“Wi Yuc Fahsr”
Akwuck lasr nuh sin pristut pa in solwaclos nuh sin Leum in Weluhl fahsr. Ac meac kalmac in fahsr wi Leum? Kalmac pa in oruh ma El oruh uh, in kahsruh oacna kahsruh Lal.
Tamuhlwel nuh kwewa wiyuck ke pristut, srihpac luhk mihsenge uh pa in tuhkweni in ahkkweye kom ac in ahkkweye moul lom an ke kuhlwacnsap lom ke pristut. Ke kuhtuh inkacnek, oacna sie srihpac nga nuhnkweack ke Mwet Lahngo El ohsun nuh sin tuhlihk mukul fuhsr kahsruhp sac suc el siyuck, “Orekma wo fuhkah se nga enenuh in oruh tuh nga fah kuh in eis moul ma pahtpaht?” (Matthew 19:16). Sahp kom tuhkuh nuh ke toeni se inge, oacna ke tuhlihk mukul fuhsr se inge som nuh yurin Mwet Lahngo, nuhnkuh lah kahsruh lom an ahkkweyeyucklac. Ac ke pacl se pacna inge, kom ac puhla muh arulacna puhs ma enenuh in orek—sahp yohk likina ngacn! Nga pruhe tuh nga kuh in aetuhi tuh luhngse luhn God el acn ahkkweyelah ma kom oraclah tari, oacyacpac in sang kahsruh in etweyuck lah suc kom ke pacl fahsruh uh, ke kahsruh Lal, inge kuhtanglah in mwet Lal muhtahl sruok pristut.
Tuhlihk mukul fuhsr sac siyuck el acn kuhkwackuhnlah ma nuh kwewa oasr yohrohl ac sang nuh sin mwet suhkahsruhp ac ukwe Mwet Lahngo; kapkapwack lom an ac muh tiac kuh in sun enenuh lom an, tuhsruhktuh ac tuhfah ke pacl kom fuhlweack finsrak in oruh ke enenuh lom an. Sie na sin ma inge, nga finsrak mwe fahk luhk uh tiac ahkkolukye kom in “som ahsor,” oacna ke tuhlihk mukul fuhsr sac puhla ah. (Liye Matthew 19:20–22.) Likina, Nga luhlahlfongi lah kom ac fahsr nuh acn kom fasr nuh we sesseslah ke engan (liye D&C 84:105) mweyen kom ke kapwack ac nuhkuh muh kom kuh in oruh.
Kuh pac in, kuht wikomyang puhla lah kuht tiacna fal nuh ke ma Leum El pahngon kuht in oruh uh. Ke ohinge, fin kom fahk nuh sihk lah kom puhla fihsrwacsr in ahkfalye orekma lom ke pristut, nga ac elyah lah kom tiacna kahlwem kac. Tuhsruhktuh, fin kom fahk nuh sihk lah kom puhla lah kom ke fuhlweack finsrak mweyen orekma inge arlac loeslaclac nuh ke kuhiyom, ac tuhfah nga luhngse kahsrwekom kahlwem lah fuhkah Leum lacn ahkkapye ac ahkkweye mwet sruok pristut Lal in oruh ma inge elos tiacna kuh in oraclah selos sifacna.
Ma inge pwacye nuh sihk ke pahng luhk oacna nuh sum. Wacngihn sie sesr kuh in oruh orekma ke pristut, ac oruh wo, yohk luhlahlfongi la in sifacna lahlmwetmwet in luti mwe etwacack ac talan. Ma ingen ma ke srihpen tena orekma lasr—ma luhn Leum. Oruh inkacnek se fanna kuht kuh in oruh pa fungyang nuh Sel, lah kom tikin sasuc se pahngyak in luhlahlfongiyuck ke srihkasrak la ke kuh luhn nguhn ke akwuck ke kuhfa luhn Leum; kuh mwet luti luhn sucu fuhsr se suc pakpucki sel Leum in luhngse ac luti ke sucu kom tiac etuh ac suc liyeyuck muh tiac enenuh luhngse lom an kuh luti lom an; kuh pahpah se suc etuh lah kom karihngihn lohm sum an ke ma suwohs, tuh kom nuhkanlah lah kom ac oruh fuhkah, ac pacl somlah, mweyen tuhlihk ingoh pihsrpihsr in kapkapwack ac ma facluh uh sikyak in tiac fal ac mweun uh fahsr.
Oruh kom fin puhlah kuhtuh srihk kuf, eis ma inge muh akucl wowo. Ac sihmlac lah kom kuh in puhla yohkwelihkiyacn luhlahlfongi God el usot nuh sum. Kalmacn ma inge pa kom kahlwem kuhtuh srihsrihk lah mac pristut.
Oasr suhpuhs mwet fin facluh suc oasr kahlwem se inge se. Finne nuh selos suc kuh in muhta kalweni kahs ma yohk srihpac yohklac kalmac ac kuh arulacna tiac kahlwem kac. Oasr kuhtuh ma suhmuhslah suc, ke kuh luhn Nguhn tahl us, kuh ahkyohkye in kaksyakihn pristut muhtahl. Pa inge kuhtuh sin ma suhmuhslah ingwacn:
Kuh ac wal ke Melchizedek Pristut, suc in sruok ki ke mwe ahkinsewowo nuh kwewa ke nguhn ke alu uh—
In oasr kuloh ke eis ma tena etweyuck ke tohkohsrahi inkuhsrao, inkuhsrao in ikacklah nuh selos, in tuhkweni sramsram wi mwet nuh kwewa toeni ac acn alu ke isuslac luhn Tuhlihk Se Oemet, ac in srui ke wi mwet sahyac sramsramlah ac oasr Pahpah Tuhmasr Suc Inkuhsrao, ac Jisus suc ahkwoye wuhlweacng sasuc.
Kuh ac wal ke Aaronic Pristut, in sruokyac ki ke luti luhn lihpufacn (Liye D&C 107:18–20).
Kuh ke muhtahl in god pa in ma na kahlwem se ke akwuck ke pristut.
Fin wacngihn kuh ac akwuck ke pristut, wacngihn mwet kuh in liye muhtahl God ac moul (Liye D&C 84:20, 22).
“Pristut fuhlwact se inge fahsr tukun akwuck luhn Wen nahtuhl, suc akwuck sacn oreklac e ke na pwelucng luhn facluh; kuh ke kahs sahyac wacngihn muhtwacwacackiyacn lwen la kuh sahflahiyacn yac la, ma inge ahkoeyucklac e ke ma pahtpaht me nuh ke ma pahtpaht nuhkwewa” (Alma 13:7).
“Srihpac lasr ke mwe fahkack se inge pa in kahlem ke fohlohkyak ke muhtahliyacn pristut ac pahng nuhkwewa in asr kuh, ke luhlahlfongi, in muhsahlwelah finohl uh, in raclihk inkof uh, in nohmwack kof uh, in ekuhllah kos uh;
In sang nuh sin solse ke kais sie muhtuhnfacl ma elos in oruh, in srwaclihk facluh, in kuhnaoslah kwewa u, in tu na oasr yurin God; in oruh ma nuh kwewa el sapkihn kuht in oruh, ke masap lal, kuhtanglah ip yohk nuh kwewa ac kuh; ac ma inge ma ke luhngse luhn Wen Nahtuhl God suc ma meet liki facluh oreklac (liye Joseph Smith Translation, Genesis 14:30–31 [mwe kahsruh weacng ke puk an ke LDS kahs English an]).
Sie srihpac in ahkuhtweyac in kahsruh an pa nuh ke puhla wowo moklweyuck ke ahkuhtweyac srihsrihk ke kuh luhn pristut pa lah ma inge tiacna ma nuh sesr fal nuh sel. Sie pac ohiyac sahyac in topuk kisensiyuck luhn nguhn se inge, sahp siyuck ke insiyacsr, oacna inge: Oasr pac nga puhla lah inkuhsrao ikacklah nuh sihk? Oasr met orekmakihn pohloh kahs se inge “ohinge, ke luti luhn lihpufacn” pa in ahkuhtweyac kuhlwacnsap luhk ke pristut? Kuh nga us “muhtahl in god ke kuh” nuh ke moul luhn elos suc nga kuhlwacnsap uh? Oacna oasr pacl nga kuhnahoslah finohl, srihke in lain solse, kuhnahoslah u luhn mwet, kuh kuhtanglah muhtuhnfacl—finne fin sifac se—in ukwe akwuck luhn God?
Pa nuh ke liyeyuck tari wo iyacn mwe nuhnak ac puhla ma pacl nuh kwewa use puhla ma kuht kuh in oruh ke kuhlwacnsap luhn Leum. Nga finsrak in kuh in usot nuh sum puhla ma kom ac luhngse oruh pac—pacl loes in lohacng yohk ke orekma usrnguck luhn Leum. Pa step se met in oraclah sie mwet lah kuhlwacnsap ke pristut el ma pwacye se in orek ke pacl nuh kwewa.
Step se tohkoh an pa ahkuhtweyac ke ip se inge kacl Jehovah ac Enoch. Kuht etuh Enoch el fah mwet pahluh fokoko se suc ac fah konweyuckyak Sion ke infulwen acn ma koluk. Tuhsruhktuh meet el mwet pahluh fokoko se, Enock el sensen in nuhnkuh kac in pa ingacn tuh mukul se na, sepihsrpihsr ke sramsram, ac sruhngacyuck sin mwet nuh kwewa (Liye Moses 6:31). Lohng ke kahs Leum el sang in ahkkweyacl Enoch. Elos kahs Lal pac nuh sum suc pa pahng in mwet luti nuh sin mwet sahyac ekihn mwet sruok pristut.
Ac Leum el fahk nuh sel Enoch lah el enenuh in som ac oruh oacna ke El sapkihn nuh sel, ac wacngihn mwet ac ahkngalyacl. El acn ikucslah inwacluhl, ac tuhfah nwacnwaclah, El ac tuhfah oruh el acn luhngse sramsram, ke ikoac nuh kwewa ke Pahol, ac El ac tuhfah oruh wo nuh sel.
Liye Nguhn luhk oasr yurum, kahs lom nuh kwewa nga ac tuhfah ahkpwacyei; ac finohl fuhlwact nuh kwewa fah som meet liki kom, ac infacl uh fah forlah oasr inkacnek; ac tiac ma nuh sihk, ac nga nuh sum; ohinge wiyuc fahsr (Liye Moses 6:32, 34).
Mwet lili, akwuck lasr nuh sin pristut pa in solwaclos nuh sin Leum in Weluhl fahsr. Ac meac kalmac in fahsr wi Leum? Kalmac pa in oruh ma El oruh uh, in kahsruh oacna kahsruh Lal. El pihlacsraclah ahkkweyelah el suc enenuh, oruh pa ingacn ma kuht srihke in oruh uh. El srihke in etuh kais sie mwet suc tahfonglac in etuh ac finne in sruhnga un mwet ke acn, na kuht enenuh srihke in oruh oacna inge. El ahkpwacye loal lah ke luhngse yohk ke mwe luti El eis sin Pahpah Tuhmwacl, finne fin tiac pwengpweng, ac kuht enenuh in oruh oacna. El fahk nuh sesr nohfohn, “Fahsru nu Yuruk” (Matthew 11:28), ac kuht fahk nuh sin mwet nuh kwewa, “Fahsru nu Yuruk.” Ke ip lasr mwet sruok pristut, kuht pa Mwet aholuhl u. Kuht orekma te nuh sesr sifacna tuh nuh Sel. Kuht sramsram tiac ke kahs lasr tuh kahs Lal. Mwet kuht kuhlwacnsuhpuh uh tuhkuh in etuh yohk kacl ma ke kuhlwacnsap lasr uh.
Ke pacl se na kuht suliyuck sin Leum uh “Wiyuc fahsr” ohiyacn ma ke kuhlwacnsap ke pristut eklac. Ac tuhkuh ke pacl se fanna yohkwelihk ac pwengpweng tuhsruhk ac ahkfahsryeyuck nekena sahflah, mweyen kuht etuh lah kuht tena muhkwena. Nga puhla nguhn yohk ke Prestuhn Thomas S. Monson el fihliyac pahol fin sifuck ke yac yuc somlah ah ac ahkkweyeyuclac ke ngac muhtwacwacack in oruh kuhlwacnsap luhk, ke mwe ahkinsewowo se inge, el kalweni na in fahk kahs se Mwet Lahngo, lah el suc eis yuc, El ac pa ingacn pac nuh yurum, tuh El ac fah oan meet liki muhtuhk. El ac tuhfah oan ke lacpoh lacyot ac lacsac luhk, ac Nguhn Lal fah oan in insiyuck, ac lupufacn lal rauniyuclac in ahkkweyeyuc (Liye D&C 84:88).
Nga kapsrweyuc ke olwelah se inge pacl puhs, ac nga liye tari ahkfalyeyucklac ke inkacnek puhs ke yac 72 luhk ke kuhlwacnsap ke pristut. Sikyak ke nga Aaronic Pristut sasuc se wi orekma nga enenuh in oraclah pa in pahsi kuhfa luhn Leum. Tuhfal in nga oraclah tahfonglac, nga tifoklac nuh lihkihnihm in lohm alu ah meet liki toeni srihsrihk ac muhtwacwacack ac nga pruhe ke finsrak luhk nohfohn tuh God lacn kahsrweyuc. Ac toplac. Nga puhla lah Leum El wiyuc. Nga puhla luhlahlfongi Lal nuh sihk, na nga puhla luhlahlfongi ke ip luhk ke orekma Lal.
Sifilpac sikyak ke nga ekihn pisap se. Nga topuk pahng se sin muhtwacn se suc oraclah tahfonglac na luhlahp se ac ingena nga enenuh in foracng nuh kac ke sie srihpac upac ac ma kuh in ekuhllah moul lal. Ke nga muhtwacta yohrohl, nga puhla lah nga etuh top ke tahfonglac se lal ah, tuhsruhk nga sifilpac puhla kuh se lah that nga enenuh in tiac sang top sac nuh sel—enenuh in itucki nuh sel sifacna. Kahs luhk nuh sel ah pa “Nga luhlahlfongi God Elac fahk ma kom in oruh ac fin kom siyuck Sel.” El topuk ke puhluhn pacl tok lah el siyuck Sel tari, ac El fahk nuh sel.
Ke sie toeni pahng se tuhkuh ke nga pisap se—pacl se inge ma yurin mwet liyacng masap. El fahk nuh sihk lah mwet sruhi se fakuhslah stosah ukwacl ah liki kuhlahs ah nuh ke acn mwesahs se ke pacng. Ke mwet sac fohswack liye mwet karihngihn sac wi kuhfa in mwe meun nahtuhl ah srihsrngilyac, el tuhng, “Met lihkacsihk! Nga Mormon se!”
Ke mwet sruhi sac in mwe ahkkahlwemye se nuh sihk lah el sie mempucr ke ward luhk, el pacptaislac tiac na pacl na loes. Ke nga sano in sramsram nuh sel ke ohfohs in pisap, nga nuhnkuh ma nga ac fahk nuh sel lacn puhla auli ke el kuhnahoslah olwelah lal ac ahkmwekihnye Alu ah. Tuhsruhktuh ke nga muhta ngwetwacng in liyacl, nga lohng puhsra se tuhkuh nuh ke mwe nuhnak luhk uh, oacna mwet se sramsram nuh sihk, “Nga ac oruh kom in liyacl oacna ke nga liyacl ah.” Ac tohkoh, ke puhluhn pacl srihsrihk se, puhla lal kwewa el oruh kahlwem ah ayaollac nuh sihk. Nga liye tuhlihk mukul se eklac luhlahp tuhlihk kahlwem, wo nuhtin God. Nga sa in puhla luhngse luhn Leum nuh sel. Ke ma nga petsac elah liyacack ah aholah sramsram lasr ah. Aholyuclac pac.
Nga lotwelah mwe lutlut na yohk srihpac ke ma nga puhlakihn fahsr weluhl Leum in oruh orekma Lal. Nga luhngse akacsruhi nuh sum tolu na selos. Ma se meet an pa lah God El etuh ac El ac fah liyekomyang finne ma tikin fuhsr ac sasuc. Kom enenuh in tiac puhla lah kom srihk kuh tena yohk srihpac nuh Sel in eis pacl in etwekomlac ac kuhlwacnsap kom oruh ke Inel uh.
Mwe luti se ahk luo an pa orekma luhn Leum pa in tiac ahkwoyelah ma koluk; pa in ahkkapyeack mwet uh. Oruh kom fin Weluhl fahsr ke kuhlwacnsap ke pristut, kom kuh in sokwack lah kuhtuh pacl uh ma kuht nuhnkwelah uh oacna ke tena lohacng ke ma yohk srihpac ke srihpen tena kahsruh in ahkkapye mwet se. Fin kom lohng, El ac luti kom ke inkacnek Lal. Esam lah orekma luhn God ac wolacna pa tiac fihsrwacsr in kahsruh u in mwet; pa in ahkfahsrye moul in kawihl ac moul ma pahtpaht luhn mwet uh (Moses 1:39). Ma inge, nohfohn, efuh El sang kuh Lal in fahlac wo ke moul in mahno kain luhk ac kom uh ac suli kuht in wi ke orekma Lal. Kapkapwack lasr uh pa orekma Lal uh!
Ingena mwe luti se ahk tolu an: Fasr wi Mwet Lahngo lasr ke kuhlwacnsap ke pristut suc e ekuhllah ma kom nuhnkuh sin mwet sahyac. El ac tuhfah luti kom, kom in liye ke Muhtahl, suc kalmac pa tiac liye atacn mwet se na tuh nuh ke insiyaclos (liye 1 Samuel 16:7). Pa inge ke Mwet Lahngo El kuh in liyacl Simon tiac pa mwet alken ahyah tuh Peter, yot fokoko ke mwet kol ke pacl fahsruh ke Alu Lal (liye Luke 5:1–11). Pa inge ke el srihke in liyacl Zacchaeus tiac pa in tiac oraclah wo ke acwac mani mwet sahyac liye tuhsruhk in fahk na pwacye, mukul suwohs nahtuh Abraham (liye Luke 19:1–9). Fin kom fahsr wi Mwet Lahngo lasr loeslac, kom ac lotwelah in liye ke mwet nuh kwewa tuhlihk nuhtin God wi mwet kom ac muh tok, weacng pacna lah mac lal somlah. Ac fin kom tahfwelah in fahsr wi Mwet Lahngo, kom ac eis mwe sang Elac usot nuh sum—sie atac in kahsruh mwet in liye lah suc elos ac muh pacl tok uh ac na auliyak.
Mwet lili wiyuck ke pristut, ke inkacnek puhkantwen, kuht oacna mwet tuhma lutlut luo fahsr inkacnek ah nuh yohrohl Emmaus ke Sacnri in Istuh se meet. Lwen in Moulyak ke lututwacng se, tuhsruhk elos tiac na etuh lah oasr moulyak kuh mac kalmacn moulyak. Elos tuh “luhlahlfongi lah [Jisus luhn Nazareth] enenuh in moliyucklac Israel,” tuhsruhktuh elos “ahksuhmuhiye insiyac nuh kwewa in luhlahlfongi” ma nuh kwewa ma suhmuhslah luti ke moulyak. Ke kom fahsr ukwacl ac eislah srihpac kwewa nuh sahyac, “Jisus sifacna el ac fototoi nuh yurum, ac som weluhlos. Tuhsruhktuh muhtahlos sruohkohlos in tiac etwacl.” (Liye Luke 24:13–32.)
Nga Fahkwack lah ke pacl se kuht fahsr ke inkacnek ke kuhlwacnsap ke pristut, mwet Lahngo Lasr Jisus Kraist El wikuht, ke ma inge pa inkacnek Lal. Kahlwem Lal tuhkuh meet liki kuht, ac lupufacn Lal raunikuhtlac. Kuht ac muh muhnahs kac lah mac kahlwem lasr ke pristut kuh kuht ac ahkfahsrye fuhkah oacna ke El oruh. Tuhsruhktuh fin kuht lohacng fototo nuh ke pacl se ma “insiasr … fusrfusryak” (Luke 24:32), mwe liye lasr uh kuh in ikacklah ac kuht kuh in liye akucl ke Pahol ke moul lasr ac ke kuhlwacnsap lasr uh. Nga fahkwack lah kuht eis etwack lasr ke luhlahlfongi lasr uh El ke orekma kuht Weluhl kac ac kuhlwacnsap El ke orekma wowo in molwelah tuhlihk nuhtin God. “Tuh sie mwet ac etuh fuhkah mwet kol se suc el soenna kuhlwacnsapuh, ac suc sie mwet sac nuh sel, ac el loeslac liki nuhnak ac kena luhn insiacl?” (Mosiah 5:13). Jisus Kraist el pa Leum Lasr. Pa inge Alu Lal. Ma Lal pa pristut se suc kuht sruok. Nga finsrak tuh kuht in sulaclah in Weluhl fahsr ac in etuh lah fuhkah fahsr Lal wi kuht.
Nga usot nuh sum luhlahlfongi kuh luhk lah Jisus el pa Kraist, Leum moulyak lasr. Nga fahkwelihk luhlahlfongi luhk uh lah pristut El luhlahlfongi kuht kac ac ke kuh in sramsram ac in orekma ke Inel. Kuht tuhlihk luhngselacna nuhtin Pahpah Tuhmasr Inkuhsrao, suc topuk pruhe lasr ac suhpwacma Nguhn Muhtahl in ahkkweye kuht ke kunohkohn nuh kwewa ke pristut kuht ahkinsewowoyeyuck in eis. Joseph Smith el liye Pahpah ac Wen Nahtuhl. El eis ki ke pristut suc ma tahfweyucklac nuh sel Prestuhn Thomas S. Monson, suc tahfuh nuh mihsenge. Nga fahkwack ma inge, ke inen Jisus Kraist, amen.