UMyalezo weNyanga weLiyahona, UCanzibe 2023
Izikumkani zoZuko
Izicatshulwa
Imfundiso etyhiliweyo yeBandla elibuyisiweyo likaYesu Krestu labaNgcwele beMihla yokuGqibela ifundisa ukuba bonke abantwana bakaThixo—ngaphandle kokuthintelwa okulinganiselweyo ukuba kuqwalaselwe apha—ekugqibeleni bayakudla ilifa elinye lezintathu izikumkani zozuko, nangona oko kukuncinane “[k]ogqitha konke ukuqonda” [IMfundiso neMinqophiso 76:89]. …
Enye imfundiso eyodwa nesenzo seBandla elibuyisiweyo yimithetho etyhiliweyo neminqophiso enika bonke abantwana bakaThixo ilungelo elingcwele lokufaneleka elona qondo liphezulu ebukumkanini beselestiyali. Leya indawo yokuya iphakamileyo—ukuphakanyiswa kubukumkani beselestiyali—yingqwalasela yeBandla likaYesu Krestu labaNgcwele beMihla yokuGqibela. …
… Kubuqaqawuli “beselestiyali” kukho imigangatho emithathu, apho elona liphezulu kukuphakanyiswa kubukumkani beselestiyali. …
Icebo likaThixo, elisekelwe phezu kwenyaniso yanaphakade, lifuna ukuba ukuphakanyiswa kuzuzwe kuphela ngokuthembeka kwiminqophiso yomtshato wanaphakade phakathi kwendoda nomfazi etempileni engcwele, umtshato lowo oya kuthi ekugqibeleni ubekho kubo bonke abakholwayo. …
UmGwebo wokuGqibela ayikokufuna ubukhulu nje besimbuku sezenzo ezilungileyo nezibi—oko sikwenzileyo. Usekelwe kwisiphumo sokugqibela sezenzo neengcinga zethu—into esakube siyiyo. Sifanelekela ubomi obungunaphakade ngenkqubo yokuguquka.
Ngenxa kaYesu Krestu neNtlawulelo yaKhe, xa sisilela kobu bomi, singaguquka kwaye sizimanye kwakhona kwindlela yomnqophiso ekhokelela koko uBawo wethu waseZulwini asinqwenelela kona.
© 2023 yi Intellectual Reserve, Inc. All rights reserved. Ishicilelwe eMelika. Imvume yesiNgesi: 6/19. Imvume yenguqulelo: 6/19. Inguqulelo ye Monthly Liahona Message, November 2023. Language. 19026 774