezi zitshixo zanika uJoseph Smith igunya lokulungelelanisa iBandla ngowe-1830.

Emva koko kwiTempile yaseKirtland ngowe-1836, ukunikezelwa kwezi zitshixo zithathu zongezelelekileyo zobubingeleli—ezizezi, izitshixo zokuhlanganiswa kukaSirayeli, izitshixo zevangeli ka-Abraham, nezitshixo zamandla okutywina—zazibalulekile. Ezi zitshixo zagunyazisa uJoseph Smith—nabo bonke aBongameli abalandelayo beBandla leNkosi—ukuhlanganisa uSirayeli kumacala omabini okhuselo, ukusikelela bonke abantwana bomnqophiso ngeentsikelelo zika-Abraham, ukubeka itywina eliqinisekisayo kwimimiselo neminqophiso yobubingeleli, nokutywina iintsapho ngonaphakade. Amandla ezi zitshixo zobubingeleli awanasiphelo kwaye ayathabathekisa.

Cinga ukuba ubomi bakho bakho bebungahluka njani ukuba izitshixo zobubingeleli bezingabuyiselwanga emhlabeni. Ngaphandle kwezitshixo zobubingeleli, awunakunikwa amandla kaThixo. Ngaphandle kwezitshixo zobubingeleli, iBandla lingasebenza kuphela njengemfundiso ebalulekileyo kunye nombutho wobuntu kodwa hayi ngakumbi. Ngaphandle kwezitshixo zobubingeleli, akukho namnye kuthi onokufikelela kwimimiselo ebalulekileyo kunye neminqophiso esibophelelayo kwabo sibathandayo ngonaphakade kwaye isivumele ekugqibeleni ukuba siphile noThixo.

Izitshixo zobubingeleli zahlula iBandla likaYesu Krestu labaNgcwele beMihla yokuGqibela kuwo nawuphi na omnye umbutho emhlabeni. Eminye imibutho emininzi inokwenza kwaye yenze ubomi bakho bubengcono apha kobu bomi. Eminye imibutho emininzi inokwenza kwaye yenze ubomi bakho bubengcono apha kobubomi.

Izitshixo zobubingeleli zisinika igunya lokwandisa zonke iintsikelelo ezithenjisiweyo kuAbraham kubo bonke abagcini bomnqophiso indoda nomfazi. Umsebenzi wetempile wenza ezi ntsikelelo zintle zifumaneke kubo bonke abantwana bakaThixo, kungakhathaliseki ukuba bahlala phi okanye nini bebephila okanye ngoku bayaphila. Masivuye ukuba izitshixo zobubingeleli zikho kwakhona emhlabeni!

Part of a worldwide series of photographs taken in connection with General Conference. April 6 - 7, 2024. Pictures were taken in Kenya .

EKenya

Ndiyakumema ukuba uqwalasele ngenyameko ezi nkcazo zintathu zilandelayo:

1. Ukuhlanganiswa kukaSirayeli kububungqina bokuba uThixo uthanda bonke abantwana baKhe kuyo yonke indawo.

2. Ivangeli ka-Abraham ibubungqina obuphambili bokuba uThixo uthanda bonke abantwana baKhe kuyo yonke indawo. UThixo umema bonke ukuba baze kuYe, “omnyama nomhlophe, umthinjwa kwanokhululekileyo, indoda nomfazi.” … bonke bayafana kuThixo.”

3. Amandla okutywina bubungqina obungaphaya bendlela uThixo abathanda ngayo bonke abantwana baKhe kwaye ufuna ukuba ngamnye wabo akhethe ukubuyela ekhaya kuYe.

Izitshixo zobubingeleli ezibuyiselwe ngoMprofeti uJoseph Smith zenza kwenzeke kuyo yonke indoda nomfazi ogcina iminqophiso bonwabele amalungelo obuqu okomoya amangalisayo. Apha kwakhona, kuninzi esinokukufunda kwimbali engcwele yeTempile yaseKirtland.

Umthandazo kaJoseph Smith wokungcwalisa iTempile yaseKirtland sisifundo esimalunga nokuba itempile ikugunyazisa njani wena kunye nam ngokwasemoyeni ukuba udibane nemingeni yobomi kule mihla yokugqibela. Ndiyanikhuthaza ukuba nifunde lo mthandazo, ubhalwe kuyo IMfundiso neMinqophiso 109. Loo mthandazo wonikezelo, wona owafunyanwa ngesityhilelo, ufundisa ukuba itempile “yindlu yomthandazo, yindlu yokuzila ukudla, yindlu yokholo, yindlu yemfundiso, yindlu yozuko, yindlu yocwangco, yindlu kaThixo.”

Olu luhlu lweempawu lungaphezulu ngakumbi nje ekuchazeni itempile. Sisithembiso esimayelana noko kuya kwehlela abo banceda nabanqula endlwini yeNkosi. Bona banokulindela ukufumana iimpendulo zomthandazo, isityhilelo sobuqu, ukholo olukhulu, ukomelela, intuthuzelo, ulwazi olwandisiweyo, namandla andayo.

Ixesha etempileni liyakunceda ukuba ucinge selestiyali kwaye ufumane umbono wokuba ungubani na ngenene, unokuba ngubani, kwaye nohlobo lobomi onokuthi ube nalo ngonaphakade. Unqulo lwetempile rhoqo luya kuyikhulisa indlela ozibona ngayo nendlela olunga ngayo kwicebo likaThixo elimangalisayo. Ndiyakuthembisa oko.

Sikwathenjisiwe ukuba etempileni “sinokwamkela ukuzaliseka koMoya oyiNgcwele.” Khawubenomfanekiso ukuba sithetha ukuthini eso sithembiso ngokuphathelele ukuba amazulu avuleleke kumntu ngamnye oyifuna ngokunyanisekileyo inyaniso engunaphakade.

Siyalelwa ukuba bonke abo banqula etempileni baya kuba namandla kaThixo neengelosi “ezilawula phezu kwabo.” Kukwandisa kangakanani ukuzithemba kwakho ukwazi ukuba, njengomfazi ophiweyo okanye indoda exhobe ngamandla kaThixo, akuyomfuneko ukuba ujongane nobomi uwedwa? Kukunika siphi isibindi ukwazi ukuba iingelosi ziya kukunceda ngokwenene?

Okokugqibela, sithenjiswa ukuba “akukho mdibaniso wobubi” oya koyisa abo banqula endlwini yeNkosi.

Part of a worldwide series of photographs taken in connection with General Conference. April 6 - 7, 2024. Pictures were taken in Ecuador.

eEcuador

Ukuqonda amalungelo okomoya enziwa ukuba abekho etempileni kubalulekile kumntu ngamnye wethu namhlanje.

Bazalwane noodade bam abathandekayo, nasi isithembiso sam. Akukho nto iya kukunceda ngakumbi ukuba ubambelele kwintonga yesinyithi kunokunqula etempileni rhoqo kangangoko iimeko zakho zikuvumela. Akukho nto iyaku khusela ngakumbi njengokuba udibana neenkungu zobumnyama zehlabathi. Akukho nto iyakomeleza ubungqina bakho beNkosi uYesu Krestu neNtlawulelo yaKhe okanye ikuncede uqonde icebo elimangalisayo likaThixo ngakumbi. Akukho nto iya kuwuthomalalisa umoya wakho ngakumbi ngamaxesha entlungu. Akukho nto iya kuvula amazulu ngakumbi. Akukho nto!

Itempile li sango eliya kwezona ntsikelelo zinkulu uThixo azigcinele ngamnye wethu, kuba itempile kuphela kwendawo emhlabeni apho sinokufumana zonke iintsikelelo ezithenjiswe kuAbraham. Yiyo loo nto sisenza konke okusemandleni ethu, phantsi kolawulo lweNkosi, ukwenza iintsikelelo zetempile zifikeleleke ngakumbi kumalungu eBandla. Ngoko ke, siyavuya ukwazisa ukuba siceba ukwakha itempile entsha kwindawo nganye kwezi ndawoziyi-15 zilandelayo

• Uturoa, eFrench Polynesia

• Chihuahua, eMexico

• Florianópolis, eBrazil

• Rosario, e-Argentina

• Edinburgh, eScotland

• Brisbane, e-Australia south area

• Victoria, eBritish Columbia

• Yuma, eArizona

• Houston, eTexas south area

• Des Moines, eIowa

• Cincinnati, e-Ohio

• Honolulu, e-Hawaii

• West Jordan, e-Utah

• Lihayi e-Utah

• Maracaibo, eVenezuela

Bazalwane noodade bam abathandekayo, ndiyangqina ukuba eli liBandla likaYesu Krestu labaNgcwele beMihla yokuGqibela. Yena umi kwintloko yalo. Thina singabafundi baKhe.

Masivuye kubuyiselo lwezitshixo zobubingeleli, nto leyo eyenza ukuba kwenzeke ukuba wena kwaye nam sonwabele zonke iintsikelelo zomoya esizimisele nesifanele ukuzifumana. Ndiyangqina ngokunjalo egameni elingcwele likaYesu Krestu, amen.

© 2024 by Intellectual Reserve, Inc. All rights reserved. Ishicilelwe eMelika. Imvume yesiNgesi: 6/19. Imvume yenguqulelo: 6/19. Inguqulelo yo Monthly Liahona Message, May 2024. Xhosa. 19285

Amanqaku

1. Ndavala isithuba kwiQumrhu labaLishumi elineSibini esasishiywe kweyoMqungu 11, 1983, ukusweleka kukaMdala uLeGrand Richards. Umdala Oaks wagcwalisa oko kwakushiywe kukufa kuka-Mark E. Petersen kweyoMqungu 11, 1984.

2. 09 EyoMsintsi, 1924.

3. Unikezelo lweTempile eyakhiwe ngokutsha yaseNauvoo Illinois nguMongameli Gordon B. Hinckley kwenzeka kweyeSilimela 27, 2002, isikhumbuzo seminyaka eli-158 yokufela ukholo lukaJoseph noHyrum Smith.

4. Kanye kwiveki enye emva kokuba uMprofeti uJoseph Smith enikezele iTempile yaseKirtland.

5. IMfundiso neMinqophiso110:3.

6. IMfundiso neMinqophiso 110:4.

7. Iimfundiso NeMinqophiso 110:7.

8. Bona IMfundiso neMinqophiso 110:11.

9. IMfundiso neMinqophiso 110:12. Oku yayikukuqhubekeka kwesithembiso iNkosi eyaasenza kuAbraham kumawaka eminyaka ngaphambili (bona Genesis 18:18; 1 Nifayi 15:18).

10. Bona Malaki 4:5–6.

11. Bona IMfundiso neMinqophiso 110:13–16.

12. Bona IMfundiso neMinqophiso 13; 27:7–8, 12.

13. Bona IMfundiso neMinqophiso 20:1–4.

14. Xa iNkosi yaxelela uJoseph Smith ukuba eli xesha lokuzihlanganisela lixesha apho “kungekho nto iya kubanjwa” (IMfundiso neMinqophiso 121:28), kwakungenxa yokuba ezi zitshixo zobubingeleli zazibuyiselwe emhlabeni.

15. Bona IMfundiso neMinqophiso 95:8; 109:22.

16. Bona IMfundiso neMinqophiso 132:45–46.

17. 2 Nifayi 32:5; ugxininiso longezelelwe.

18. IMfundiso neMinqophiso109:8.

19. IMfundiso neMinqophiso 109:15.

20. IMfundiso neMinqophiso 109:22.

21. Bona IMfundiso neMinqophiso 109:24–26.

22. Lithetha ilizwi likaThixo.

23. Bona IMfundiso neMinqophiso 110:12; 132:29–30.