“Eis Nguhn Muhtahl in Mwet Kol Lom,” Ke Kuh luhn Mwet Fuhsr, Oct. 2023.
Mahlwem Nuhkwewa Nuh ke Kuh luhn Mwet Fuhsr Pweng, Ohktopa 2023
Eis Nguhn Muhtahl in Mwet Kol Lom
Pahpah Tuhmacsr Inkuhsrao El etuh lah ke kuht moul in ikoac kuht ac sun ma upac, mwe ongaiac, ac fosrngah ; El etuh lah kuht ac muh fosack ke kihsensiuck, suhpwacr, srihfeyuck, ac muhnahslah. In use nuh sesr kuh luhn moul ac kolyuck wolacna, El acse Nguhn Muhtahl.
Ke kuhlwacnsap wowo, Nguhn el mokle, fahkwack, luti, ac pihrihk kuht in fahsr ke inkacnek luhn Leum. Ma sacohk se kunacsr in etuh in akihlen orekma Lal in moul lasr ac topuk.
Kuht ac oruh fuhkah ma se inge?
Ma se met, kuht srihke in moul nwacsnwacs in Nguhn.
Ahkluo, kuht enenuh in sulaclah in eis ke Nguhn sac.
Ahktolu, kuht enenuh in akihlen Nguhn sac ke el tuhkuh uh.
Ahkahkosr, kuht enenuh in mukuiyak ke pal se met pihrihkyuck.
Lwelah kuht in eis pahng luhn Leum ke pwacye “kom in enganwack, tuh nga fah wi kom” (liye Doctrine and Covenants 78: 18). El kol kuht ke Nguhn Muhtahl. Lwelah kuht in fototo nuh sin Nguhn, suhlahklahk mukuiyak ke kom tufahna pihrihkyuck, etuh lah eltahl tuhkuh sin God. Nga fahkwack loh ke kuh luhn Nguhn Muhtahl in kol kuht, karihngihn kuht, ac in wi kuht ne tok.
© 2023 by Intellectual Reserve, Inc. Suwohs nuhkewa fihliyucki. Printiyucki fin acn USA. Ahkkweyeyucklac nuh ke Englishg: 6/19. Ahkkweyeyucklac ke lweng: 6/19. Luhngasyucklac luhn Pweng in Mwe Ahkkweye Mwet Fuhsr ke Mahlwem Nuhkwewa, Ohktopa 2023.Language.19048 000