“Hear, Hearken, and Heed,” For the Strength of Youth, Jan. 2021, 32.
ຂ່າວສານປະຈໍາເດືອນ For the Strength of Youth ເດືອນມັງກອນ 2021
ຮັບຟັງ, ເຊື່ອຟັງ, ແລະ ເອົາໃຈໃສ່່
ພາບປະກອບ ໂດຍ Guev Design
ຂໍ້ຄວາມທໍາອິດຢູ່ໃນ ຄໍາສອນ ແລະ ພັນທະສັນຍາ ແມ່ນ ຈົ່ງເຊື່ອຟັງ (ເບິ່ງ ຄໍາສອນ ແລະ ພັນທະສັນຍາ 1:1). ນັ້ນໝາຍຄວາມວ່າ “ຟັງດ້ວຍຄວາມຕັ້ງໃຈທີ່ຈະເຊື່ອຟັງ.” ເຊື່ອຟັງ ໝາຍເຖິງ “ຟັງພຣະອົງ”—ເພື່ອ ຮັບຟັງ ສິ່ງທີ່ພຣະຜູ້ຊ່ວຍໃຫ້ລອດກ່າວ ແລະ ແລ້ວ ເອົາໃຈໃສ່ ຕໍ່ຄຳແນະນຳຂອງພຣະອົງ. ໃນສອງຄຳເຫລົ່ານັ້ນ—“ຟັງພຣະອົງ”—ພຣະເຈົ້າໄດ້ມອບແບບແຜນຂອງຄວາມສຳເລັດຜົນ, ຄວາມສຸກ, ແລະ ຄວາມຊື່ນຊົມໃນຊີວິດນີ້ໃຫ້ເຮົາ. ເຮົາຕ້ອງ ຮັບຟັງ ພຣະຄຳຂອງພຣະຜູ້ເປັນເຈົ້າ, ເຊື່ອຟັງ ຕາມນັ້ນ, ແລະ ເອົາໃຈໃສ່ ຕໍ່ສິ່ງທີ່ພຣະອົງໄດ້ບອກເຮົາ!
ເຮົາ ສາມາດ ໄປຊອກຮັບຟັງພຣະອົງໄດ້ຢູ່ບ່ອນໃດ?
ເຮົາສາມາດໄປຫາພຣະຄຳພີ. ເຮົາກໍສາມາດ ຮັບຟັງພຣະອົງ ຢູ່ໃນພຣະວິຫານນຳອີກ. ເຮົາ ຮັບຟັງພຣະອົງ ໄດ້ຊັດເຈນຂຶ້ນ ເມື່ອເຮົາຫລໍ່ຫລອມຄວາມສາມາດຂອງເຮົາ ທີ່ຈະຮັບຮູ້ສຸລະສຽງທີ່ແຜ່ວເບົາຂອງພຣະວິນຍານບໍລິສຸດ. ແລະ, ສຸດທ້າຍ, ເຮົາ ຮັບຟັງພຣະອົງ ເມື່ອເຮົາເອົາໃຈໃສ່ຕໍ່ຖ້ອຍຄຳຂອງສາດສະດາ, ຜູ້ພະຍາກອນ, ແລະ ຜູ້ເປີດເຜີຍ.
ຈະມີຫຍັງເກີດຂຶ້ນ ຖ້າຫາກເຈົ້າຮັບຟັງ, ເຊື່ອຟັງ, ແລະ ເອົາໃຈໃສ່ດ້ວຍຄວາມຕັ້ງໃຈ ຕໍ່ສິ່ງທີ່ພຣະຜູ້ຊ່ວຍໃຫ້ລອດໄດ້ກ່າວ ແລະ ສິ່ງທີ່ພຣະອົງກຳລັງກ່າວໃນເວລານີ້ ຜ່ານທາງບັນດາສາດສະດາຂອງພຣະອົງ? ຂ້າພະເຈົ້າສັນຍາວ່າ ເຈົ້າຈະໄດ້ຮັບພອນດ້ວຍພະລັງເພີ່ມເຕີມ ທີ່ຈະສາມາດປະເຊີນກັບການລໍ້ລວງ, ການດີ້ນລົນ, ແລະ ຄວາມອ່ອນແອໄດ້. ຂ້າພະເຈົ້າສັນຍາວ່າ ຈະມີການອັດສະຈັນໃນຄວາມສໍາພັນໃນຄອບຄົວ ແລະ ໃນວຽກງານປະຈໍາວັນຂອງເຈົ້າ. ແລະ ຂ້າພະເຈົ້າສັນຍາວ່າ ຄວາມສາມາດຂອງເຈົ້າໃນການຮູ້ສຶກເຖິງຄວາມສຸກ ຈະເພີ່ມທະວີຂຶ້ນ ເຖິງແມ່ນວ່າ ຄວາມວຸ້ນວາຍຈະເພີ່ມຂຶ້ນໃນຊີວິດຂອງເຈົ້າກໍຕາມ.
© 2020 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, January 2021. Laotian. 17463 331