“Tej Ntawd Yog Kuv Li thiab Kuv Paub tej Ntawd,” Ntxiv Dag Zog rau cov Tub Hluas Ntxhais Hluas, Ib Hlis Ntuj 2022.
Zaj Lus hauv Ntxiv Dag Zog rau cov Tub Hluas Ntxhais Hluas Txhua Hli, Ib Hlis Ntuj 2022
“Tej Ntawd Yog Kuv Li thiab Kuv Paub tej Ntawd”
Daim duab los ntawm Getty Images
Koj puas tau xav tias koj tsis tseem ceeb? Tej zaum koj xav li no thaum koj xav txog qhov uas muaj pes tsawg tus neeg nyob hauv lub ntiaj los saib seb muaj pes tsawg lub hnub qub nyob saum ntuj. Koj puas tau xav seb Vajtswv puas paub koj tiag tiag thiab puas paub seb koj lub neej zoo li cas? Yog li, ces Mauxes muaj ib zaj xov rau koj.
Nyob hauv zaj ua yog toog pom, Vajtswv qhia Mauxes txhua qhov chaw ntawm lub ntiaj teb thiab tag nrho cov neeg uas yuav nyob ntawd. Cov neeg ntawd mas “suav tsis txheeb li tej xuab zeb nyob tom ntug dej hiav txwv” (Mauxes 1:28). Ces Vajtswv qhia Mauxes tias Nws tau tsim “tej lub ntiaj teb uas suav tsis txheeb” (Mauxes 1:33)—Nws qhia tias tej yam uas Nws tsim nyob deb dhau ntawm lub ntiaj teb no.
Tej zaum Mauxes ntxhov siab thaum nws pom txhua yam no. Tej zaum nws xav: Nws tau tsim ntau yam es kuv yuav haum qhov twg? Thiab ua li cas Vajtswv txawj saib xyuas ntau ua luaj?
Vajtswv tej lus teb yooj yim: “Kuv yeej suav txhua yam.” Ua cas ho ua tau li no? “Tej ntawd yog kuv li thiab kuv paub tej ntawd” (Mauxes 1:35). Vajtswv paub Mauxes yog leej twg, ib yam li Nws paub tag nrho Nws cov me nyuam, thiab tag nrho tej yam uas Nws tau tsim. Txhua yam yog Nws li—cov hnub qub, cov xuab zeb, and Nws cov me nyuam hauv lub ntiaj teb no. Yog vim lawv Nws thiaj li tau tsim lub ntiaj teb no. Lawv txoj kev cawm seej mus ib txhis li yog Vajtswv txoj hauj lwm uas tseem ceeb tshaj plaws.
“Vim saib seb, qhov no yog kuv txoj hauj lwm thiab kuv lub yeeb koob—ua kom tib neeg tsis txawj tuag thiab tau txoj sia nyob mus ib txhis” (Mauxes 1:39).
Ib yam li Mauxes tau kawm seb nws haum qhov twg hauv Vajtswv txoj hau kev, koj kuj txais tau kev nplij siab vim koj paub tias Vajtswv paub txog koj! Nws txoj hauj lwm thiab lub yeeb koob yog kom pab koj rov qab los rau Nws Vim li cas? Rau qhov koj yog Nws li Thiab qhov ntawd yeej tseem ceeb kawg nkaus li!
© 2021 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, December 2021. Hmong. 18295 295