“Kushala ne lulamatu mu Bipupu,” Dikankamika dia Bansongau, Ngondo Muitanu 2022.
Mukenji wa ku Ngondo waLiahonaNgondo Muitanu 2021
Kushala ne lulamatu mu mu bipupu
Tshikepeshelu
Bua aba ba kutudi badibi bitangila buetu ne bua aba batudi bananga, kudi ditekemena mu dilaya divua Nzambi muenza bua muaba wa bukubi mu bipupu bidi bilua. …
Miaku ya buambi ya Mfumu Benyamina idi itekibua mu tshienzedi mu matuku etu. …
Wakabikila bantu benda ne tuetu bua tuibakila pa dibua dia bukubi dimua, didi dikala Mupandishi. Wakatokesha ne tudi badisuila bua kusungula pankatshi pa buimpa ne bubi ne kadi katuena bua kuepela bipeta bia masungula etu. …
Bumuntu buetu budi bushintuluka bua tulua bu bana bateketa, badi batumikila Nzambi ne bikala ne dinanga. Dishintuluka adi neditulongolola bua kusanka ne mapa adi alua kupitshila ku Nyuma wa Tshijila. Tuetu bikala ne bulunda bua Nyuma, netuikala bakankamana, baludikibua, ne bakoleshibua. …
Padi bipupu bia mu moyo bilua, udi mua kuikala mukolakana bualu udi muimanyina pa dibua dia ditabuija dieba mu Yezu Kilisto. Ditabuija adi nedikulumbola ku dikudimuna dia mutshima dia dituku dionsu ne ku dilama dia tshipungidi. Pashisha newikala anu umuvuluka. Ne kupitshila ku bipupu bia lukinu ne bibi, neudiumvua mukolakana ne neupeta ditekemena. …
… Bu mudi muana mukesa ne wa dinanga witaba diambuluisha dienda. Enza ne lama bipungidi bidiye utupesha mu Ekelezia wa Yezu Kilisto wa Bansantu ba Matuku a Ndekelu. Nebikukolesha. Mupandishi mmumanya bipupu ne miaba ya bukubi mu njila udi utualuja kudiye ne kudi Tatu wetu wa mu Diûlu. Yeya mmumanya njila. Yeya udi Njila.
© 2022 Kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, May 2022. Tshiluba. 18351 760