Lwelah Nguhn Muhtahl in Kol
Ke orekma wolacna, Nguhn Muhtahl mokle, fahkwack, luti, ac ahkkweye kuht in fuhfahsryucsr ke kahlwem luhn Leum.
Tamuhlwel ac tahmtahel, nga, oacna kowos nohfohn, akihlen lah orekma luhn Leum uh salkweyuckyak sel Prestuhn Thomas S. Monson ac pweng lal olutu uh. Prestuhn Monson, kuht luhngse kom, ahkkweye kom, ac pruhe lwen nuh kwewa keim, “mwet pahluh sacohk lasr.”1
Kuht puhla kahkkahklah luhn Nguhn ke kapihn wik se inge. Finne kom oasr inge ke inwalihl luhlahp se inge kuh liye lohm ah kuh fahsrweni lun lohm in miting ke yen loeloes fin facluh, kowos eis pacl wowo in puhla Nguhn luhn Leum. Nguhn se ingacn ahkpwacyei nuh insiyom ac nuhnak lom ke ma pwacye ma lutiyuck ke toeni se inge.
Nuhnkuh kahs ke on etweyuck soko inge:
Lwelah Nguhn Muhtahl in kol kom;
Lwelah elan luti kuht ma pwacye.
El fah fahkwack ke Kraist,
Mokle kuht in liye ke ohiyac luhn inkuhsrao.2
Ke fwackyuck ke lwen-sahflah uh kuht etuh lah Sifac luhn God el oreklac ke mwet siena liki sie sin sie tolu: Pahpah tuhmasr Inkuhsrao; Wen Kuloh Sefanna Nahtuhl, Jisus Kraist; ac Nguhn Muhtahl. Kuht etuh lah Pahpah oasr mahno in ikoac la ac sri oacna luhn mwet uh; Wen sac pac; tuhsruhk wacngihn ikoac ac mahno luhn Nguhn Muhtahl tuhsruhk atacn Nguhn se na. Fin tiac ohinge, na Nguhn Muhtahl el ac koflah muhta in kuht.3
Pweng luhk mihsenge uh ac tuhngal yohk srihpaciyacn Nguhn Muhtahl ke moul lasr uh. Pahpah tuhmasr Inkuhsrao El etuh lah moul in mwet uh fah puhlakihn ma upac, kweok, ac fohs; el etuh lah kuht fah oruh kihsensiyuck, puhla toasr, mwe sruhf ac muhnahs. In use nuh sesr kuh luhn mahno ac kolyuck wolacna, El use Holy Spirit, siepac ine nuh ke Holy Ghost.
Nguhn Muhtahl El orekuhtweni nuh sin Leum. Orekma wolacna Lal pa, El mokle, fahkwack, luti, ac ahkkweye kuht in fuhfahsryucsr ke kahlwem luhn Leum. Oasr kunohkohn muhtahl lasr in lotwelah in akihlen moklweyuck Lal ke moul lasr ac topuk.
Esam olwelah luhn Leum: Leum El fahk lah El fah use Nguhn Lal nuh sesr, ma ac fah tohlwack nuhnak lasr, ma ac fah nwacklah nguhnasr ke engan.4Nga luhngse mwe ahkkweye ingacn. Engan ma nwacklah nguhnasr uh use sie ngwetngwet ma pahtpaht se ke ma siena ke moul lwen nuh kwewa uh. Engan se ingacn ac tuhkuh oacna mihs lain ma upac kuh ahsor uh. Ac use ahkkweye ac puhlaik, ahkuhtweyac ma pwacye ke wosasuc uh, ac ahkyohkye luhngse lasr nuh sin Leum ac tuhlihk nuhtin God nohfohn uh. Finne enenuh nuh ke kain mwe insewowo ingacn yohk na upac, ke ohiyac puhs ma sikyak uh facluh muhlkuhnlah ac sislah mwe insewowo ingacn.
Kais sie wik ke kuht ipeis kuhfa muhtahl luhn Leum muhtahl, kuht oraclah sie olwelah in esamuhl pacl nuhkwewa, Leum Jisus Kraist, ac kihsac in iwaclah Lal. Ke kuht liyacacng olwelah muhtahl inge uh, olwelah uh utuckuh tuh kuht in eis Nguhn Muhtahl Lal in wi kuht.5
Kuht ac oruh fuhkah ma ingacn?
Ma se met, kuht oaruyang in moul nwacsnwacs ke Nguhn.
Nguhn Muhtahl wi mwet suc liyacacng na in esam Leum God lalos ke lwen nuh ke lwen.6Oacna ke Leum El fahk, “kuht enenuh in eslah nuh sahyac ma luhn facluh se inge, ac suk ke ma wo liki,”7tuh Nguhn luhn Leum tiacna muhta ke tempuhl semuhtahl.8Kuht enenuh in srihke in ahkos masap luhn God pacl nuh kwewa, lutlutkihn ma suhmuhslah, pruhe, wi nuh tempuhl, ac moulkihn pwacye nuh ke ip yohk ke luhlahlfongi singucul tolu ah, “suwohs, pwacye, moul nwacsnwacs, kuhlwacng, wo, ac … ac in oruh wo nuh sin mwet nuhkwewa.”
Ahkluo, kuht enenuh in kena in eis Nguhn.
Leum El olwelah, El fah fahk nuh sesr ke nuhnak lasr ac ke insiyacsr, sin Nguhn Muhtahl, ma ac fah tuhkuh nuh facsr ac muhta insiacsr.9Nga muhtwacwacack in kahlwem ke ma inge ke nga sie misineri fuhsr fin acn Scotch Plain, New Jersey ah. Sie lututacng fol ke Julahe ah nga ac companion se luhk ah puhla moklweyuck in sokwack referral ke Temple Square. Kuht tongtong ke sruhngucl ke lohm sel Elwood Schaffer ah. Mrs. Schaffer el puhlaik in siyuck kuht in som.
Ke el muhtwacwacack in kaliyac sruhngucl sac, nga puhla in oruh sie ma nga soenna oruh met ac kuh finne tiac pacl se! Nga sang niyuck nuh ke sruhngucl sac, ac nga siyuck, “Kuh oasr mwet sahyac ma kena in lohng pweng lasr uh?” Tuhlihk muhtwacn yac 16 se nahtuhl, Marti, el kena, ac pruhe na upac nuh ke kolyuck ke na lwen met ah. Marti el ohsun nuh sesr, ac ke kuhtuh pacl ninac kiyacl ah welah in lutiyuck. Eltahl kwewana welah Alu uh.
Ma sikyak ke pacptais lal Marti ah, mwet 136, weacng mwet puhkantwen ke sucu lal ah, pacptaislac ac oraclah olwelah ke wosasuc uh. Fuhkah luhpan tarilacna luhk lah nga porongo Nguhn ac isohngwacng niyuck nuh ke sruhngucl sac ke lwen fol ke Julahe sac. Marti ac un mempucr ke sucu sacohk lal ah oasr inge mihsenge.
Ahktolu, kuht enenuh in akihlen Nguhn ke ac tuhkuh uh.
Puhla luhk uh pa Nguhn kwacna sramsram oacna sie puhla. Kom kuh in puhla ke kahs ma kom etuh, ma oruh kom in puhlakihn, ma mokle kom. Nuhnkuh top luhn mwet Nephi ah ke elos porongo Leum el pruhe kwaclos: “Ac un mwet pucspucs sac tuh lohng ac fahkwack kac; ac insiaclos tuh ikacklah ac elos tuh kahlwem ke insiaclos ke kahs ma El pruhe kac.”10Elos puhla insiaclos kahs ke pruhe Lal. Puhsra luhn Nguhn Muhtahl srihk ac fihsrwacsr.
Ke Wuhlweacng Sasuc an, Elijah el tuh lain prist lal Baal ah. Prist ah pahngon “puhsrwacl” Baal in tuhkuh nuh ten oacna sie puhlahl ac ahkosack kihsac lalos uh ke e. Tuhsruhk wacngihn puhsra, ac wacngihn e.11
Ke siepacna pacl tok, Elijah el pruhe. “Ouinge Leum God El fahla alukela, ac supwama eng na upa se, ac fulungya eol uh ac fukulya eot uh, a Leum God El wangin in eng uh:
“Tukun kusrusr sac, na oasr e se, tuh Leum God El wangin in e sac. Ac tukun e sac, oasr pusra na srisrik ac fisrasr se.”12
Kuh kom etuh puhsra sac?
Prestuhn Monson el luti: “Ke kuht ukwe fuhfahsryucsr ke moul lasr uh, lwelah kuht in lotwelah kahs luhn Nguhn uh.”13Nguhn uh sramsramkihn kahs ma kuht puhla. Puhla inge fihsrwacsr, sie ahkkweye in mukwikwi, in oruh sie ma, in fahk ma se, in topuk ke kain inkacnek. Kuht fin oraclah kuh tiac ekuhllah ohiyacn alu lasr, sislah, ac pahlah in tiac akihlen ma koluk luhn facluh, kuht ac sifacna sukkuhtyak in ahksrihkyelah kuh in puhla lasr. Nephi el fahk nuh sel Laman ac Lemuel, “kowos lohng puhsrwacl ke pacl nuh ke pacl; ac el sramsram nuh suwos ke sie puhsra srihsrihk, tuhsruhk kowos koflah in puhla, tuh kowos tiac kuh in puhla kahs lal.”14
Jun tari ah, nga pakpucki nuh ke sie kunohkohn nuh South America. Kuht oruh sie schedule in muhtwacta lwen na 10 fin acn Columbia, Peru, ac Ecuador. Sie kusrusr na upac uniyac mwet siofok, kantweyac tausin singucul kuhtuh, kuhnahoslah ac ahkkolukyelah lohm ac inkucl fin siti sin mwet Ecuador fin acn Portoviejo ac Manta. Nga moklweyuck in tahfwelah schedule lasr an ke sie muhtwacta nuh yurin mempucr ma muhta lun siti sac. Ke ma muhsahllah ke inkacnek ah, kuht tiacna etuh lah kuht kuh in sun acn we. Tuhsruhk, fwack nuh sesr muh kuht koflah som nuh we, tuhsruhk moklweyuck sac tiacna wacngihnlac. Ke ma sikyak uh, kuht ahkinsewowoyeyucklac ac kuh in muhtwacta nuh ke siti luo ah kwewa.
Ke ma tuhfahna nuhnkweyucklac, nga motko muh ac mwet kol ke pristut na ekahsr ke acn sacn ac wi tuhkweni fahna oreklac sacn. Tuhsruhk, kuht tui ke kais sie stek center in sokwack lohm alu uh nwacnwaclah ne tok ke stage ah. Kuhtuh mwet ma wi ah pa mempucr na fokoko ke pohloh acn sac, payonir suc tuna kuh ke Alu uh, ahkkweye sie sin sie in weluhlos in ahkfuhlwactye ac in puhla Nguhn ke moul lalos. Muhta emet ke tahk soko emet an pa mempucr suc oasr mwet la misac ac mwet tuhlan sisken kusrusr sac. Nga puhla moklweyuck in sang mwe insewowo luhn mwet pahluh nuh sin mwet nuh kwewa ma wi ah, ma se emet luhk in utuckuh. Tuh finne nga tu muhtuhn infuckihl sacn, oacna pouk in oan fin sifaclos kais sie, ac nga kuh in puhla kahs luhn Leum okwokme.
Tiacna sahflah insac. Nga puhla moklweyuck in sramsram nuh selos oacna Jisus Kraist el oruh ke el muhtwacta yurin mwet Macrike ah. “El eis tuhlihk srihsrihk nahtuhlos … ac ahkinsewowoyaclos, ac pruhe nuh sin Pahpah kaclos.”15Kuht oasr fin acn Ecuador, kuht ahkolah in oruh orekma luhn Pahpah, ac pa inge tuhlihk Nahtuhl.
Ahk ahkosr, kuht enenuh in mukwikwi nuh ke moklweyuck se emet uh.
Esam kahs lal Nephi uh: “Nga tuh kolyuck sin Nguhn, tiac etuh met ma ma nga enenuh in oruh. Ne ohinge,” el fahk, “nga som.”16
Ac kuht enenuh pac. Kuht enenuh in yohk luhlahlfongi la ke moklweyuck se emet lasr uh. Kuhtuh pacl uh kuht nuhnkwaclah, kuht motko fin kuht puhlakihn sie puhla ke nguhn kuh fin nuhnak na lasr sifacna. Ke kuht muhtwacwacack in kihsensiyucki, nuhnkuh pacl ahktolu puhla lasr uh—ac kuht nohfohn oruh—kuht ac luhslah Nguhn sac; kuht kihsensiyucki kahs in kahsruh wolacna uh. Mwet pahluh Joseph Smith el tuh luti lah kom fin lohng na moklweyuck se emet ah, kom ac oraclah pwacye pacl yuc liki ma singucul.17
Ingena sie mwe sensenkihn: nimet pahngon ac oasr opi ke srihpen kom topuk Nguhn Muhtahl. Esam, kom oruh orekma ke sie puhsra srihsrihk.
Ke nga kuhlwacnsap ekihn sie misin prestuhn fin acn New York City, nga wi kuhtuh sin misineri lasr ke sie restuhracn ke Bronx. Sie sucu fuhsr utyak ac muhta siskacsr. Ataclos ahkolah in eis wosasuc uh. Nga liye misineri uh ke elos kalweni in muhtwacta yuruk, na akihlwacnwack ke sucu sac ahksahfye mongo lalos ac tifoklac liki sruhngucl ah. Na nga fahk, “Elders, oasr lesin se inse mihsenge. Kowos liye sucu na kahto se tuhkuh nuh ke restuhracn se inge. Meac se kuht enenuh in oraclah ah?”
Sie sin elder ah sana kahslah: “Nga nuhnkuh in tuyak ac sramsram nuh seltahl. Nga puhla moklweyuck, tuhsruhk nga tiacna topuk.”
“Elders,” nga fahk, “kuht enenuh in mukwikwi lwen nuh kwewa ke moklweyuck kuht uh. Pahtok se ma kom tuh puhla ah pa Nguhn Muhtahl!”
Moklweyuck se emet uh pa ma usrnguck inkuhsrao me. Ke elos ahkkweye kuh fahkwack nuh sesr uh, kuht enenuh in akihlen ohiyaclos ac tiacna lwelah in tiac akihlenyuck. Puhs pacl, ma Nguhn mokle kuht in kahsruh mwet sahyac suc enenuh kahsruh, sucu ac kawuck an yohkna. Tuh, puhsra srihsrihk se, ma mahmahi ac tilyang nuh ke ma nuhkwewa,18kahsrwe kuht nuh ke pacl wowo in luti wosasuc, in fahkwack luhlahlfongi ke Fohlohkyak sac ac Jisus Kraist, in sang ahkkweye ac kahsruh, ac in molwelah sie sin tuhlihk sacohk nuhtin God uh.
Nuhnkuh kac oacna in pa ma pahngonyuck sie mwet topuk emet. Inkaiyacn acn uh, mwet topuk emet nuh ke sie ma upac, koluk, kuh kweok uh pa firefighters, police officers, paramedics uh. Elos ac ai ke lahm sahrsahr, ac nga kuh in fahk, kuht tarilacna pwacye selos. Inkacnek luhn Leum suhkahlwem tuhsruhk enenuh oacna mwet sa in topuk ingacn. Leum El etuh enenuh luhn tuhlihk Nahtuhl nohfohn—ac El etuh lah suc ahkolah in kahsruh. Kuht fin lwelah Leum elan etuh ke pruhe in lututacng lasr lah kuht ahkolah, El fah pahngon kuht in topuk. Kuht fin topuk, El fah pahngon kuht pacl puhkantwen ac kuht fah sukkuhtyak sifacna ke ma Prestuhn Monson el pahngon orekma luhn Leum.19Kuht fah eklac mwet in topuk ke nguhn emet sang kahsruh inkuhsrao me.
Kuht fin sang lohacng lasr nuh ke moklweyuck ma tuhkuh nuh sesr uh, kuht fah kapkapwack ke nguhn luhn fwackyuck ac eis nuhnak ac kolyuck ma moklweyuck sin Nguhn. Leum El fahk, lah kuht enenuh in sang luhlahlfongi se lasr ke Nguhn ingacn ma kol kuht in oruh ma wo.20
Lwelah kuht in nuhnak pwacye nuh ke pahng luhn Leum in enganwack, tuh El fah wi kuht fahsr.21El kol kuht sin Nguhn Muhtahl. Lwelah kuht in moul fototo nuh sin Nguhn, sa in mukwikwi nuh ke moklweyuck se emet, in etuh lah ma ingacn tuhkuh sin God. Nga fahkwack mwe loh luhk ke kuh luhn Nguhn Muhtahl in kol kuht, karihngihn kuht, ac in wi kuht pacl nuh kwewa, ke inen Jisus Kraist, amen.