Binulan a Mensahe ti Liahona , Mayo 2023
Panangsapul iti Bukod a Talna
Dagiti naadaw a sao
Ita agsaritaak maipapan iti no ania ti nasursurok maipapan iti milagro ti panangsapul iti bukod a talna, ania man dagiti kasasaadtayo. …
Nasursurok ti lima a kinapudno manipud iti pannursuro ti Mangisalakan.
Umuna, maited ti sagut ti talna kalpasan nga adda pammatitayo a mangtungpal iti bilbilinna. …
Maikadua, umayto ti Espiritu Santo ket makipagnaed kadatayo. …
Maikatlo, ikari ti Mangisalakan a no agtungpaltayo kadagiti katulagantayo, mariknatayo ti ayat ti Ama ken Anak iti tunggal maysa ken para kadatayo. …
Maikapat, ti panangtungpal iti bilbilin ti Apo agkasapulan iti ad-adu ngem panagtulnog. Ayatentayo ti Dios iti amin a puso, pigsa, panunot, ken kararuatayo. …
Maikalima, nalawag nga inayatnatayo ti Apo a mangbayad iti gatad dagiti basoltayo tapno—babaen ti pammatitayo Kenkuana ken panagbabawitayo, babaen iti epekto ti Pannubbotna—maaddaantayo iti sagut ti talna a “mangrimbaw ti amin a pannakaawat” [Taga Filipos 4:7], ditoy a biag ken iti dennana iti agnanayon. …
Narikna dagiti miembro ti intero a Simbaan ti sagut ti Apo a bukod a talna. Allukoyenna iti tunggal maysa a tumulong iti dadduma a maaddaan iti gundaway nga umasideg Kenkuana ken maikari mismo iti kasta met laeng a talna. Kas supapak, agkiddawda iti inspirasion a mangammo no kasano a maitedda dayta a sagut iti dadduma.
Agbalinto ti tumantanor a kaputotan nga agpatpatanor iti sumangbay a kaputotan. Ti adu a panagkagumaan mangpataudto iti milagro. Agsaknap ken dumur-asto iti panaglabas ti panawen, ket nakasagana ken sindadaanto ti pagarian ti Apo ditoy daga a mangkablaaw Kenkuana babaen iti ikkis ti hosana. Addanto talna ditoy daga.
© 2023 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Liahona Message, May 2023. Language. 19025 864