Paano Ninyo Sia Ginapamatian?

Ni Elder Neil L. Andersen

Sang Korum sang Dose ka Apostoles

Gikan sa Abril 2020 nga pamulongpulong sa pangkabilogan nga komperensya.

mga tawo nga may mga parte sang puzzle nga kulang

Upod sa matawhay nga giya nga aton mabaton halin sa Balaan nga Espiritu, kon kis-a, ang Dios gamhanan kag personal gid nga nagapasalig sa tagsa sa aton nga Sia nakakilala sa aton kag nagapalangga sa aton. Dayon, sa aton mga tinion sang kabudlayan, ang Manluluwas nagadala sining mga inagihan balik sa aton mga kaisipan.

Hunahunaa ang imo kaugalingon nga kabuhi. Ining mga inagihan mahimo mag-abot sa importante nga tinion sang aton mga kabuhi ukon sa inang sa primero, dawsa ordinaryo lang nga mga hitabo. Ining makahulugan nga espirituhanon nga mga tinion nagaabot sa nagkalainlain nga panahon kag sa nagkalainlain nga mga paagi, nga pinasahi para sa tagsa sa aton.

Si Joseph Smith nagpaathag nga kon kis-a nagabaton kita sang “gulpiyada nga mga pagsulod sang mga ideya” kag sa panalagsa sang tunay nga pag-ilig sang kaalam.¹

Si Pangulong Dallin H. Oaks, sa pagsabat sa isa ka sinsero nga tawo nga nagahambal nga wala pa gid nakaagi sang subong sina nga inagihan, naglaygay, “Siguro ang imo mga pangamuyo liwat-liwat na nga ginsabat, ugaling kay ang imo ginapaabot amo ang isa ka dako nga senyales ukon isa ka dako nga tingug amo nga abi mo wala ka ginsabat.”²

Sining karon lang aton nabatian si Pangulong Russell M. Nelson nga nagasiling: “Ginaagda ko kamo nga pamensaron sing madalom kag sa masami ang parte sining yabi nga pamangkot: Paano mo Sia ginapamatian? Ginaagda ko man kamo nga maghimo sang mga tikang nga pamatian Sia sing mas maayo kag sa mas masami.”³

© 2022 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, March 2022. Hiligaynon. 18296 861