Ubutumwa Ngarukakwezi bwa Ku bw’Imbaraga z’Urubyiruko Gicurasi 2024
Ibintu Byose Bizamera Neza Kubera Ibihango byo mu Ngoro
Ibice by’inyandiko
Leta Zunze Ubumwe z’Amerika
Bavandimwe, mpamije niyoroheje ko uko tujya mu ngoro, dushobora kwibutswa kamere ihoraho ya roho zacu, umubano wacu na Data n’Umwana We, icyifuzo nyamukuru cyacu cyo gusubira mu rugo rwacu rwo mu ijuru. …
Akoresheje imiyoborere yahumetswe y’Umuyobozi Nelson, Nyagasani yihutishije, kandi azakomeza kwihutisha, iyubakwa ry’ingoro hirya no hino ku isi. Ibi bizahesha abana b’Imana bose amahirwa yo kwakira imigenzo y’agakiza n’ikuzwa ndetse no gukora no kubahiriza ibihango bitagatifu. …
Ukugira uruhare kenshi mu migenzo yo mu ngoro bishobora gushyiraho icyitegererezo cy’ubwitange kuri Nyagasani. Iyo mwubahirije ibihango byanyu byo mu ngoro kandi mukabyibuka, muhamagarira ubusabane bwa Roho Mutagatifu ngo bubakomeze kandi bubeze. …
Ni mu bihango by’iyomekanywa mu ngoro dushobora kugirira icyizere cy’amasano y’umuryango yuje urukundo azakomeza nyuma y’urupfu kandi akaramba ubuziraherezo. Kubahiriza ibihango by’ugushyingirwa n’umuryango byakorewe mu ngoro z’Imana bizarinda ikibi cy’ukwikunda n’ubwibone. …
Nta kabuza Ibigeragezo, imbogamizi n’agahinda bizatugeraho twese. Nta n’umwe muri twe ukingiwe “ibishakwe by’umubiri” [reba 2 Abakorinto 12:7–10]. Nyamara, uko tujya mu ngoro kandi tukibuka ibihango byacu, dushobora kwitegura kwakira ubujyanama bw’umuntu ku giti cye buvuye kuri Nyagasani. …
Bavandimwe banjye bakundwa, mbaye umuhamya ko nta kintu cy’ingirakamaro kuruta kubahiriza ibihango mwakoreye cyangwa mushobora gukorera mu ngoro.
© 2024 byakozwe na Intellectual Reserve, Inc. All rights reserved. Cyacapiwe muri Leta Zunze Ubumwe z’Amerika. Ukwemerwa kw’Icyongereza: 6/19. Ukwemerwa k’ubusemuzi: 6/19. Ubusemuzi bwa Monthly For the Strength of Youth Message, May 2024. Kinyarwanda. 19298 716