“Ang Kakinahanglanon sang Simbahan,” Liahona, Nob. 2021.
Bulanan nga Mensahe sa Liahona, Nobyembre 2021
Ang Kakinahanglanon sang Simbahan
Mga Bahin (Excerpts)
Karon, ang akon mensahe para gid sa sining maayo kag relihiyoso nga mga tawo nga nag-untat sa pagtambong ukon pagpartisipar sa ila mga simbahan. Kon magsiling ako “mga simbahan,” ginalakip ko ang mga sinagoga, mga moske, ukon iban pa nga relihiyoso nga mga organisasyon. Nagakabalaka kami nga ang pagtambong sa tanan sini nagnubo gid kaayo sa bilog nga pungsod. …
Ang pagtambong kag pagkaaktibo sa isa ka simbahan nagabulig sa aton nga mangin mas maayo nga mga tawo kag mas maayo nga mga impluwensya sa kabuhi sang iban. …
… Sa simbahan upod naton ang manami nga mga tawo nga nagatinguha sa pag-alagad sa Dios. Nagapahanumdum ini sa aton nga wala kita nagaisahanon sa aton relihiyoso nga mga kahiwatan. Kita tanan nagakinahanglan sang pagpakig-upod sa iban, kag ang pag-inupdanay sa simbahan ang pila sa pinakamanami nga aton maeksperiyensyahan. …
… Ang mga miyembro nga wala nagatambong sa Simbahan kag nagasalig lamang sa indibidwal nga espirituwalidad nagaseparar sang ila kaugalingon sa sining mga prinsipyo sang ebanghelyo: ang gahum kag mga bugay sang priesthood, ang kabug-osan sang ginpanumbalik nga doktrina, kag ang mga pagpahulag kag mga oportunidad sa pagpangabuhi sinang doktrina. …
Dugang pa sa pagbatyag sing paghidaet kag kalipay paagi sa pag-upod sang Espiritu, ang aton mga miyembro nga nagatambong sa Simbahan makaagom sang mga bunga sang pagpangabuhi sang ebanghelyo, pareho sang mga bugay sang pagtuman sang Pulong sang Kaalam kag materyal kag espirituwal nga kabuganaan nga ginapromisa sa pagtuman sang layi sang ika-pulo. …
… Ang kabug-osan sang doktrina kag iya sini nagaluwas kag nagapahitaas nga mga ordinansa matigayon lamang sa ginpanumbalik nga Simbahan.